ಬಿಗ್ ಬಾಸ್ ಬಳಿಕ ಕುರಿ ಪ್ರತಾಪ್ ಬೇಸರವಾದ್ರಾ! ಸೋಲಿನ ಬಗ್ಗೆ ಪ್ರತಾಪ್ ಹೇಳಿದ್ದೇನು?

ಫಲಿತಾಂಶದ ಬಗ್ಗೆ ಯಾವ ಬೇಸರವೂ ಇಲ್ಲ

''ಬಿಗ್ ಬಾಸ್ ನಲ್ಲಿ ನಾನು ಗೆದ್ದಿಲ್ಲ ಎಂದು ಬೇಜಾರು ಮಾಡಿಕೊಂಡಿಲ್ಲ. ಫೈನಲ್ ಆದ್ಮೇಲೆ ಪ್ರತಾಪ್ ಎಲ್ಲೋ ಹೋಗ್ಬಿಟ್ಟಿದ್ದಾರೆ, ಯಾರ ಕೈಗೂ ಸಿಗ್ತಿಲ್ಲ ಎಂದು ಸುಮ್ಮನೆ ಹೇಳ್ತಿದ್ದಾರೆ. ನಾನು ಶೂಟಿಂಗ್ ನಲ್ಲಿ ಇದ್ದೀನಿ. ಯಾರೂ ಏನೇನೋ ಅಂದುಕೊಳ್ಳಬೇಡಿ'' ಎಂದು ಮೊದಲ ಸಲ ಬಿಗ್ ಬಾಸ್ ಫಲಿತಾಂಶದ ಕುರಿತು ಮಾತನಾಡಿದ್ದಾರೆ.

ಹೊಸ ಹೇರ್ ಸ್ಟೈಲ್ ಜೊತೆಗೆ ಸ್ಟೈಲಿಶ್ ಆಗಿ ಎಂಟ್ರಿ ಕೊಟ್ಟ ಕುರಿ ಪ್ರತಾಪ್

ನಾನು ಗೆಲ್ಲಲೇಬೇಕೆಂದು ಹೋಗಿರಲಿಲ್ಲ

''ಬಿಗ್ ಬಾಸ್ ಗೆ ನಾನು ಗೆಲ್ಲಲೇಬೇಕು ಎಂದು ಹೋಗಿರಲಿಲ್ಲ. ಅಷ್ಟು ದಿನ ನಾನು ಅಲ್ಲಿ ಇದ್ದಿದ್ದೆ ಹೆಚ್ಚು. ನಾನು ಯಾವುದರ ಬಗ್ಗೆಯೂ ತಲೆಕೆಡಿಸಿಕೊಂಡವನಲ್ಲ. ಗೆಲುವು ಸೋಲು ಸಹಜ. ಬಿಗ್ ಬಾಸ್ ಮುಗಿದ ಮೇಲೆ ಬಾಕಿಯಿದ್ದ ಚಿತ್ರಗಳ ಶೂಟಿಂಗ್ ನಲ್ಲಿ ಭಾಗಿಯಾಗಿದ್ದೇನೆ'' ಎಂದು ಕುರಿ ಪ್ರತಾಪ್ ಸ್ಪಷ್ಟನೆ ನೀಡಿದ್ದಾರೆ.

ನನಗಾಗಿ ಪೊಗರು ತಂಡ ಕಾದಿಲ್ಲ

ಇನ್ನು ಕುರಿ ಪ್ರತಾಪ್ ಅವರ ಬಿಗ್ ಬಾಸ್ ಮನೆಯಲ್ಲಿದ್ದ ಕಾರಣ ಪೊಗರು ಚಿತ್ರತಂಡ, ಪ್ರತಾಪ್ ಬರುವಿಕೆಗಾಗಿ ಕಾದು ಈಗ ಶೂಟಿಂಗ್ ಮಾಡ್ತಿದ್ದಾರೆ ಎಂಬ ಸುದ್ದಿ ಇತ್ತು. ಈ ಬಗ್ಗೆ ಮಾತನಾಡಿದ ಪ್ರತಾಪ್ ''ಆ ರೀತಿ ಏನು ಇಲ್ಲ, ಪೊಗರು ಸಿನಿಮಾ ಶೂಟಿಂಗ್ ನಡೆಯಬೇಕಾದರೆ ನಾನು ಬಿಗ್ ಬಾಸ್ ಗೆ ಹೋಗಿದ್ದೆ. ಅವರು ಆಗಲೇ ಹೇಳಿದ್ದರು ನೀವು ಆರಾಮಗಿ ಹೋಗಿ, ಬಹುಶಃ ನೀವು ವಾಪಸ್ ಬರುವವರೆಗೂ ನಮ್ಮ ಚಿತ್ರದ ಶೂಟಿಂಗ್ ಇನ್ನು ನಡೆಯುತ್ತಲೇ ಇರುತ್ತೆ ಅಂತ ಹೇಳಿದ್ದರು. ನನಗಾಗಿ ಕಾಯುತ್ತಿದ್ದರು ಎನ್ನುವುದು ಸತ್ಯವಲ್ಲ'' ಎಂದು ತಿಳಿಸಿದ್ದಾರೆ.

ಮೊದಲ ಚಿತ್ರ ಪೊಗರು

ಕುರಿ ಪ್ರತಾಪ್ ಅವರು ಬಿಗ್ ಬಾಸ್ ಮನೆಗೆ ಹೋಗಿದ್ದ ಕಾರಣ ಕೆಲವು ಚಿತ್ರಗಳ ಬಾಕಿ ಉಳಿದುಕೊಂಡಿದ್ದವು. ಆ ಸಿನಿಮಾದ ಚಿತ್ರೀಕರಣವನ್ನು ಮೊದಲು ಪೂರ್ತಿ ಮಾಡಲು ನಿರ್ಧರಿಸಿದ್ದಾರೆ. ''ಪೊಗರು, ಯುವರತ್ನ ಹಾಗೂ ಶಿವಣ್ಣನ ಭಜರಂಗಿ 2 ಚಿತ್ರಗಳಲ್ಲಿ ಚಿತ್ರೀಕರಣ ಬಾಕಿ ಇದೆ, ಅದನ್ನು ನಾನು ಮೊದಲು ಮುಗಿಸುತ್ತಿದ್ದೇನೆ. ಹೆಚ್ಚು ಅವಕಾಶಗಳು ಬರ್ತಿದೆ. ಆಮೇಲೆ ಅದನ್ನ ನಿರ್ಧರಿಸುತ್ತೇನೆ'' ಎಂದಿದ್ದಾರೆ.

ಕುರಿ ಪ್ರತಾಪ್ 'ಇನ್ನೊಂದು ಮುಖ'ವನ್ನ ಪರಿಚಯಿಸಿದ ಪ್ರಥಮ್.!

15 ಕೆಜಿ ತೂಕ ಕಡಿಮೆ ಆಗಿದ್ದೀನಿ

ಬಿಗ್ ಬಾಸ್ ಮನೆಗೆ ಹೋದಾಗ ಕುರಿ ಪ್ರತಾಪ್ ಸ್ವಲ್ಪ ದಪ್ಪವಾಗಿದ್ದರು. ಆದರೆ, ಫೈನಲ್ ಹಂತಕ್ಕೆ ಬರುವಷ್ಟರಲ್ಲಿ ತೂಕ ಕಡಿಮೆಯಾಗಿದ್ದರು. ಸ್ವತಃ ಕುರಿ ಪ್ರತಾಪ್ ಅವರೇ ಹೇಳಿರುವ ಪ್ರಕಾರ 15 ಕೆಜಿ ಕಡಿಮೆಯಾಗಿದ್ದಾರಂತೆ. ಇದು ಪೊಗರು ಚಿತ್ರಕ್ಕೂ ಅನುಕೂಲವಾಗುತ್ತಿದೆ ಎಂದು ಸಂತಸ ವ್ಯಕ್ತಪಡಿಸಿದ್ದಾರೆ.