Don't Miss!
- Sports IPL 2024: RCB ವಿರುದ್ಧ ಪಂದ್ಯಕ್ಕೆ KKRನ ಆಡುವ 11ರ ಬಳಗ ಮರೆತ ಶ್ರೇಯಸ್ ಅಯ್ಯರ್
- News 7th pay commission: ತುಟ್ಟಿ ಭತ್ಯೆ, ನಗರ ಪರಿಹಾರ ಭತ್ಯೆ, ಸೇವಾ ಭತ್ಯೆ ಸೇರಿದಂತೆ ಭತ್ಯೆಗಳ ಸಂಪೂರ್ಣ ವಿವರ
- Lifestyle ಏಪ್ರಿಲ್ 1ರಿಂದ 800 ಔಷಧಗಳು ದುಬಾರಿ..! ಎಷ್ಟು ಬೆಲೆ ಹೆಚ್ಚಳ.?
- Automobiles ಭಾರತದಲ್ಲಿ ಬಿಡುಗಡೆಗೆ ಸಜ್ಜಾದ ಬಹುನಿರೀಕ್ಷಿತ ಹೊಸ ಸ್ಕೋಡಾ ಸೂಪರ್ಬ್ ಕಾರು
- Technology WhatsApp: ವಾಟ್ಸಾಪ್ನಲ್ಲಿ ಈ ಕರೆಗಳನ್ನು ಸ್ವೀಕರಿಸದಂತೆ ಕೇಂದ್ರದಿಂದ ಎಚ್ಚರಿಕೆ! ಯಾಕೆ ಗೊತ್ತಾ?
- Finance 25ನೇ ವಯಸ್ಸಿನಲ್ಲಿ 25,000 ರೂ.ನಿಂದ 7,000 ಕೋಟಿ ಗಳಿಸಿದ ವ್ಯಕ್ತಿ ಬಗ್ಗೆ ತಿಳಿಯಿರಿ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಓನ್ಲಿ ಉದಯ ಟಿವಿಯಲ್ಲಿ ಸುದೀಪ್ 'ವಿಷ್ಣುವರ್ಧನ'
ದೀಪಾವಳಿ ಹಬ್ಬದ ಪ್ರಯುಕ್ತ ಇಂದು ಈ ಚಿತ್ರವು ಇದೇ ಮೊದಲ ಬಾರಿಗೆ ಕಿರುತೆರೆಯಲ್ಲಿ ಪ್ರಸಾರವಾಗಲಿದೆ. ಉದಯ ಟಿವಿಯಲ್ಲಿ ಪ್ರಸಾರವಾಗಲಿರುವ ಈ ಚಿತ್ರವು ಭಾರಿ ಉತ್ತಮ ಪ್ರತಿಕ್ರಿಯೆ ಪಡೆಯಲಿರುವುದು ಪಕ್ಕಾ ಆಗಿದೆ. ಆದರೆ ಈಗ 'ಟಿಆರ್ ಪಿ' ನೀಡುವ ಪದ್ಧತಿ ಸದ್ಯಕ್ಕೆ ರದ್ದಾಗಿರುವುದರಿಂದ ಎಷ್ಟು ಟಿಆರ್ ಪಿ ಬಂದಿದೆ ಎನ್ನುವುದನ್ನು ಮಾತ್ರ ತಿಳಿಯಲು ಸಾಧ್ಯವಿಲ್ಲ. ಆದರೂ ಪ್ರಸಾರ ಅವಧಿ ಎಷ್ಟಾಗಬಹುದು ಎಂಬ ಕುತೂಹಲ ಎಲ್ಲರಲ್ಲಿದೆ.
ತೆಲುಗು ಚಿತ್ರ 'ಈಗ'ದಲ್ಲಿ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಮಿಂಚಿರುವ ಸುದೀಪ್ ಅದಕ್ಕೂ ಮೊದಲು ನಟಿಸಿ ಬಿಡುಗಡೆಯಾಗಿರುವ ಚಿತ್ರ ಈ ವಿಷ್ಣುವರ್ಧನ. ಆಗ ಸೂಪರ್ ಹಿಟ್ ಆಗಿದ್ದ ಸುದೀಪ್ ಚಿತ್ರಕ್ಕೆ ಈಗ ಮದಲಿಗಿಂತಲೂ ಸಹಜವಾಗಿಯೇ ವೀಕ್ಷಕರು ಹೆಚ್ಚು ಸಿಗುವುದು ಖಾತ್ರಿ. ಜೊತೆಗೆ, ಇದೇ ಮೊದಲ ಬಾರಿಗೆ ಕಿರುತೆರೆಯಲ್ಲಿ ಪ್ರಸಾರ ಕಾಣಲಿರುವುದರಿಂದ ಹಾಗೂ ಜನರು ದೀಪಾವಳಿ ರಜೆಯಲ್ಲಿ ಮನೆಯಲ್ಲೇ ಇರುವುದರಿಂದ ಬಹಳಷ್ಟು ಜನರು ನೋಡುವುದು ಖಂಡಿತ.
ಉದಯ ಟಿವಿಯಲ್ಲಿ ಪ್ರಸಾರವಾಗಲಿರುವ 'ವಿಷ್ಣುವರ್ಧನ' ಚಿತ್ರವನ್ನು ನೋಡಲು ಈಗಾಗಲೇ ಸಾಕಷ್ಟು ಜನರು ಕಾತರರಾಗಿದ್ದಾರೆ. ಸಾಮಾಜಿಕ ತಾಣಗಳಾದ 'ಫೇಸ್ ಬುಕ್' ಹಾಗೂ 'ಟ್ವಿಟ್ಟರ್'ನಲ್ಲಿಯೂ ಇದರ ಬಗ್ಗೆ ಮಾಹಿತಿಗಳು ಓಡಾಡುತ್ತಿವೆ. ಅಷ್ಟೇ ಅಲ್ಲ, ಜನರ ಬಾಯಲ್ಲೂ ಕೂಡ ಚರ್ಚೆಗಳು ನಡೆಯುತ್ತಿವೆ. ನಟ ದಿವಂಗತ ವಿಷ್ಣುವರ್ಧನ್ ಅವರ ಹೆಸರಿನ, ಕಿರುತೆರೆಯಲ್ಲಿ ಮೊದಲ ಬಾರಿಗೆ ಪ್ರಸಾರವಾಗಲಿರುವ ಈ ಚಿತ್ರವು ಕಿರುತೆರೆಯಲ್ಲಿ ಹೊಸ ದಾಖಲೆ ಬರೆದರೆ ಆಶ್ಚರ್ಯವಿಲ್ಲ.
ಅಂದಹಾಗೆ, ಚಿತ್ರದ 'ವಿಷ್ಣುವರ್ಧನ' ಶೀರ್ಷಿಕೆ ಬಗ್ಗೆ ವಿವಾದವಾದ ನಂತರ ಚಿತ್ರಕ್ಕೆ 'ಓನ್ಲಿ' ವಿಷ್ಣುವರ್ಧನ' ಎಂದು ಮರುನಾಮಕರಣ ಮಾಡಲಾಗಿದೆ ಎಂಬುದು ಗಮನದಲ್ಲಿರಲಿ. ಇನ್ನೇನು ಈ ತಿಂಗಳ ಕೊನೆಗೆ (30 ನವೆಂಬರ್ 2012) ಸುದೀಪ್ ಅಭಿನಯದ 'ವರದನಾಯಕ' ಚಿತ್ರ ತೆರೆಗೆ ಬರಲಿದೆ. ಅದಕ್ಕೂ ಮೊದಲು ಟಿವಿಯಲ್ಲಿ ಇಂದು 'ವಿಷ್ಣುವರ್ಧನ' ವೀಕ್ಷಿಸಬಹುದು... (ಒನ್ ಇಂಡಿಯಾ ಕನ್ನಡ)