ಪುನೀತ್ ಶೋಗೆ ಸವಾಲು ಆಗಲಿದ್ಯಾ ಇನ್ನೊಂದು ವಾಹಿನಿಯ ಈ ಶೋ?

ಕೋಟ್ಯಧಿಪತಿಗೆ ಎದುರಾಳಿ ಯಾರು?

ಪ್ರತಿ ಶನಿವಾರ ಮತ್ತು ಭಾನುವಾರ ರಾತ್ರಿ 8 ಗಂಟೆಗೆ ಕೋಟ್ಯಧಿಪತಿ ಬಂದ್ರೆ, ಈ ಕಾರ್ಯಕ್ರಮಕ್ಕೆ ಎದುರಾಳಿಯಾಗುವುದು ಜೀ ಕನ್ನಡ ವಾಹಿನಿಯ ಸರಿಗಮಪ. ಕಳೆದ ಹದಿನೈದು ಆವೃತ್ತಿಗಳಿಂದ ಸಂಗೀತ ಪ್ರಿಯರನ್ನ ರಂಜಿಸುತ್ತಾ ಬಂದಿರುವ ಸರಿಗಮಪ ಪ್ರಸಾರವಾಗುವ ಸಮಯದಲ್ಲೇ ಕೋಟ್ಯಧಿಪತಿ ಬಂದಿರುವುದು ಈಗ ಪೈಪೋಟಿಗೆ ಕಾರಣವಾಗಿದೆ.

ಯಾರಿಗೆ ಪ್ರೇಕ್ಷಕ ಜೈ ಅಂತಾನೆ

ಸರಿಗಮಪ ಶೋ ನೋಡುವ ಪ್ರೇಕ್ಷಕರೂ ಕೂಡ ಈಗ ಕೋಟ್ಯಧಿಪತಿ ನೋಡ್ಬೇಕು ಎಂಬ ನಿರೀಕ್ಷೆಯಲ್ಲಿರಬಹುದು. ಒಂದೇ ಸಮಯದಲ್ಲಿ ಎರಡೂ ಶೋಗಳು ಬರುವುದರಿಂದ ಸಹಜವಾಗಿ ಪ್ರೇಕ್ಷಕರ ವರ್ಗ ಇಬ್ಭಾಗವಾಗಬೇಕಿದೆ. ಸರಿಗಮಪ ಶೋನಿಂದ ಕೋಟ್ಯಧಿಪತಿ ಕಡೆಗೆ ಕೆಲವರು ವಾಲಬಹುದು. ಅಥವಾ ಕೋಟ್ಯಧಿಪತಿ ಆಟಕ್ಕೆ ಹೋಗದೇ ಅಲ್ಲೇ ಉಳಿಯಬಹುದು. ಒಟ್ನಲ್ಲಿ ಈ ಎರಡು ಶೋಗಳಿಂದ ಟಿ.ಆರ್.ಪಿ ಲೆಕ್ಕಾಚಾರ ವ್ಯತ್ಯಾಸವಾಗುವುದು ಖಚಿತ.

ಪುನೀತ್ ಶೋ ವೀಕೆಂಡ್ ಗೆ ಬಂದಿದ್ದು ಯಾಕೆ?

ಕಳೆದ ಮೂರು ಆವೃತ್ತಿಯಲ್ಲಿ ಕನ್ನಡದ ಕೋಟ್ಯಧಿಪತಿ ಶೋ ಪ್ರತಿದಿನವೂ ಪ್ರಸರವಾಗ್ತಿತ್ತು. ಆದ್ರೀಗ ವೀಕೆಂಡ್ ಗೆ ಯಾಕೆ ಹೋಯ್ತು ಎಂದು ನೋಡಿದ್ರೆ, ಅದಕ್ಕೆ ಕಾರಣ ಕಲರ್ಸ್ ಕನ್ನಡ ವಾಹಿನಿಯ ಶೆಡ್ಯೂಲ್. ಪ್ರತಿದಿನ ಟೆಲಿಕಾಸ್ಟ್ ಆಗುವ ಧಾರಾವಾಹಿಗಳಿಗೆ ಉತ್ತಮ ಪ್ರತಿಕ್ರಿಯೆ ಇದೆ. ಹಾಗಾಗಿ, ಅದನ್ನ ನಿಲ್ಲಿಸುವುದಕ್ಕೆ ಮುಂದಾಗಿಲ್ಲ. ರಿಯಾಲಿಟಿ ಶೋ, ಗೇಮ್ ಶೋಗಳನ್ನ ವಾರಾಂತ್ಯದಲ್ಲಿ ಮಾಡುವ ಸಂಪ್ರದಾಯ ಇದೆ. ಸೋ, ವೀಕೆಂಡ್ ಗೆ ಹೋದ್ರೆ ಏನೂ ಸಮಸ್ಯೆ ಇಲ್ಲ ಎಂದು ವಾಹಿನಿಯ ಶೆಡ್ಯೂಲ್ ಮೇಲೆ ನಿರ್ಧಾರ ಮಾಡಲಾಗಿದೆಯಂತೆ.

ಜೀ ಟಿ.ಆರ್.ಪಿಗೆ ಸೆಡ್ಡು ಹೊಡೆಯುತ್ತಾ ಪುನೀತ್ ಶೋ?

ಟಿ.ಆರ್.ಪಿಯಲ್ಲಿ ಜೀ ಕನ್ನಡ ವಾಹಿನಿಯ ಮುಂದಿದೆ. ಮೊದಲ ಸ್ಥಾನದಲ್ಲಿದ್ದ ಕಲರ್ಸ್ ಕನ್ನಡ ವಾಹಿನಿಯನ್ನ ಹಿಂದಿಕ್ಕಿ ಅಗ್ರಪಟ್ಟಕ್ಕೇರಿತ್ತು. ಇದೀಗ, ಕನ್ನಡದ ಕೋಟ್ಯಧಿಪತಿ ಅಂತಹ ಗೇಮ್ ಶೋವನ್ನ ಬೇರೆ ವಾಹಿನಿಯನ್ನ ತಂದು ಮಾಡ್ತಿರುವುದರ ಹಿಂದೆ ಟಿ.ಆರ್.ಪಿ ರೇಸ್ ಲೆಕ್ಕಾಚಾರ ಕೂಡ ಇರಬಹುದು. ಸೋ ಕಲರ್ಸ್ ವಾಹಿನಿಗೆ ಪುನೀತ್ ಶೋ ಎಷ್ಟರ ಮಟ್ಟಿಗೆ ಸಹಾಯ ಮಾಡುತ್ತೆ ಅಂತ ಕಾದು ನೋಡೋಣ.