»   » ಹೊಸ ರಿಯಾಲಿಟಿ ಶೋ ಮನೆ ಮುಂದೆ ಮಹಾಲಕ್ಷ್ಮಿ

ಹೊಸ ರಿಯಾಲಿಟಿ ಶೋ ಮನೆ ಮುಂದೆ ಮಹಾಲಕ್ಷ್ಮಿ

Posted By:
Subscribe to Filmibeat Kannada
Etv Kannada reality show
ಈಟಿವಿ ಕನ್ನಡ ವಾಹಿನಿ ಹೊಸ ಹೊಸ ಕಾರ್ಯಕ್ರಮಗಳಿಗೆ, ರಿಯಾಲಿಟಿ ಶೋಗಳಿಗೆ, ಗೇಮ್ ಶೋಗಳು, ಧಾರಾವಾಹಿಗಳಿಗೆ ಸಿದ್ಧವಾಗಿದೆ. 'ಮನೆ ಮುಂದೆ ಮಹಾಲಕ್ಷ್ಮಿ' ಎಂಬ ಹೊಸ ರಿಯಾಲಿಟಿ ಶೋ ಶೀಘ್ರದಲ್ಲೇ ಈಟಿವಿಯಲ್ಲಿ ಆರಂಭವಾಗುತ್ತಿದೆ.

ನೇರವಾಗಿ ವೀಕ್ಷಕರ ಮನೆಗೆ ಭೇಟಿ ನೀಡಿ ಅಲ್ಲಿಯೇ ಆಟಗಳನ್ನು ಆಡಿಸಿ ಬಹುಮಾನ ವಿತರಿಸುವ ಕಾರ್ಯಕ್ರಮ ಇದು. ಈ ಕಾರ್ಯಕ್ರಮದ ಮೂಲಕ ರಾಜ್ಯದ ಪ್ರತಿ ತಾಲೂಕು ಕೇಂದ್ರಗಳಿಗೂ ಭೇಟಿ ನೀಡಿ ತಮ್ಮ ವೀಕ್ಷಕ ಬಳಗವನ್ನು ಮಾತನಾಡಿಸಲಿದೆ ಈಟಿವಿ ಕನ್ನಡ.

ಈಗಾಗಲೆ ವೀಕ್ಷಕರ ನೋಂದಾವಣಿ ಮುಗಿದಿದೆ. ಆಯ್ಕೆಯಾಗಿರುವ ವೀಕ್ಷಕರ ಮನೆಗೆ ಹೋಗಿ ವಿವಿಧ ರೀತಿಯ ಸ್ಪರ್ಧೆಗಳನ್ನು ನಡೆಸಲಾಗುತ್ತದೆ. ಗೆದ್ದವರಿಗೆ ಅಲ್ಲಿಯೇ ಬಹುಮಾನ ವಿತರಣೆ. ಇದು ವಾಹಿನಿಯ ಅಪರೂಪದ ಪ್ರಯೋಗ ಎಂದು ಈಟಿವಿ ವಾಹಿನಿ ಬಳಗ ತಿಳಿಸಿದೆ.

ಇಷ್ಟು ದಿನ ಸುವರ್ಣ ವಾಹಿನಿಯಲ್ಲಿ ಹೊಸ ಹೊಸ ರಿಯಾಲಿಟಿ ಶೋಗಳಿಗೆ ಶ್ರೀಕಾರ ಹಾಕಿರುವ ಅಕುಲ್ ಬಾಲಾಜಿ ಈಗ ಈಟಿವಿ ಬಳಗ ಸೇರಿದ್ದು ಈ ವಿಭಿನ್ನ ಕಾರ್ಯಕ್ರಮದ ನಿರೂಪಣೆ ಜವಾಬ್ದಾರಿಯನ್ನು ಅವರೇ ಹೊತ್ತಿದ್ದಾರೆ.

ಜನವರಿ 12, 2013ರಿಂದ ಕಾರ್ಯಕ್ರಮ ಆರಂಭವಾಗಲಿದ್ದು ಪ್ರತಿ ಶನಿವಾರ ಹಾಗೂ ಭಾನುವಾರ ರಾತ್ರಿ 9 ರಿಂದ 10 ಗಂಟೆಗೆ ಪ್ರಸಾರವಾಗಲಿದೆ. ಒಟ್ಟಿನಲ್ಲಿ ವಿಭಿನ್ನವಾಗಿರುವ ಈ ಕಾರ್ಯಕ್ರಮವನ್ನು ಕಣ್ತುಂಬಿಕೊಳ್ಳಲು ಈಟಿವಿ ವೀಕ್ಷಕರು ತುದಿಗಾಲಲ್ಲಿ ನಿಂತಿದ್ದಾರೆ. (ಒನ್ಇಂಡಿಯಾ ಕನ್ನಡ)

English summary
Etv Kannada to air new kind of reality show 'Mane Munde Mahalakshmi'. A first of its kind reality show from starts from 12th of Jan 2013 from Saturday and Sunday at 9pm to 10pm.
Please Wait while comments are loading...

ಮನರಂಜನಾ ಜಗತ್ತಿನ ಎಲ್ಲ ತಾಜಾ ರೋಚಕ ಸುದ್ದಿಗಳನ್ನು ಪಡೆಯಿರಿ - Filmibeat Kannada