ಇಂದಿನಿಂದ 'ಬಿಗ್ ಬಾಸ್' ನಲ್ಲಿ ಸ್ಪೆಷಲ್ ಗೆಸ್ಟ್ ಗಳ ಎಂಟ್ರಿ.!

ಅತಿಥಿಯಾಗಿ ಹೋಗಲಿರುವ 'ಕಿರಿಕ್ ಕೀರ್ತಿ'

'ಬಿಗ್ ಬಾಸ್' ರಿಯಾಲಿಟಿ ಶೋ ನಲ್ಲಿ ಐದು ವಾರಗಳು ಕಳೆದ ನಂತರ ಸೀಕ್ರೆಟ್ ರೂಂನಲ್ಲಿ ಸ್ಪರ್ಧಿಗಳನ್ನ ಕಳುಹಿಸುವುದು ಹಿಂದಿನ ಸೀಸನ್ ನಿಂದ ನಡೆದುಕೊಂಡು ಬಂದಿದೆ. ಈ ಬಾರಿ ವಿಶೇಷವಾಗಿ ಗೆಸ್ಟ್ ಗಳಾಗಿ ಹಳೆಯ ಸ್ಪರ್ಧಿಗಳನ್ನ ಕಳುಹಿಸಲಾಗುತ್ತಿದೆ. ಮೊದಲ ಗೆಸ್ಟ್ ಆಗಿ ಕಳೆದ ಬಾರಿಯ ಶೋ ರನ್ನರ್ ಅಪ್ ಕಿರಿಕ್ ಕೀರ್ತಿಯನ್ನ ಕಳುಹಿಸಲಿದ್ದಾರಂತೆ.

ಸ್ಪೆಷಲ್ ಗೆಸ್ಟ್ ಗಳ ವಾರ

ಕಿರಿಕ್ ಕೀರ್ತಿ ನಂತರ ಶಾಲಿನಿ ಕೂಡ 'ಬಿಗ್ ಬಾಸ್' ಮನೆಗೆ ಹೋಗುತ್ತಾರಂತೆ. ಕೀರ್ತಿ ಜೊತೆಯಲ್ಲಿ ಶಾಲಿನಿ ಕೂಡ ಪ್ರೇಕ್ಷಕರಿಗೆ ಸಾಕಷ್ಟು ಮನೋರಂಜನೆ ನೀಡಿದ್ರು. ಇದೇ ಉದ್ದೇಶದಿಂದ ಶಾಲಿನಿಯವರನ್ನ ಆಯ್ಕೆ ಮಾಡಲಾಗಿದ್ಯಂತೆ.

ಲಿಸ್ಟ್ ನಲ್ಲಿದ್ದಾರೆ ಶೀತಲ್

ಈ ಇಬ್ಬರು ಹಳೆ ಸ್ಪರ್ಧಿಗಳ ಜೊತೆಯಲ್ಲಿ ನಟಿ ಹಾಗೂ ನಿರೂಪಕಿ ಶೀತಲ್ ಶೆಟ್ಟಿ ಕೂಡ ಮನೆಗೆ ಪ್ರವೇಶ ಮಾಡಲಿದ್ದಾರೆ. ಪ್ರತಿ ಸ್ಪರ್ಧಿಗಳು ಪ್ರತಿ ನಿತ್ಯ ಎಂಟ್ರಿ ಪಡೆದುಕೊಳ್ಳಲಿದ್ದಾರೆ.

ಬಿಗ್ ಬಾಸ್ ನಲ್ಲಿ 'ಟ್ವಿಸ್ಟ್'

ಈ ಮೂರು ಸ್ಪರ್ಧಿಗಳ ಜೊತೆಯಲ್ಲಿ 'ನಿರಂಜನ್ ದೇಶಪಾಂಡೆ' ಹೆಸರು ಕೂಡ ಕೇಳಿ ಬರ್ತಿದೆ. ಕಳೆದ ವಾರವಷ್ಟೇ ಬಿಗ್ ಬಾಸ್ ಮನೆಯಿಂದ ಹೊರ ಬಂದಿರುವ 'ಕೃಷಿ ತಾಪಂಡ' ವೈಲ್ಡ್ ಕಾರ್ಡ್ ಎಂಟ್ರಿ ಪಡೆದುಕೊಳ್ಳುವ ಸಾಧ್ಯತೆ ಇದ್ಯಂತೆ.