'ಬಿಗ್ ಬಾಸ್' ರನ್ನ ಪ್ರಶ್ನೆ ಮಾಡಿದ ಕನ್ನಡದ ಖ್ಯಾತ ನಟಿ

'ಮೇಘನಾ ಗಾಂವ್ಕರ್' ಕೇಳಿದ ಪ್ರಶ್ನೆ ಏನು.?

'ನಮ್ ಏರಿಯಾದಲ್ಲಿ ಒಂದ್ ದಿನ', 'ಚಾರ್ ಮಿನಾರ್', 'ಸಿಂಪಲ್ಲಾಗ್ ಒಂದ್ ಲವ್ ಸ್ಟೋರಿ'.... ಹೀಗೆ ಇನ್ನೂ ಅನೇಕ ಸಿನಿಮಾಗಳಲ್ಲಿ ಅಭಿನಯಿಸಿರುವ ನಟಿ 'ಮೇಘನಾ ಗಾಂವ್ಕರ್' 'ಬಿಗ್ ಬಾಸ್' ಗೆ ಪ್ರಶ್ನೆ ಕೇಳಿದ್ದಾರೆ. ''ಬಿಗ್ ಬಾಸ್ ಧ್ವನಿ ಯಾಕೆ ಪುರುಷರದ್ದೇ ಆಗಬೇಕು? ಮಹಿಳೆಯ ಧ್ವನಿ ಕೂಡ ಆಗಬಹುದಲ್ಲವೇ.?'' ಅಂತ ಮೇಘನಾ ಕೇಳ್ತಿದ್ದಾರೆ.

ಸುಮ್ಮನೆ ಕೇಳಿದೆ ಅಂತಿರೋ ಮೇಘನಾ

ಟ್ವಿಟ್ಟರ್ ಮೂಲಕ ಇಂಥದೊಂದು ಅಭಿಪ್ರಾಯವನ್ನ ಮೇಘನಾ ವ್ಯಕ್ತ ಪಡಿಸಿದ್ದಾರೆ. ಇದನ್ನ ನೋಡಿರುವ ಅಭಿಮಾನಿಗಳು ತಮ್ಮದೇ ಸ್ಟೈಲ್ ನಲ್ಲಿ ಉತ್ತರಿಸೋದಕ್ಕೆ ಶುರು ಮಾಡಿದ್ದಾರೆ.

ಟ್ವಿಟ್ಟರ್ ಮೂಲಕ ಮೇಘನಾ ಧ್ವನಿಗೆ ಮೆಚ್ಚುಗೆ

ಈ ರೀತಿ ಟ್ವೀಟ್ ಮಾಡಿದ ತಕ್ಷಣ ಅನೇಕರು ಮೇಘನಾರಿಗೆ ನೀವೇ ಧ್ವನಿ ಕೊಡಿ ಅಂತ ಸಲಹೆ ನೀಡಿದ್ದಾರೆ. ನಿಮ್ಮ ಧ್ವನಿ ತುಂಬಾ ಚೆನ್ನಾಗಿ ಸೂಟ್ ಆಗುತ್ತೆ, ಆದ್ದರಿಂದ ನೀವು ಪ್ರಯತ್ನ ಮಾಡಿ ಎಂದಿದ್ದಾರೆ.

ಪಾತ್ರಗಳ ಆಯ್ಕೆಯಲ್ಲಿ ಸಖತ್ ಚ್ಯೂಸಿ

ಇತ್ತೀಚೆಗಷ್ಟೇ 'ವ್ಯಾನಿಟಿ ಟ್ರಂಕ್' ಸೇಲ್ ನಲ್ಲಿ ಭಾಗಿಯಾಗಿದ್ದ ಮೇಘನಾ ಒಳ್ಳೆ ಕತೆಗಾಗಿ ಕಾದಿದ್ದಾರೆ. ಚಿತ್ರರಂಗಕ್ಕೆ ಬಂದಾಗಿನಿಂದಲೂ ಒಳ್ಳೆ ಪಾತ್ರಗಳನ್ನ ಮಾತ್ರ ಆಯ್ಕೆ ಮಾಡಿಕೊಳ್ಳುವ ನಟಿ ಮೇಘನಾ ಇನ್ನೂ ಕೆಲವೇ ದಿನಗಳಲ್ಲಿ ಅಭಿಮಾನಿಗಳ ಮುಂದೆ ವಿಭಿನ್ನ ಪಾತ್ರದ ಮೂಲಕ ಬರಲಿದ್ದಾರೆ.