ಕಾಲೆಳೆದ್ರಾ? ಇಲ್ಲ ರೇಗಿಸಿದ್ರಾ? 'ಸೀಕ್ರೆಟ್ ಅಫೇರ್' ಬಗ್ಗೆ ರಕ್ಷಿತಾ ಹೀಗ್ಯಾಕಂದ್ರು?

Rapid ಫೈಯರ್ ರೌಂಡ್ ನಲ್ಲಿ ರಕ್ಷಿತಾ ಕೊಟ್ಟ ಉತ್ತರ

'ನಂ.1 ಯಾರಿ ವಿತ್ ಶಿವಣ್ಣ' ಕಾರ್ಯಕ್ರಮದ ಮೂರನೇ ಸೆಗ್ಮೆಂಟ್ 'Rapid ಫೈಯರ್' ರೌಂಡ್ ನಲ್ಲಿ ರಕ್ಷಿತಾಗೆ ''ನಟರ ಜೊತೆಗೆ ನಿಮ್ಮ ಆನ್ ಸ್ಕ್ರೀನ್ ಕೆಮಿಸ್ಟ್ರಿಯನ್ನ ಆರ್ಡರ್ ಅಗಿ Rank ಮಾಡಿ'' ಎಂದು ಶಿವಣ್ಣ ಸೂಚಿಸಿದರು.

ದರ್ಶನ್ ಫಸ್ಟ್

1: ದರ್ಶನ್ - ರಕ್ಷಿತಾ

2: ಸುದೀಪ್ - ರಕ್ಷಿತಾ

3: ಅಪ್ಪು - ರಕ್ಷಿತಾ

4: ಶಿವಣ್ಣ - ರಕ್ಷಿತಾ

5: ಉಪೇಂದ್ರ - ರಕ್ಷಿತಾ

ಎಂದು ರಕ್ಷಿತಾ Rank ಮಾಡಿದ್ಮೇಲೆ, ''ಆಫ್ ಸ್ಕ್ರೀನ್ ಕೆಮಿಸ್ಟ್ರಿ?'' ಎಂದು ರಕ್ಷಿತಾಗೆ ಶಿವಣ್ಣ ಕೇಳಿದರು.

ನಗಲು ಆರಂಭಿಸಿದ ಕ್ರೇಜಿ ಕ್ವೀನ್

''ಆಫ್ ಸ್ಕ್ರೀನ್ ಕೆಮಿಸ್ಟ್ರಿ'' ಅಂತ ಶಿವಣ್ಣ ಕೇಳುತ್ತಿದ್ದಂತೆಯೇ, ''ತುಂಬಾ ಜನ'' ಅಂತ ಹೇಳ್ತಾ ರಕ್ಷಿತಾ ಜೋರಾಗಿ ನಗಲು ಆರಂಭಿಸಿದರು. ಇದಲ್ಲದೇ 'ಸೀಕ್ರೆಟ್ ಅಫೇರ್' ಬಗ್ಗೆ ಒಂದು ಹೇಳಿಕೆ ಕೊಟ್ಟರು.

ಸೀಕ್ರೆಟ್ ಅಫೇರ್ ಬಗ್ಗೆ ರಕ್ಷಿತಾ ಮಾತು

''ನಿಮ್ಗೊತ್ತಿಲ್ವಾ? ಮಹೇಶ್ ಜೊತೆಗೆ ನನಗೆ ಸೀಕ್ರೆಟ್ ಅಫೇರ್ ಇದೆ'' ಎಂದು ಶಿವಣ್ಣನಿಗೆ ರಕ್ಷಿತಾ ನಗುನಗುತ್ತಾ ಹೇಳಿದರು. ಆಗ, ಶಿವಣ್ಣ ''ಬ್ರೇಕಿಂಗ್ ನ್ಯೂಸ್ ಅಪ್ಪ...'' ಎಂದಾಗ ರಕ್ಷಿತಾ ಪಕ್ಕದಲ್ಲೇ ಕುಳಿತಿದ್ದ ಮಹೇಶ್ ಬಾಬು ಅಕ್ಷರಶಃ ದಂಗಾದರು.

ರೂಪ... ಪಾಪ

''ನಿಮ್ಮ ಪತ್ನಿ ಹೆಸರು ಏನು?'' ಎಂದು ಮಹೇಶ್ ಬಾಬುಗೆ ಶಿವಣ್ಣ ಕೇಳಿದರು. ''ರೂಪ'' ಎಂದು ಮಹೇಶ್ ಬಾಬು ಹೇಳಿದಾಗ, ''ರೂಪ.. ನಿಜವಾಗಲೂ ನೀವು ತುಂಬಾ ಪಾಪ..'' ಎಂದು ಶಿವಣ್ಣ ಮಹೇಶ್ ಬಾಬು ಕಾಲೆಳೆದರು.

ಕಾಲೆಳೆದಿದ್ದಾ? ರೇಗಿಸಿದ್ದಾ?

ಅಷ್ಟಕ್ಕೂ, ಸೀಕ್ರೆಟ್ ಅಫೇರ್ ಬಗ್ಗೆ ಕಾಮೆಂಟ್ ಮಾಡುವಾಗ ರಕ್ಷಿತಾ ನಗುತ್ತಿದ್ದರು. ಶಿವಣ್ಣ ಕೂಡ ಮಹೇಶ್ ಬಾಬು ಕಾಲೆಳೆಯುತ್ತಿದ್ದರು. ಹೀಗಾಗಿ ಇದನ್ನ ತಮಾಷೆ ಅಂತಲೇ ಎಲ್ಲರೂ ಸ್ವೀಕರಿಸಬೇಕು. ಅಸಲಿಗೆ, ರಕ್ಷಿತಾ ಹಾಗೂ ಪ್ರೇಮ್ ಕುಟುಂಬಕ್ಕೆ ಮಹೇಶ್ ಬಾಬು ಆತ್ಮೀಯ. ಮಹೇಶ್ ಬಾಬು ಎದುರಿಗೆ ಸಿಕ್ಕಾಗೆಲ್ಲಾ ರಕ್ಷಿತಾ ಹೀಗೇ ತಮಾಷೆ ಮಾಡಿ ಅವರನ್ನ ರೇಗಿಸುತ್ತಿರುತ್ತಾರೆ ಅಷ್ಟೇ.