ಬಿಗ್ ಬಾಸ್ ನಲ್ಲಿ ಪೂನಂ, ಶ್ರೀಶಾಂತ್?

ನಶಾ ಹುಡುಗಿ

ಇತ್ತೀಚೆಗಷ್ಟೇ ನಶಾ ಚಿತ್ರದ ಮೂಲಕ ಬಾಲಿವುಡ್ ಅಂಗಳಕ್ಕೆ ಕಾಲಿಟ್ಟಿರುವ ನಟಿ ಪೂನಂ ಪಾಂಡೆ ಅವರು ತಮ್ಮ ಚಿತ್ರ ಜೀವನಕ್ಕೆ ಹೊಸ ಮೈಲೇಜ್ ಸಿಗಲೆಂದು ಬಿಗ್ ಬಾಸ್ ಮನೆ ಹೊಕ್ಕಲು ಸಿದ್ಧತೆ ನಡೆಸಿದ್ದಾರೆ. [ನಶಾ ಚಿತ್ರ ವಿಮರ್ಶೆ ಓದಿ]

ಪಂಚೋಲಿಗಳು

ಜಿಯಾಖಾನ್ ಆತ್ಮಹತ್ಯೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ಆರೋಪ ಹೊತ್ತಿದ್ದ ಜಿಯಾಖಾನ್ ಗೆಳೆಯ ಸೂರಜ್ ಪಂಚೋಲಿ ಹಾಗೂ ಅವನ ಅಪ್ಪ ಆದಿತ್ಯ ಪಂಚೋಲಿ, ಅಮ್ಮ ಜರಿನಾ ವಹಾಬ್ ಮೂವರಲ್ಲಿ ಒಬ್ಬರು ಗ್ಯಾರಂಟಿ ಎನ್ನಲಾಗಿದೆ.

ಮನೀಶಾ ಕೊಯಿರಾಲ

ಅಂಡಾಶಯ ಕ್ಯಾನ್ಸರ್ ನಿಂದ ಬಳಲುತ್ತಿದ್ದ ಮನೀಶಾ ಕೊಯಿರಾಲ, ಕ್ಯಾನ್ಸರ್ ಗೆದ್ದು ಚೇತರಿಸಿಕೊಳ್ಳುತ್ತಿದ್ದು, ಮತ್ತೆ ಚಿತ್ರರಂಗದತ್ತ ಮುಖ ಮಾಡಿದ್ದಾರೆ. ವೈವಾಹಿಕ ಜೀವನದ ಬಿಕ್ಕಟ್ಟು, ಕ್ಯಾನ್ಸರ್ ನಿಂದ ಪಟ್ಟ ನೋವು, ಸಾರ್ವಜನಿಕವಾಗಿ ಮತ್ತೆ ತಮ್ಮ ಇಮೇಜ್ ಬದಲಾಯಿಸಿಕೊಳ್ಳಲು ಮನೀಶಾಗೆ ಇದು ಉತ್ತಮ ಅವಕಾಶ.

ಧರ್ಮೇಂದ್ರ

ಶೋಲೆ' ಚಿತ್ರ ಈಗ ತ್ರಿಡಿ ರೂಪದಲ್ಲಿ ಬರುವ ಖುಷಿಯಲ್ಲೇ ಧರ್ಮೇಂದ್ರ ಅವರು ಬಿಗ್ ಬಾಸ್ ಮನೆಯಲ್ಲಿ ಬಿಗ್ ಡ್ಯಾಡಿಯಾಗಿ ಕಾಣಿಸಿಕೊಳ್ಳುವ ಸಾಧ್ಯತೆಯಿದೆಯಂತೆ

ಶೆರ್ಲಿನ್ ಛೋಪ್ರಾ

ಕಾಮಸೂತ್ರ 3ಡಿ ಟ್ರೇಲರ್ ಮೂಲಕ ಪಡ್ಡೆಗಳಿಗೆ ಕ್ರೇಜ್ ಹುಟ್ಟಿಸಿರುವ ಶೆರ್ಲಿನ್ ಛೋಪ್ರಾ ಕೂಡಾ ಬಾಲಿವುಡ್ ನಲ್ಲಿ ತಮ್ಮ ವೃತ್ತಿ ಜೀವನ ಗಟ್ಟಿಗೊಳಿಸಿಕೊಳ್ಳಲು ಬಿಗ್ ಬಾಸ್ ಮನೆ ಹಾದಿ ಹಿಡಿದಿದ್ದಾರೆ ಎಂಬ ಸುದ್ದಿಯಿದೆ.

ಯುವರಾಜ್ ಸಿಂಗ್

ಕ್ರಿಕೆಟ್ ಜಗತ್ತಿನಲ್ಲಿ ಅಸಂಖ್ಯ ಅಭಿಮಾನಿಗಳನ್ನು ಹೊಂದಿರುವ ಕ್ಯಾನ್ಸರ್ ಗೆದ್ದ ವೀರ ಯುವರಾಜ್ ಸಿಂಗ್ ಅವರು ಟೀಂ ಇಂಡಿಯಾ ಸೇರಲು ಹಾತೊರೆಯುತ್ತಿದ್ದಾರೆ. ಆದರೆ, ಮುಂದಿನ ವಿಶ್ವಕಪ್ ಗೂ ಮುನ್ನ ಬಿಗ್ ಬಾಸ್ ಮನೆ ಪ್ರವೇಶವೂ ಸಾಧ್ಯತೆಯಿದೆ.

ಶ್ರೀಶಾಂತ್

ಸ್ಪಾಟ್ ಫಿಕ್ಸಿಂಗ್ ಸತ್ಯಾಸತ್ಯತೆ ಬಿಚ್ಚಿಡಲು ಶ್ರೀಶಾಂತ್ ಗೆ ಬಿಗ್ ಬಾಸ್ ಹೇಳಿ ಮಾಡಿಸಿದ ಜಾಗ. ವಿವಾದಗಳ ಕೂಸು ಶ್ರೀಶಾಂತ್ ಸಿನಿಮಾ ರಂಗಕ್ಕೆ ಎಂಟ್ರಿ ಕೊಟ್ಟ ರೀತಿಯಲ್ಲೇ ರಿಯಾಲಿಟಿ ಶೋ ಬಿಗ್ ಬಾಸ್ ಗೂ ಬರುತ್ತಾರಾ? ಕಾದು ನೋಡಬೇಕಿದೆ.

ಇನ್ಯಾರಾ ಹೆಸರು ಕೇಳಿ ಬಂದಿದೆ

ಜಿಯಾ ಖಾನ್ ತಾಯಿ ರಬಿಯಾ ಖಾನ್, ಕಿರುತೆರೆ ತಾರೆಗಳಾದ ರಕ್ಷಂದಾ ಖಾನ್, ಸಂಜೀದಾ ಶೇಖ್, ಮನೀಶಾ ಪಾಲ್, ಪೂಜಾ ಗೊರ್, ಗೌರವ್ ಗೇರಾ, ಕ್ರತಿಕಾ ಕಾಮ್ರಾ, ಕ್ರಾತಿಕಾ ಸೆನ್ಗರ್ ಹೆಸರು ಕೇಳಿ ಬಂದಿದೆ.

ಇವರ ಜೊತೆಗೆ ಏಕ್ತಾ ಕಪುರ್, ಸಂಜಯ್ ಜುಮಾನಿ, ಫರ್ಹಾ ಖಾನ್ ಪತಿ ಶಿರೀಶ್ ಕುಂದರ್ ಮುಂತಾದವರ ಹೆಸರು ಕೇಳಿ ಬಂದಿದೆ. ಸೆಪ್ಟೆಂಬರ್ ನಲ್ಲೇ ಬಿಗ್ ಬಾಸ್ ಕಿರುತೆರೆಗೆ ಅಪ್ಪಳಿಸುವ ಸಾಧ್ಯತೆಯೂ ಇದೆ.