ನಾನೇ ಆರ್ಯವರ್ಧನ್ ಎಂದ ಸಂಜುಗೆ ಹರ್ಷ ಮಾಡಿದ್ದು ಸರಿನಾ..?

ಸಂಜುಗೆ ಸತ್ಯ ಗೊತ್ತಾಯ್ತಾ..?

ಇತ್ತ ಸಂಜು ವೈದ್ಯರನ್ನು ಕಿಡ್ನ್ಯಾಪ್ ಮಾಡಿರುತ್ತಾನೆ. ಕಿಡ್ನ್ಯಾಪ್ ಮಾಡಿದ್ದಲ್ಲದೇ ಚಾಕು ತೋರಿಸಿ ಹೆದರಿಸುತ್ತಾನೆ. ನನಗೆ ಯಾಕೆ ಟ್ರೀಟ್ ಮೆಂಟ್ ಕೊಡುವುದಿಲ್ಲ. ನಾನು ಯಾರು ಎಂದು ಹೇಳಿ. ನನ್ನ ಹೆಸರು ಸಂಜು ಅಲ್ಲವೇ ಅಲ್ಲ. ನೀವೆಲ್ಲಾ ನನಗೆ ಸುಳ್ಳು ಹೇಳುತ್ತಿದ್ದೀರಾ ಎಂದು ಹೆದರಿಸುತ್ತಾನೆ. ಅಷ್ಟೇ ಅಲ್ಲದೇ, ನನಗೆ ಸಾಯಿಸಲು ಸಾಧ್ಯವಿಲ್ಲ. ಆದರೆ, ಈ ಕೆಲಸವನ್ನು ಈ ಮುಂಚೆ ನಾನು ಮಾಡಿದ್ದೀನಿ ಅನಿಸುತ್ತಿದೆ. ಸತ್ಯ ಹೇಳಿ ಬಚಾವ್ ಆಗಿ ಎನ್ನುತ್ತಾನೆ. ವೈದ್ಯರು ಸಂಜು ನಡವಳಿಕೆಯಿಂದ ಹೆದರಿಕೊಂಡು ಸತ್ಯ ಹೇಳುತ್ತಾರೆ. ಪೊಲೀಸರು ಸತ್ಯವನ್ನು ಮುಚ್ಚಿಡಲು ಹೇಳಿದ್ದಾರೆ. ನೀನೇ ಆರ್ಯವರ್ಧನ್ ಎಂದು ಹೇಳುತ್ತಾನೆ. ಆಗ ಸಂಜು ಖುಷಿಯಿಂದ ಮನೆಗೆ ಹೊರಡುತ್ತಾನೆ.

ವೈದ್ಯರಿಗೆ ಬೆದರಿಕೆ ಹಾಕಿದ ಝೇಂಡೇ!!

ಅಲ್ಲಿಂದ ವೈದ್ಯರು ತಪ್ಪಿಸಿಕೊಂಡು ಹೋಗುವಾಗ ಝೇಂಡೇ ಕಿಡ್ನ್ಯಾಪ್ ಮಾಡಿ ಬಿಡುತ್ತಾನೆ. ಗನ್ ತೋರಿಸಿ ಹೆದರಿಸುತ್ತಾನೆ. ಸಂಜು ಬಗ್ಗೆ ನನಗೆ ಎಲ್ಲಾ ಸತ್ಯವೂ ಗೊತ್ತಿದೆ. ಆದರೆ ಸಂಜುನೇ ಆರ್ಯ ಎಂಬ ಸತ್ಯವನ್ನು ನೀನು ಯಾವುದೇ ಕಾರಣಕ್ಕೂ ಯಾರಿಗೂ ಹೇಳಬಾರದು ಎನ್ನುತ್ತಾನೆ. ಆದರೆ ವೈದ್ಯರು ಈಗಾಗಲೇ ಸಂಜುಗೆ ಆತನೇ ಆರ್ಯವರ್ಧನ್ ಎಂದು ಹೇಳಿರುವುದನ್ನು ಹೇಳಿ ಬಿಡುತ್ತಾನೆ. ಇದರಿಂದ ಈಗ ಝೇಂಡೇ ಹೇಗಾದರೂ ಮಾಡಿ ಸಂಜುನನ್ನು ತನ್ನ ಪರ ಸೆಳೆದುಕೊಳ್ಳುವ ಬಗ್ಗೆ ಯೋಚಿಸುತ್ತಿರುತ್ತಾನೆ.

ನಾನೇ ಆರ್ಯವರ್ಧನ್ ಎಂದ ಸಂಜು

ಮನೆಗೆ ಬರುವ ಸಂಜುನನ್ನು ಆರಾಧನಾ ಮಾತನಾಡಿಸುತ್ತಾಳೆ. ಹೇಳದೆ ಕೇಳದೆ ಎಲ್ಲಿಗೆ ಹೋಗಿದ್ದೆ ಎಂದು ವಿಚಾರಿಸುತ್ತಾಳೆ. ಆದರೆ ಸಂಜು ನೋಡಿ ನಿಮ್ಮ ಗಂಡ ನಾನಲ್ಲ. ನಾನು ಆರ್ಯವರ್ಧನ್. ನನಗೆ ಡಾಕ್ಟರ್ ಹೇಳಿದ್ದಾರೆ. ನಾನು ವಿಶ್ವಾಸ್, ಸಂಜು ಇಬ್ಬರೂ ಅಲ್ಲ ಎಂದು ಕೂಗಿ ಕೂಗಿ ಹೇಳುತ್ತಾನೆ. ಮನೆಯಲ್ಲಿ ಎಲ್ಲರೂ ಗೊಂದಲಕ್ಕೊಳಗಾಗಿ ಸಂಜುಗೆ ಬುದ್ಧಿ ಹೇಳುತ್ತಿರುತ್ತಾರೆ. ಇದೇ ವೇಳೆಗೆ ಬರುವ ಅನು, ಸಂಜುಗೆ ಬೈಯುತ್ತಾಳೆ. ಇನ್ನೊಂದು ಸಲ ಹೀಗೆ ಹೇಳಬೇಡಿ ಎಂದು ಹೇಳುತ್ತಾಳೆ.

ಸಂಜು ಮಾತು ಕೇಳಿ ಎಲ್ಲರೂ ಶಾಕ್

ಎಷ್ಟು ಹೇಳಿದರೂ ಸಂಜು ಮಾತ್ರ ಕೇಳುವುದಿಲ್ಲ. ಅನುಗೆ ಕೋಪ ಬಂದು ಕೂಗಾಡುತ್ತಾಳೆ. ಆದರೂ ಸಂಜು ನಾನೇ ಆರ್ಯವರ್ಧನ್. ಬೇಕಿದ್ದರೆ ಹೋಗಿ ವೈದ್ಯರನ್ನು ವಿಚಾರಿಸಿ ಎಂದು ಹೇಳುತ್ತಾನೆ. ಆಗ ಹರ್ಷ ಸಂಜುಗೆ ನಿದ್ರೆ ಬರುವ ಇಂಜೆಕ್ಷನ್ ಅನ್ನು ಕೊಡುತ್ತಾನೆ. ಆರಾಧನಾಳಿಗೆ ಸಮಾಧಾನ ಮಾಡುತ್ತಾರೆ. ಆದರೆ ಸಂಜುನೇ ಆರ್ಯ ಎಂಬ ಸತ್ಯ ಗೊತ್ತಾಗುವ ಮುನ್ನವೇ ಝೇಂಡೇ ಕಿಡ್ನ್ಯಾಪ್ ಮಾಡುತ್ತಾನಾ ಎಂಬ ಕುತೂಹಲ ಸೃಷ್ಟಿಯಾಗಿದೆ.