ಕೋಟ್ಯಧಿಪತಿ: ಜೂ.ಎನ್‌ಟಿಆರ್‌ಗೆ ಚಿರಂಜೀವಿ, ನಾಗಾರ್ಜುನಗಿಂತಲೂ ಹೆಚ್ಚು ಸಂಭಾವನೆ

60 ಎಪಿಸೋಡ್‌ಗೆ ಸಂಭಾವನೆ ಎಷ್ಟು?

ಒಟ್ಟು 60 ಎಪಿಸೋಡ್‌ಗಳ ಶೋ ಇದಾಗಿರಲಿದ್ದು, ಈ 60 ಎಪಿಸೋಡ್‌ಗೆ 10 ಕೋಟಿ ಸಂಭಾವನೆಯನ್ನು ಜೂ.ಎನ್‌ಟಿಆರ್ ಪಡೆಯಲಿದ್ದಾರೆ ಎನ್ನಲಾಗಿದೆ. ಈ ಹಿಂದೆ ಇದೇ ಶೋ ಅನ್ನು ನಿರೂಪಣೆ ಮಾಡಲು ನಾಗಾರ್ಜುನ 4.5 ಕೋಟಿ. ಚಿರಂಜೀವಿ 9 ಕೋಟಿ ಸಂಭಾವನೆ ಪಡೆದಿದ್ದರಂತೆ.

ನಾಗಾರ್ಜುನ, ಚಿರಂಜೀವಿ ನಿರೂಪಣೆ ಮಾಡಿದ್ದರು

ಈ ಹಿಂದೆ ನಟ ನಾಗಾರ್ಜುನ ಹಾಗೂ ಮೆಗಾಸ್ಟಾರ್ ಚಿರಂಜೀವಿ ಅವರುಗಳು ತೆಲುಗಿನ ಕೋಟ್ಯಧಿಪತಿ ರಿಯಾಲಿಟಿ ಶೋ ಅನ್ನು ನಿರೂಪಣೆ ಮಾಡಿದ್ದರು. ಮೊದಲ ಮೂರು ಸೀಸನ್‌ ಅನ್ನು ನಟ ನಾಗಾರ್ಜುನ ನಿರೂಪಣೆ ಮಾಡಿದ್ದರೆ, ನಾಲ್ಕನೇ ಸೀಸನ್‌ ಅನ್ನು ಮೆಗಾಸ್ಟಾರ್ ಚಿರಂಜೀವಿ ನಿರೂಪಣೆ ಮಾಡಿದ್ದರು. ಈವರೆಗೆ ನಾಲ್ಕೂ ಸೀಸನ್‌ಗಳು ಸ್ಟಾರ್‌ ಮಾ ಚಾನೆಲ್‌ನಲ್ಲಿ ಪ್ರಸಾರವಾಗಿದ್ದವು.

ರಾಮ್ ಚರಣ್-ರಾಜಮೌಳಿ ಅತಿಥಿಗಳು?

ಜೂ.ಎನ್‌ಟಿಆರ್ ನಡೆಸಿಕೊಡಲಿರುವ 'ಎವರು ಮೀಲೋ ಕೋಟೀಶ್ವರುಲು' ಶೋ ಗೆ ಹಲವು ಸೆಲೆಬ್ರಿಟಿಗಳು ಸಹ ಅತಿಥಿ ಸ್ಪರ್ಧಿಗಳಾಗಿ ಆಗಮಿಸಲಿದ್ದಾರೆ. ಉದ್ಘಾಟನಾ ಸಂಚಿಕೆಯಲ್ಲಿ ರಾಮ್ ಚರಣ್ ಹಾಗೂ ರಾಜಮೌಳಿ ಭಾಗವಹಿಸಲಿದ್ದಾರೆ ಎನ್ನಲಾಗುತ್ತಿದೆ.

ಪ್ರಶಾಂತ್ ನೀಲ್ ನಿರ್ದೇಶನದ ಸಿನಿಮಾದಲ್ಲಿ ಜೂ.ಎನ್‌ಟಿಆರ್

ಇನ್ನುಳಿದಂತೆ ಜೂ.ಎನ್‌ಟಿಆರ್ ನಟಿಸಿ ರಾಜಮೌಳಿ ನಿರ್ದೇಶಿಸಿರುವ ಬಹುನಿರೀಕ್ಷಿತ ಸಿನಿಮಾ ಆರ್‌ಆರ್‌ಆರ್ ಅಕ್ಟೋಬರ್ 13 ರಂದು ಬಿಡುಗಡೆ ಆಗಲಿದೆ. ಕನ್ನಡದ ನಿರ್ದೇಶಕ ಪ್ರಶಾಂತ್ ನೀಲ್ ನಿರ್ದೇಶಿಸಲಿರುವ ಸಿನಿಮಾದಲ್ಲಿಯೂ ಜೂ.ಎನ್‌ಟಿಆರ್ ನಟಿಸಲಿದ್ದಾರೆ. ಆ ಸಿನಿಮಾದ ಚಿತ್ರೀಕರಣ ಶೀಘ್ರದಲ್ಲಿಯೇ ಪ್ರಾರಂಭವಾಗಲಿದೆ.