ಅಪ್ಪಿ-ತಪ್ಪಿ ಗಣೇಶ್ 'ಕಾಮಿಡಿ ಟೈಮ್' ಅವಕಾಶವನ್ನ ಕೈ ಬಿಟ್ಟಿದ್ದರೆ.?!

ಆಫರ್ ಸಿಕ್ಕಿದ್ದು ರವಿಶಂಕರ್ ಗೆ.!

''ಕಾಮಿಡಿ ಟೈಮ್' ಕಾರ್ಯಕ್ರಮ ಬಂದಿದ್ದು ನನಗಲ್ಲ. ರವಿಶಂಕರ್ ಗೌಡ ರವರಿಗೆ 'ಕಾಮಿಡಿ ಟೈಮ್' ಮಾಡುವ ಆಫರ್ ಸಿಕ್ಕಿತ್ತು. ಆದರೆ ಅವರು ಆಗ ಬಿಜಿ ಇದ್ದರು. ಹೀಗಾಗಿ, ರವಿಶಂಕರ್ ಗೌಡ, ನನ್ನನ್ನ 'ಕಾಮಿಡಿ ಟೈಮ್'ಗೆ ರೆಫರ್ ಮಾಡಿದರು'' - ಗಣೇಶ್, ನಟ

ಇಷ್ಟ ಇರಲಿಲ್ಲ

''ರವಿಶಂಕರ್ ಗೌಡ ನನಗೆ ಫೋನ್ ಮಾಡಿದಾಗಲೂ, ''ನಾನು ಕಾಮಿಡಿ ಟೈಮ್ ಮಾಡಲ್ಲ. ಏನಿದ್ದರೂ ಸಿನಿಮಾ ಮಾಡುವೆ'' ಅಂತ ಹೇಳಿದ್ದೆ'' - ಗಣೇಶ್, ನಟ

ಯಾವುದಕ್ಕೂ ಇರಲಿ ಅಂತ...

''ಆಗ ಕಡಿಮೆ ಚಾನೆಲ್ ಗಳು ಇದ್ವು. ಯಾವುದಕ್ಕೂ ಇರಲಿ ಅಂತ ಸ್ಕ್ರೀನ್ ಟೆಸ್ಟ್ ಗೆ ಹೋದೆ. ಕಾಲೇಜು ದಿನಗಳಿಂದಲೂ ಪ್ರಾಂಕ್ ಕಾಲ್ ಗಳನ್ನ ಮಾಡಿ ನನಗೆ ಅಭ್ಯಾಸ ಇತ್ತು. ನಾನು ಮತ್ತು ಸುಜಾತಾ ಪ್ರಾಂಕ್ ಕಾಲ್ ತರಹ ಮಾತನಾಡಿದಾಗ ಚಾನೆಲ್ ನವರು ತುಂಬಾ ಇಷ್ಟಪಟ್ಟು ನನಗೆ ಅವಕಾಶ ಕೊಟ್ಟರು'' - ಗಣೇಶ್, ನಟ

ಗಣೇಶ್ ಇಟ್ಟ ಬೇಡಿಕೆ...

''ಶೂಟಿಂಗ್ ಗೆ ಬನ್ನಿ ಅಂತ ಕರೆದರೂ, ನನಗೆ ಇಂಟ್ರೆಸ್ಟ್ ಇಲ್ಲ ಅಂತ ಹೇಳಿದ್ದೆ. ಕಡೆಗೆ ಪ್ರತಿ ಸಂಚಿಕೆಗೆ ಎರಡು ಸಾವಿರ ಕೊಟ್ಟರೆ ಬರ್ತೀನಿ ಅಂತ ಹೇಳ್ದೆ. ಆಗೆಲ್ಲ ಹೆಚ್ಚು ಅಂದ್ರೆ, ಪ್ರತಿ ಸಂಚಿಕೆಗೆ 350 ರೂಪಾಯಿ ಕೊಡುತ್ತಿದ್ದರು. ಹೀಗಾಗಿ, 'ನಾನು ಪ್ರಾಂಕ್ ಮಾಡಬೇಕು, ವಾಯ್ಸ್ ಬದಲಾಯಿಸಬೇಕು, ತುಂಬ ಕೆಲಸ ಇದೆ' ಅಂತ ಹೇಳಿದ್ಮೇಲೆ, ಎಪಿಸೋಡ್ ಗೆ ಸಾವಿರ ರೂಪಾಯಿ ಕೊಡುವೆ ಅಂತ ಹೇಳಿದರು'' - ಗಣೇಶ್, ನಟ

ಸಾವಿರ ಎಪಿಸೋಡ್

''ಎಪಿಸೋಡ್ ಗೆ ಸಾವಿರ ಅಂದ್ರೆ, ತಿಂಗಳಿಗೆ ಇಪ್ಪತ್ತೈದು ಎಪಿಸೋಡ್... ಇಪ್ಪತ್ತೈದು ಸಾವಿರ ಅಂತ ಲೆಕ್ಕ ಮಾಡುತ್ತಿರುವಾಗಲೇ, 1250 ಫೈನಲ್ ಅಂತ ಹೇಳಿಬಿಟ್ಟರು. ನಾನು ಮತ್ತು ಸುಜಾತ ಒಟ್ಟಿಗೆ ಸಾವಿರ ಎಪಿಸೋಡ್ ಮಾಡಿದ್ವಿ. ಮೂರ್ನಾಲ್ಕು ಎಪಿಸೋಡ್ ಪ್ರಸಾರ ಆಗುತ್ತಿದ್ದಂತೆಯೇ ಜನ ನಮ್ಮನ್ನ ಗುರುತಿಸಲು ಶುರು ಮಾಡಿದರು'' - ಗಣೇಶ್, ನಟ

ಅಪ್ಪಿ-ತಪ್ಪಿ ಗಣೇಶ್ ಒಪ್ಪಿಕೊಳ್ಳದೇ ಇದ್ದಿದ್ರೆ...

ಸ್ಯಾಂಡಲ್ ವುಡ್ ನಲ್ಲಿ ನೆಲೆ ಕಂಡುಕೊಳ್ಳಲು ಒದ್ದಾಡುತ್ತಿದ್ದ ಗಣೇಶ್ ಗೆ ಭದ್ರ ಬುನಾದಿ ಹಾಕಿಕೊಟ್ಟಿದ್ದು 'ಕಾಮಿಡಿ ಟೈಮ್' ಕಾರ್ಯಕ್ರಮ. ಒಂದ್ವೇಳೆ, ಆ ಕಾರ್ಯಕ್ರಮವನ್ನ ಗಣೇಶ್ ಒಪ್ಪಿಕೊಳ್ಳದೇ ಇದ್ದಿದ್ದರೆ..?! ಅದೃಷ್ಟ ಅನ್ನೋದು ಇದಕ್ಕೆ ಅಲ್ವೇ.? ಅದೃಷ್ಟದ ಜೊತೆ ಗಣೇಶ್ ಪಟ್ಟಿರುವ ಶ್ರಮ ಇಂದು ಅವರನ್ನ 'ಗೋಲ್ಡನ್ ಸ್ಟಾರ್' ಆಗಿ ಮಾಡಿದೆ.