'ಕನ್ನಡದ ಕೋಟ್ಯಧಿಪತಿ'ಯಲ್ಲಿ ಸಿಕ್ಕ ಅವಕಾಶವನ್ನ ಸರಿಯಾಗಿ ಬಳಸದ ಸೌಮ್ಯ.!

ಹನ್ನೊಂದನೇ ಪ್ರಶ್ನೆ ವೇಳೆ ಎಡವಟ್ಟು

ಹತ್ತು ಪ್ರಶ್ನೆಗಳಿಗೆ ಸರಿ ಉತ್ತರ ನೀಡಿದ್ದ ಸೌಮ್ಯ ಅವರಿಗೆ ಹನ್ನೊಂದನೇ ಪ್ರಶ್ನೆ ಕೇಳಲಾಯಿತು. ಆ ಪ್ರಶ್ನೆ ಇದೇ ನೋಡಿ ''ಇಲ್ಲಿ ಯಾವ ದ್ವೀಪಸಮೂಹದಲ್ಲಿ ಚಾರ್ಲ್ಸ್ ಡಾರ್ವಿನ್ ಗೌರವಾರ್ಥವಾಗಿ ಆತನ ಹೆಸರನ್ನಿಟ್ಟ ದ್ವೀಪ ಇದೆ.?''

A ಮಲೆ

B ಹವಾಯಿ ದ್ವೀಪಗಳು

C ಗ್ಯಾಲಪಗೋಸ್ ದ್ವೀಪಗಳು

D ಬಹಾಮ ದ್ವೀಪಗಳು

'ಡಬಲ್ ಡಿಪ್' ಯಾಕೆ ಬಳಸಿಲ್ಲ

ಸೌಮ್ಯ ಅವರ ಬಳಿ ಎರಡು ಲೈಫ್ ಲೈನ್ ಇತ್ತು. ಉತ್ತರ ಗೊತ್ತಿಲ್ಲದ ಕಾರಣ ಫೋನ್ ಎ ಫ್ರೆಂಡ್ ಬಳಸಿದರು. ಅದು ವ್ಯರ್ಥವಾಗಿತ್ತು. ನಂತರ ಅವರ ಬಳಿ ಡಬಲ್ ಡಿಪ್ ಆಯ್ಕೆ ಇತ್ತು. ಆದ್ರೆ, ಸೌಮ್ಯ ಅವರು ಈ ಲೈಫ್ ಲೈನ್ ಬಳಸುವ ಯೋಚನೆ ಮಾಡಲೇ ಇಲ್ಲ. ಒಂದು ಉತ್ತರ ತಪ್ಪಾಗಿದ್ದರು, ಇನ್ನೊಂದು ಉತ್ತರ ನೀಡುವ ಅವಕಾಶ ಸಿಕ್ಕಿತ್ತು. ಆದ್ರೆ, ಯಾಕೆ ಬಳಸಿಲ್ಲ ಎನ್ನುವುದೇ ಕುತೂಹಲ.

ಸೌಮ್ಯ ಕೊಟ್ಟ ಉತ್ತರ

ಲೈಫ್ ಲೈನ್ ಬಾಕಿ ಇದ್ದರೂ, ರಮೇಶ್ ಅರವಿಂದ್ ಅವರು ಅದನ್ನ ಬಳಸಿ ಎಂದು ಸಲಹೆ ನೀಡಿದರೂ, ಬೇಡ ಇದೇ ಉತ್ತರ ಇರಲಿ ಎಂದು ಸೌಮ್ಯ ಅವರು ಆಯ್ಕೆ 'B ಹವಾಯಿ ದ್ವೀಪಗಳು' ಲಾಕ್ ಮಾಡಿದರು. ಕೊನೆಗೆ ಆ ಉತ್ತರ ತಪ್ಪಾಗಿತ್ತು. ಇಲ್ಲಿಗೆ ಸೌಮ್ಯ ಆಟ ಅಂತ್ಯವಾಯಿತು.

ಸರಿಯಾದ ಉತ್ತರ ಯಾವುದು.?

ಇಲ್ಲಿ ಯಾವ ದ್ವೀಪಸಮೂಹದಲ್ಲಿ ಚಾರ್ಲ್ಸ್ ಡಾರ್ವಿನ್ ಗೌರವಾರ್ಥವಾಗಿ ಆತನ ಹೆಸರನ್ನಿಟ್ಟ ದ್ವೀಪ ಇದೆ.?

ಈ ಪ್ರಶ್ನೆಗೆ ಸರಿ ಉತ್ತರ ಆಯ್ಕೆ C C ಗ್ಯಾಲಪಗೋಸ್ ದ್ವೀಪಗಳು

6.40 ಲಕ್ಷ ಗೆಲ್ಲುವ ಚಾನ್ಸ್ ಮಿಸ್

ಹನ್ನೊಂದನೇ ಪ್ರಶ್ನೆಗೆ ತಪ್ಪು ಉತ್ತರ ಕೊಡುವ ಮೂಲಕ 6.40 ಲಕ್ಷ ಗೆಲ್ಲುವ ಅವಕಾಶವನ್ನ ಸೌಮ್ಯ ಕಳೆದುಕೊಂಡರು. ಅಲ್ಲಿಗೆ ಸೌಮ್ಯ ಗಳಿಸಿದ್ದು 3.20 ಲಕ್ಷ ರೂಪಾಯಿ.

'ಡಬಲ್ ಡಿಪ್' ಬಳಸಿದ್ರು ಕಳೆದುಕೊಳ್ಳುತ್ತಿರಲಿಲ್ಲ

ಅಂದ್ಹಾಗೆ, ಸೌಮ್ಯ ಅವರು ಡಬಲ್ ಡಿಪ್ ಲೈಫ್ ಲೈನ್ ಬಳಸಿಕೊಂಡರು ತಪ್ಪು ಉತ್ತರ ನೀಡಿದ್ದರು ಗಳಿಸಿದ್ದ ಯಾವುದೇ ಹಣ ಕಳೆದುಕೊಳ್ಳುತ್ತಿರಲಿಲ್ಲ. ಯಾಕಂದ್ರೆ, ಅವರು ಎರಡನೇ ಜಗಲಿಕಟ್ಟೆಯ ಹಂತವನ್ನ ತಲುಪಿದ್ದರು. 3.20 ಲಕ್ಷ ಗ್ಯಾರೆಂಟಿ ಆಗಿತ್ತು. ಹೀಗಾಗಿ, ಲೈಫ್ ಲೈನ್ ವ್ಯರ್ಥ ಮಾಡುವ ಬದಲು ಪ್ರಯತ್ನ ಪಟ್ಟಿದ್ದರೇ ಸರಿ ಉತ್ತರ ನೀಡಬಹುದಿತ್ತೇನೋ, ನಂತರ ಮುಂದಿನ ಪ್ರಶ್ನೆಯಲ್ಲಿ ಆಟ ಕ್ವಿಟ್ ಮಾಡಬಹದಿತ್ತು.?