ಪ್ರೋ.ಕೃಷ್ಣೇಗೌಡರ ಜೀವನದಲ್ಲಿ ಆದರ್ಶ ವ್ಯಕ್ತಿ ಆಗಿದ್ದು ಇವರೇ.!

ಪ್ರೋ.ಬೋರಲಿಂಗಯ್ಯ

ಪ್ರೋ.ಬೋರಲಿಂಗಯ್ಯ....ಮೈಸೂರಿನ ಯುವರಾಜ ಕಾಲೇಜಿನ ಕನ್ನಡ ಉಪನ್ಯಾಸಕರು. ಇವರಿಗೆ ಒಂದುವರೆ ಕಣ್ಣು ಕಾಣುವುದಿಲ್ಲ. ಪ್ರೋ.ಕೃಷ್ಣೇಗೌಡ ಅವರ ಮೇಲೆ ಪ್ರಭಾವ ಬೀರಿದ ಉಪನ್ಯಾಸಕರು. ಪ್ರೋ.ಕೃಷ್ಣೇಗೌಡ ಕನ್ನಡದಲ್ಲಿ ಪದವಿ ಪಡೆಯಲು ಕಾರಣವಾಗಿದ್ದೇ ಇವರು.

ಕೃಷ್ಣೇಗೌಡ ಬಗ್ಗೆ ಪ್ರೋ.ಬೋರಲಿಂಗಯ್ಯ ಹೇಳಿದ್ದು...

''ತರಗತಿಯೊಂದರಲ್ಲಿ ಪಾಠ ಮಾಡುವಾಗ, ಕನ್ನಡ ಓದುವುದರಿಂದ ಜೀವನವನ್ನ ಕಟ್ಟಿಕೊಳ್ಳಬಹುದು. ಸಾಹಿತ್ಯ ಎನ್ನುವುದು ಮನುಷ್ಯನ ಜೀವನಕ್ಕೆ ಅತ್ಯಂತ ಅವಶ್ಯಕವಾದದು ಎಂದು ವಿದ್ಯಾರ್ಥಿಗಳ ಜೊತೆಯಲ್ಲಿ ಹಂಚಿಕೊಂಡೆ. ಅದು ಆಗಿ ಕೆಲವೇ ಕ್ಷಣಗಳಲ್ಲಿ ಕೃಷ್ಣೇಗೌಡರು ನನ್ನ ಬಳಿ ಬಂದು ''ಸರ್ ನಾನು ಕನ್ನಡದಲ್ಲಿ ಪದವಿ ಮಾಡ್ತಿನಿ ಎಂದರು'' - ಪ್ರೋ.ಬೋರಲಿಂಗಯ್ಯ

ಕನ್ನಡದ ಕಣ್ಮಣಿ ಕೃಷ್ಣೇಗೌಡ

''ಗ್ರಾಮೀಣ ಭಾಷೆಯ ಸೊಗಡನ್ನ, ಹಳಗನ್ನಡ, ನಡುಗನ್ನಡ ಮತ್ತು ಇವತ್ತಿನ ಕನ್ನಡವನ್ನ ಅದರ ಆಳವನ್ನ ಆಯ್ದು ಆಯ್ದು ಜನಗಳಿಗೆ ತಲುಪಿಸುವಂತಹ ಕೆಲಸವನ್ನ ಕನ್ನಡದಲ್ಲಿ ಬೇರೆ ಯಾರು ಮಾಡಿಲ್ಲ. ಹೀಗಾಗಿ, ಅವರನ್ನ ಕನ್ನಡದ ಕಣ್ಮಣಿ ಎನ್ನಬೇಕು''- ಪ್ರೋ.ಬೋರಲಿಂಗಯ್ಯ

ಗುರುಗಳ ಬಗ್ಗೆ ಕೃಷ್ಣೇಗೌಡರು ಹೇಳಿದ್ದು....

''ನನ್ನ ಬದುಕಿನ ಮೇಲೆ ಅಗಾಧವಾದ ಪರಿಣಾಮ ಬೀರಿದ ಮೇಷ್ಟ್ರು. ನನಗೆ ಗೊತ್ತಿರಿವ ಸಂತರು ಅಂದ್ರೆ ಅವರೇ. ಅದಕ್ಕಿಂತ ಸರಳವಾಗಿ ಬದುಕುತ್ತಿರುವ ವ್ಯಕ್ತಿ. ನಾವು ಬದುಕಲು ಎಷ್ಟು ಬೇಕೋ ಅಷ್ಟು ಮಾತ್ರ ಪಡೆದುಕೊಂಡಂತಹ ವ್ಯಕ್ತಿ ಬೋರಲಿಂಗಯ್ಯ ಅವರು''- ಪ್ರೋ.ಕೃಷ್ಣೇಗೌಡರು