ಸೃಜಾ ಕೊಟ್ಟ ಮಜಾ ಸುದ್ದಿ; 'ಮಜಾ ಟಾಕೀಸ್'ಗೆ ಮತ್ತೆ ಚಾಲನೆ.!

ನವೆಂಬರ್ 10 ರಂದು 'ಮಜಾ ಶೋ'

ಕಲರ್ಸ್ ಕನ್ನಡ ವಾಹಿನಿಯಲ್ಲಿ ನಿಂತಿರುವ 'ಮಜಾ ಟಾಕೀಸ್' ಕಾರ್ಯಕ್ರಮ ಈಗ ಆಸ್ಟ್ರೇಲಿಯಾದಲ್ಲಿ ನೆರವೇರುತ್ತಿದೆ. ನವೆಂಬರ್ 10 ರಂದು ಆಸ್ಟ್ರೇಲಿಯಾದ ಸಿಡ್ನಿಯಲ್ಲಿ ಸೃಜನ್ ಲೋಕೇಶ್ 'ಮಜಾ ಟಾಕೀಸ್' ಕಾರ್ಯಕ್ರಮ ನಿರೂಪಣೆ ಮಾಡ್ತಿದ್ದಾರೆ.

'ಮಜಾ ಟಾಕೀಸ್' ತಂಡ ಭಾಗಿ

ನವೆಂಬರ್ 10 ರಂದು ಮಾತ್ರವಲ್ಲದೇ ನವೆಂಬರ್ 12 ರಂದು ಕೂಡ ಆಸ್ಟ್ರೇಲಿಯಾದ ಪರ್ತ್ ನಲ್ಲಿ 'ಮಜಾ ಟಾಕೀಸ್' ನಡೆಯಲಿದೆ. ಈ ಕಾರ್ಯಕ್ರಮಕ್ಕೆ ಮಜಾ ಟಾಕೀಸ್ ನ ಪೂರ್ತಿ ತಂಡ ಭಾಗವಹಿಸುತ್ತಿದೆ. ಈಗಾಗಲೇ ಸೃಜನ್ ಸಾರಥ್ಯದ ತಂಡ ಆಸ್ಟ್ರೇಲಿಯಾಗೆ ತಲುಪಿದೆ.

ಕಳೆದ ವಾರವೂ ಕಾರ್ಯಕ್ರಮವಿತ್ತು

ಈ ವಾರ ಮಾತ್ರವಲ್ಲದೇ ಕಳೆದ ವಾರವೂ ಆಸ್ಟ್ರೇಲಿಯಾದಲ್ಲಿ 'ಮಜಾ ಟಾಕೀಸ್' ಕಾರ್ಯಕ್ರಮ ನಡೆದಿತ್ತು. ನವೆಂಬರ್ 4 ಮತ್ತು ನವೆಂಬರ್ 5 ರಂದು ಶೋ ಏರ್ಪಡಿಸಲಾಗಿತ್ತು.

ಕನ್ನಡಿಗರಿಗಾಗಿ ಕಾರ್ಯಕ್ರಮ

ಕೇವಲ ಆಸ್ಟ್ರೇಲಿಯಾದಲ್ಲಿ ಮಾತ್ರವಲ್ಲದೇ ಬೇರೆ ಬೇರೆ ದೇಶದಲ್ಲಿರುವ ಕನ್ನಡಿಗರು 'ಮಜಾ ಟಾಕೀಸ್' ಕಾರ್ಯಕ್ರಮದ ಶೋ ಮಾಡುವಂತೆ ಬೇಡಿಕೆ ಇಡುತ್ತಿದ್ದಾರೆ. ಸದ್ಯ, ಆಸ್ಟ್ರೇಲಿಯಾದಲ್ಲಿ ಶೋ ನೀಡುತ್ತಿದ್ದಾರೆ ಸೃಜಾ. ಮುಂದಿನ ದಿನಗಳಲ್ಲಿ ಮತ್ತಷ್ಟು ದೇಶಗಳಲ್ಲಿ ಈ ಕಾರ್ಯಕ್ರಮ ನಡೆಯುವ ನಿರೀಕ್ಷೆ ಇದೆ.