For Quick Alerts
ALLOW NOTIFICATIONS  
For Daily Alerts

'ಓಂ' ಚಿತ್ರದಲ್ಲಿ ಪ್ರೇಮಾ ಇಲ್ಲದಿದ್ದರೇ ಈ ಇಬ್ಬರಲ್ಲಿ ಒಬ್ಬರಿಗೆ ಅವಕಾಶ ಸಿಕ್ತಂತೆ.!

|
Weekend With Ramesh Season 4: ಓಂ ಚಿತ್ರಕ್ಕೆ ಪ್ರೇಮಾ ಆಯ್ಕೆಯಾಗಿದ್ದು ಹೇಗೆ? | FILMIBEAT KANNADA

ರಿಯಲ್ ಸ್ಟಾರ್ ಉಪೇಂದ್ರ ನಿರ್ದೇಶಿಸಿ, ಹ್ಯಾಟ್ರಿಕ್ ಹೀರೋ ಶಿವರಾಜ್ ಕುಮಾರ್ ನಟಿಸಿದ್ದ ಸೂಪರ್ ಹಿಟ್ ಚಿತ್ರ 'ಓಂ'. ತರ್ಲೆ ನನ್ ಮಗ, ಶ್ ಚಿತ್ರಗಳ ಯಶಸ್ಸಿನ ನಂತರ ಓಂ ಸಿನಿಮಾ ಕೈಗೆತ್ತಿಕೊಂಡಿದ್ದ ಉಪ್ಪಿ, ಲವರ್ ಬಾಯ್ ಇಮೇಜ್ ಹೊಂದಿದ್ದ ಶಿವಣ್ಣ ಅವರನ್ನ ನಾಯಕನನ್ನಾಗಿ ಆಯ್ಕೆ ಮಾಡಿಕೊಂಡರು.

ಈ ಚಿತ್ರವನ್ನ ಪಾರ್ವತಮ್ಮ ರಾಜ್ ಕುಮಾರ್ ಅವರೇ ನಿರ್ಮಿಸಲು ತೀರ್ಮಾನಿಸಿದರು. ಆಗ ನಾಯಕಿ ಯಾರಾಗಬೇಕು ಎಂಬ ತಲೆನೋವು ಉಪೇಂದ್ರ ಅವರನ್ನ ಕಾಡಿತ್ತು. ಇದೊಂದು ಅಂಡರ್ ವರ್ಲ್ಡ್ ಚಿತ್ರ, ಇದೇ ಮೊದಲ ಬಾರಿಗೆ ಶಿವಣ್ಣ ಇಂತಹದೊಂದು ಸಿನಿಮಾ ಮಾಡ್ತಿದ್ದಾರೆ, ಹೀರೋಯಿನ್ ಈ ಚಿತ್ರಕ್ಕೆ ಟರ್ನಿಂಗ್ ಪಾಯಿಂಟ್ ಎಂಬ ಕಾರಣದಿಂದ ಹುಡುಕುತ್ತಿದ್ದರು.

ವೈವಾಹಿಕ ಜೀವನದ ಬಗ್ಗೆಯ ನೇರ ಪ್ರಶ್ನೆಗೆ ಪ್ರೇಮಾ ಉತ್ತರವೇನು?

ಆಗಲೇ ನಟಿ ಪ್ರೇಮಾ ಓಂ ಚಿತ್ರಕ್ಕೆ ಬಲಗಾಲಿಟ್ಟು ಬಂದರು. ಸಿನಿಮಾ ಶೂಟಿಂಗ್ ಆಯ್ತು, ಬಿಡುಗಡೆಯೂ ಆಯ್ತು. ಯಾರೂ ನಿರೀಕ್ಷೆ ಮಾಡದ ಮಟ್ಟದಲ್ಲಿ ಯಶಸ್ಸು ಆಯ್ತು. ಕನ್ನಡ ಚಿತ್ರರಂಗದಲ್ಲೇ ಈ ಸಿನಿಮಾ ಅತಿ ದೊಡ್ಡ ಸೂಪರ್ ಹಿಟ್ ಆಯ್ತು. ಈ ಚಿತ್ರದಿಂದ ಶಿವಣ್ಣ ಇಮೇಜ್ ಬದಲಾಯ್ತು. ಉಪೇಂದ್ರ ಅದೃಷ್ಟ ಬದಲಾಯ್ತು. ವಿಶೇಷ ಅಂದ್ರೆ ಈ ಸಿನಿಮಾ ಹಿಟ್ ಆಗಿರಲಿಲ್ಲ ಅಂದ್ರೆ ನಟಿಸೋದೇ ಬಿಡ್ತಿದ್ರಂತೆ ಪ್ರೇಮಾ. ಅಷ್ಟಕ್ಕೂ, ಪ್ರೇಮಾ ಈ ಚಿತ್ರಕ್ಕೆ ಆಯ್ಕೆ ಆಗಿದ್ದು ಹೇಗೆ? ಮುಂದೆ ಓದಿ......

ಸೌಂದರ್ಯ, ಜೂಹಿ ಚಾವ್ಲಾ ಹೆಸರು ಕೇಳಿಬಂದಿತ್ತು

ಓಂ ಚಿತ್ರಕ್ಕೆ ಮೂವರು ನಟಿಯರ ಹೆಸರು ಕೇಳಿಬಂದಿತ್ತು. ನಟಿ ಸೌಂದರ್ಯ, ಜೂಹಿ ಚಾವ್ಲಾ ಹಾಗೂ ಪ್ರೇಮಾ ಅವರ ಹೆಸರು ಚರ್ಚೆಯಲ್ಲಿತ್ತು. ಆಗಿನ ಸಮಯದಲ್ಲಿ ಸೌಂದರ್ಯ ಮತ್ತು ಜೂಹಿ ಚಾವ್ಲಾ ಯಶಸ್ವಿ ನಟಿಯರು. ಪ್ರೇಮಾ ಆಗತಾನೆ ಒಂದು ಸಿನಿಮಾ ಮಾಡಿದ್ದರು.

ಅಣ್ಣಾವ್ರು ಆಶೀರ್ವಾದ ಸಿಕ್ತು

ಓಂ ಚಿತ್ರಕ್ಕೂ ಮೊದಲು ಪ್ರೇಮಾ, ಸವ್ಯಸಾಚಿ ಚಿತ್ರದಲ್ಲಿ ಶಿವರಾಜ್ ಕುಮಾರ್ ಜೊತೆ ನಟಿಸಿದ್ದರು. ಇದು ಪ್ರೇಮಾ ಅವರ ಮೊದಲ ಸಿನಿಮಾನೂ ಹೌದು. 'ಈ ಚಿತ್ರವನ್ನ ನೋಡಿದ್ದ ಡಾ ರಾಜ್ ಕುಮಾರ್ ಅವರು ಇದೇ ಹುಡುಗಿ ಓಕೆ ಅಲ್ವಾ ಎಂದು ಒಪ್ಪಿಗೆ ಕೊಟ್ಟರು. ಉಪೇಂದ್ರ ಕೂಡ ಇವರೇ ಇರಲಿ ಎಂದರು. ಉಪೇಂದ್ರ ತಾಯಿ ಕೂಡ ಈ ಹುಡುಗಿನೇ ಇರಲಿ ಎಂದರು. ಹಾಗಾಗಿ, ಓಂ ಚಿತ್ರಕ್ಕೆ ನಾನು ಆಯ್ಕೆ ಆದೆ'' ಎಂದು ಪ್ರೇಮಾ ಹೇಳಿಕೊಂಡಿದ್ದಾರೆ.

ಪ್ರೇಮಾ ಬಾಳಲ್ಲಿ ಬಿರುಗಾಳಿ ಎಬ್ಬಿಸಿದ್ದ ಆ ಎರಡು ಘಟನೆ ಬಗ್ಗೆ ಮಾತನಾಡ್ತಾರಾ?

ನಟಿಸೋದೆ ಬಿಡಲು ನಿರ್ಧರಿಸಿದ್ದರು ಪ್ರೇಮಾ

ಓಂ ಸಿನಿಮಾ ಹಿಟ್ ಆಗಿರಲಿಲ್ಲ ಅಂದಿದ್ದರೇ ನಟಿಸುವುದನ್ನೇ ಬಿಡಲು ತೀರ್ಮಾನಿಸಿದ್ದರಂತೆ ಪ್ರೇಮಾ. ಯಾಕಂದ್ರೆ, ಮೊದಲ ಸಿನಿಮಾ ಸವ್ಯಸಾಚಿ ಅಷ್ಟು ಹೆಸರು ಕೊಡಲಿಲ್ಲ. ಎರಡನೇ ಸಿನಿಮಾನೂ ಹಾಗೆ ಆದ್ರೆ ಕಷ್ಟ ಎಂಬ ಭಾವನೆ ಅವರಲ್ಲಿತ್ತಂತೆ. ನಂತರ ಜನರ ಪ್ರತಿಕ್ರಿಯೆ ನೋಡಿ ಖುಷಿ ಆಯ್ತಂತೆ. ಮತ್ತಷ್ಟು ಸಿನಿಮಾ ಮಾಡಬೇಕು ಎಂಬ ಆಸೆ, ಛಲ ಹುಟ್ಟಿಕೊಳ್ತಂತೆ.

ಅಮ್ಮ ಅಳುತ್ತಿದ್ದರಂತೆ

ಓಂ ಸಿನಿಮಾದ ಶೂಟಿಂಗ್ ನೋಡಿ ಪ್ರೇಮಾ ಅವರ ತಾಯಿ ಅಳುತ್ತಿದ್ದರಂತೆ. ಎರಡು ಬಕೆಟ್ ಬಣ್ಣ ಸುರಿಯುವುದನ್ನ ಜನ ನೋಡಿರ್ತಾರೆ, ಎರಡು ಮೊಟ್ಟೆ ಹೊಡೆಯುವುದನ್ನ ನೋಡಿರ್ತಾರೆ. ಆದ್ರೆ, 20 ಬಕೆಟ್ ಬಣ್ಣದ ನೀರು 20 ಮೊಟ್ಟೆ ಹೊಡೆಯುತ್ತಿದ್ದರು. ನೋಡುವುದಕ್ಕೆ ಸಂಕಟ ಆಗ್ತಿತ್ತು. ದೂರ ಹೋಗಿ ಅಳುತ್ತಿದ್ದೆ'' ಎಂದು ನೆನಪು ಮೆಲುಕು ಹಾಕಿದ್ದಾರೆ.

ಸಿನಿಮಾ ಪೂರ್ತಿ ಕೋಪದಿಂದಲೂ ಮಾಡಿದ್ರು

'ಓಂ' ಸಿನಿಮಾವನ್ನ ಆರಂಭದಲ್ಲಿ ಇಷ್ಟಪಟ್ಟು ಆಯ್ಕೆ ಮಾಡಿಕೊಂಡರೂ, ನಂತರದ ದಿನದಲ್ಲಿ ಕಷ್ಟಪಟ್ಟು ಮಾಡಿದೆ. ಸಿನಿಮಾ ಶೂಟಿಂಗ್ ವೇಳೆ ಅಷ್ಟು ಕಷ್ಟ ಆಗ್ತಿತ್ತಂತೆ. ಪ್ರೇಮಾ ಅವರ ಆ ಕಷ್ಟದ ದಿನ, ಉಪೇಂದ್ರ ಅವರ ಮೇಲೆ ಇದ್ದ ಕೋಪದ ಕುರಿತು ಅವರೇ ಹಂಚಿಕೊಂಡಿದ್ದಾರೆ.

English summary
Kannada actress prema was participate in weekend with ramesh 4. she shared experience about kannada super hit movie Om. this is second movie of prema. starring shivarajkumar and directed by upendra.

Kannada Photos

Go to : More Photos

ಮನರಂಜನಾ ಜಗತ್ತಿನ ಎಲ್ಲ ತಾಜಾ ರೋಚಕ ಸುದ್ದಿಗಳನ್ನು ಪಡೆಯಿರಿ - Filmibeat Kannada

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Filmibeat sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Filmibeat website. However, you can change your cookie settings at any time. Learn more