ಕಿರುತೆರೆಯ `ರಿಯಾಲಿಟಿ'ಗೆ ಕನ್ನಡ ನಿರ್ಮಾಪಕರು ಠುಸ್

ಕಲರ್ಸ್ ಕನ್ನಡದ ಬಿಗ್ಬಾಸ್ ಸೀಸನ್ 3

ಕಲರ್ಸ್ ಕನ್ನಡ ಬಿಗ್ಬಾಸ್ ಶೋಗೆ ಭರ್ಜರಿ ತಯಾರಿ ನಡೆಸ್ತಿದೆ. ಸತತ ಐದು ವರ್ಷ ಶೋ ನಡೆಸೋಕೆ ಲೋನಾವಾಲಾದಂತಹ ಬಿಗ್ಬಾಸ್ ಸೆಟ್ನ ತಯಾರಿ ಬಿಡದಿಯ ಬಳಿ ಬಹುತೇಕ ಮುಗಿದು ಕಂಟಸ್ಟೆಂಟ್ಗಳ ಆಯ್ಕೆ ಮಾತ್ರ ಬಾಕಿ ಉಳಿದಿರೋ ಸುದ್ದಿ ಬಂದಿದೆ.

ಒನ್ ಅಂಡ್ ಓನ್ಲಿ ಕಿಚ್ಚನದ್ದೇ ಕಮಾಲ್

ಬಿಗ್ಬಾಸ್ ಅಂದ್ರೆ ಕಿಚ್ಚ, ಕಿಚ್ಚ ಅಂದ್ರೆ ಬಿಗ್ಬಾಸ್! ಎರಡೆರೆಡು ಬಾರಿ ಚಾನೆಲ್ ಬದಲಾದ್ರೂ ಕಿಚ್ಚ ಮಾತ್ರ ಒನ್ ಅಂಡ್ ಓನ್ಲೀ ಹೋಸ್ಟ್ ಆಗಿ ಕಿಚ್ಚಿನ ಕಥೆ ಹೇಳೋಕೆ ಕೇಳೋಕೆ ಬಂದೇ ಬರ್ತಾರೆ.

ಕಲರ್ಸ್ ಡಾನ್ಸಿಂಗ್ ಸ್ಟಾರ್ ಜ್ಯೂನಿಯರ್

ಕಲರ್ಸ್ ಕನ್ನಡ ಡಾನ್ಸಿಂಗ್ ಸ್ಟಾರ್ ಯಶಸ್ಸಿನ ಜೊತೆ ಜೊತೆಗೇ ಈಗ ಜ್ಯೂನಿಯರ್ ಡಾನ್ಸಿಂಗ್ ಸ್ಟಾರ್ ಧಮಾಕಾದಲ್ಲಿ ಬ್ಯುಸಿಯಾಗಿದೆ. ಮಕ್ಕಳ ಡಾನ್ಸಿಂಗ್ ಶೋ ಪ್ರೇಕ್ಷಕರಿಗೆ ಥ್ರಿಲ್ ಕೊಡ್ತಿದೆ.

ಜೀ ಸರಿಗಮ ಲಿಟ್ಲ್ ಚಾಂಪ್ಸ್

ಸಿಂಪಲ್ಲಾಗ್ ಒಂದ್ ಸಿಂಗಿಂಗ್ ಸ್ಟೋರಿಯ ಯಶಸ್ಸಿನ ಜೊತೆಗೆ ಈಗ ಮತ್ತೊಂದು ಸಿಂಗಿಂಗ್ ಶೋಗೆ ತೆರೆಗೆ ತರ್ತಿದೆ ಜೀ ಕನ್ನಡ ವಾಹಿನಿ. `ಸರಿಗಮಪ ಲಿಟ್ಲ್ ಚಾಂಪ್ಸ್' ಮಕ್ಕಳ ಸಿಂಗಿಂಗ್ ಶೋ ಪ್ರೇಕ್ಷಕರ ಭರಪೂರ ಮನರಂಜನೆ ನೀಡಲಿದೆ..

ರಕ್ಷಿತಾ, ಗುರುಗೆ ಸುವರ್ಣಾವಕಾಶ?

ಒಂದು ಕಾಲದಲ್ಲಿ ನಂಬರ್ ಒನ್ ಮನರಂಜನಾ ವಾಹಿನಿಯಾಗಿ ಮಿಂಚಿದ ಸುವರ್ಣ ಈಗ ಸ್ವಲ್ಪ ಹಿಂದೆ ಬಿದ್ದರೂ ಹೊಸ ಶೋಗಳೊಂದಿಗೆ ಪ್ರೇಕ್ಷಕರ ಮುಂದಿದೆ. ಪುಟಾಣಿ ಪಂಟ್ರು-2 ಮಕ್ಕಳ ಡಾನ್ಸಿಂಗ್ ಶೋ ಭರ್ಜರಿ ಓಪನಿಂಗ್ ಪಡ್ಕೊಂಡಿದ್ದು. ಕ್ರೇಜಿಕ್ವೀನ್ ರಕ್ಷಿತಾ, ನಿರ್ದೇಶಕ ಗುರುಪ್ರಸಾದ್ ಜಡ್ಜ್ಸ್ ಜುಗಲ್ಬಂದಿ ಪ್ರೇಕ್ಷಕರಿಗೆ ಮಸ್ತ್ ಮಜಾ ಕೊಡ್ತಿದೆ.

ಹಳ್ಳಿ ಹೈದ ಪ್ಯಾಟೆಗ್ ಬಂದ-2

ಸುವರ್ಣ ವಾಹಿನಿಯ ಪ್ರತಿಷ್ಠಿತ ರಿಯಾಲಿಟಿ ಶೋ ಹಳ್ಳಿ ಹೈದ ಪ್ಯಾಟೆಗ್ ಬಂದ ಈಗಾಗ್ಲೇ ಶುರುವಾಗಿದೆ. ಹೆಲಿಕಾಪ್ಟರ್ನಲ್ಲಿ ಹಳ್ಳಿ ಹೈದರನ್ನ ಪ್ಯಾಟೆಗೆ ತಂದಿಳಿಸಿ ಸುವರ್ಣ ವಾಹಿನಿ ಪ್ರತಿಸ್ಪರ್ಧಿ ವಾಹಿನಿಗಳಿಗೆ ಟಿಆರ್ಪಿ ರೇಟಿಂಗ್ನಲ್ಲಿ ಕಠಿಣ ಸವಾಲೊಡ್ಡಲಿದೆ.

ಬೆಂಗಳೂರು ಬೆಣ್ಣೆ ದೋಸೆ

ಸುವರ್ಣ ವಾಹಿನಿ ಕಲರ್ಸ್ ಕನ್ನಡದ ಮಜಾ ಟಾಕೀಸ್ಗೆ ಸೆಡ್ಡು ಹೊಡೆಯೋಕೆ ಹೊಸದೊಂದು ಕಾಮಿಡಿ ಶೋ ಆರಂಭಿಸಿದ್ದು ಬೆಂಗ್ಳೂರ್ ಬೆಣ್ಣೆ ದೋಸೆ ಟೈಟಲ್ ಮೂಲಕ ಜನ್ರ ಮನಸ್ಸಲ್ಲಿ ಕುತೂಹಲ ಮೂಡಿಸೋಕೆ ಶುರು ಮಾಡಿದೆ. ಬೆಂಗಳೂರು ಬೆಣ್ಣೆ ದೋಸೆ ಕಾಮಿಡಿ ಶೋಗೆ ಕಲಾಕಿಲಾಡಿ ಅರುಣ್ ಸಾಂಗ್ ಸಾರಥ್ಯವಿರೋ ಸುದ್ದಿ ಸಿಕ್ಕಿದೆ.

ಸಿನಿಮಾಗಳಿಗೆ ಬಜೆಟ್ಟಿಲ್ಲ

ಮನರಂಜನಾವಾಹಿನಿಗಳು ತಮ್ಮ ಬಜೆಟ್ನ ಬಹುದೊಡ್ಡ ಭಾಗವನ್ನ ರಿಯಾಲಿಟಿ ಶೋಗಳಿಗೆ ಸುರೀತಿರೋದ್ರಿಂದ ಸಿನಿಮಾ ಕೊಳ್ಳೋಕೆ ಸಾಧ್ಯವಾಗ್ತಿಲ್ಲ ಅಂತಿವೆ ವಾಹಿನಿಯ ಮೂಲಗಳು..