''ಮತ್ತೆ ನಿಮ್ಮ ಮುಂದೆ ಬಂದೇ ಬರುತ್ತೇವೆ'' ಎಂದ ನಟ ಸೃಜನ್ ಲೋಕೇಶ್

ಪ್ರೋಮೋ ಬಂದಿದೆ

'ಮಜಾ ಟಾಕೀಸ್' ಗ್ರಾಂಡ್ ಫಿನಾಲೆ ಕಾರ್ಯಕ್ರಮದ ಪ್ರೋಮೋ ಇದೀಗ ಬಿಡುಗಡೆಯಾಗಿದೆ. ಪ್ರೋಮೋದಲ್ಲಿ ಸೃಜನ್ ಆಡಿರುವ ಮಾತುಗಳು 'ಮಜಾ ಟಾಕೀಸ್' ಮುಂದಿನ ಸೀಸನ್ ಬಗ್ಗೆ ಒಂದು ಸಣ್ಣ ಸುಳಿವು ನೀಡಿವಂತಿದೆ.

'ಮತ್ತೆ ಬರುತ್ತೇವೆ'

ಕಾರ್ಯಕ್ರಮದಲ್ಲಿ ಸೃಜನ್ ''ಚಿಟ್ಟೆಯಾಗಿ ಮತ್ತೆ ನಿಮ್ಮ ಮುಂದೆ ಬೇರೆ ರೂಪದಲ್ಲಿ ಬಂದೇ ಬರುತ್ತೇವೆ. ತಲೆ ಬಾಗಿ ನಿಮಗೆ ವಂದನೆಗಳನ್ನು ಹೇಳುತ್ತಿದ್ದೇನೆ. ನಿಮ್ಮ ಆಶಿರ್ವಾದ, ನಿಮ್ಮ ಪ್ರೇಮ ಪ್ರೀತಿ, ನಿಮ್ಮ ಪ್ರೋತ್ಸಾಹ ಇದೇ ರೀತಿ ಇರಲಿ'' ಎಂದು ಅಭಿಮಾನಿಗಳಿಗೆ ಹೇಳಿದ್ದಾರೆ.

ಸೃಜನ್ ಮಾತಿನ ಅರ್ಧ ಏನು..?

''ಬೇರೆ ರೂಪದಲ್ಲಿ ಬಂದೇ ಬರುತ್ತೇವೆ'' ಎಂದಿರುವ ಸೃಜನ್ ಮತ್ತೆ 'ಮಜಾ ಟಾಕೀಸ್ ಸೀಸನ್ 2' ಅಥವಾ ಹೊಸ ಕಾರ್ಯಕ್ರಮ ಮೂಲಕ ಮತ್ತೆ ಹೊಸ ಜರ್ನಿ ಶುರು ಮಾಡಬಹುದು.

ಪ್ರಸಾರವಾಗುವ ದಿನಾಂಕ

'ಮಜಾ ಟಾಕೀಸ್' ಗ್ರಾಂಡ್ ಫಿನಾಲೆ ಕಾರ್ಯಕ್ರಮಕ್ಕೆ ಅಕ್ಟೋಬರ್ 21 ಮತ್ತು 22ಕ್ಕೆ ದಿನಾಂಕ ನಿಗದಿ ಆಗಿದೆ. ಕಲರ್ಸ್ ಕನ್ನಡ ವಾಹಿನಿಯಲ್ಲಿ ಸಂಜೆ 8 ಗಂಟೆಗೆ ಕಾರ್ಯಕ್ರಮ ಪ್ರಸಾರವಾಗಲಿದೆ.

ಅದ್ದೂರಿ ಕಾರ್ಯಕ್ರಮ

ಗ್ರಾಂಡ್ ಫಿನಾಲೆ ಕಾರ್ಯಕ್ರಮ ಸಖತ್ ಅದ್ದೂರಿಯಾಗಿ ಇದ್ದು, ಬಸವನಗುಡಿಯ ನ್ಯಾಷನಲ್ ಕಾಲೇಜು ಮೈದಾನದಲ್ಲಿ ಕಾರ್ಯಕ್ರಮ ನಡೆದಿದೆ.