ಡಾ ರಾಜ್ ಎರಡನೇ ಪುತ್ರನಿಗೆ 'ರಾಘವೇಂದ್ರ' ಎಂದು ಹೆಸರಿಡಲು ಕಾರಣವೇನು?

ಅದು ಮಂತ್ರಾಲಯ ಮಹಾತ್ಮೆ ಚಿತ್ರೀಕರಣದ ಸಮಯ

ಆಗ 'ಮಂತ್ರಾಲಯ ಮಹಾತ್ಮೆ' ಸಿನಿಮಾದ ಚಿತ್ರೀಕರಣ ನಡೆಯುತ್ತಿತ್ತು. ಟಿವಿ ಸಿಂಗ್ ಠಾಕೂರ್ ಈ ಚಿತ್ರವನ್ನ ನಿರ್ದೇಶನ ಮಾಡುತ್ತಿದ್ದರು. ರಾಜ್ ಕುಮಾರ್, ಉದಯ್ ಕುಮಾರ್, ಜಯಂತಿ, ಕಲ್ಪನ ನಟಿಸುತ್ತಿದ್ದರು. ಆ ಸಂದರ್ಭದಲ್ಲಿ ಹುಟ್ಟಿದವರೇ ರಾಘಣ್ಣ.

ರಾಘವೇಂದ್ರ ಸ್ವಾಮಿ ಪ್ರಸಾದ

ಈ ಹುಡುಗನಿಗೆ ಏನು ಹೆಸರಿಡಬೇಕು ಎಂಬ ಚಿಂತೆಯಲ್ಲಿ ಅಣ್ಣಾವ್ರು ಇದ್ದರು. ರಾಯರ ಪ್ರಸಾದ ಆಗಿದ್ದರಿಂದ ರಾಘವೇಂದ್ರ ಎಂದು ಹೆಸರಿಡುವುದು ಸೂಕ್ತ ಮತ್ತು ಶ್ರೇಯಸ್ಸು ಎಂದು ನಿರ್ಧರಿಸಿ ಆ ಹೆಸರಿಟ್ಟರಂತೆ.

ಜಯಂತಿ ಪಾಲಿಗೆ ಇವರು 'ಬೆಟ್ಟದ ಹುಲಿ'

ಹಿರಿಯ ನಟಿ ಜಯಂತಿ ಪಾಲಿಗೆ ರಾಘವೇಂದ್ರ ರಾಜ್ ಕುಮಾರ್ ಬೆಟ್ಟದ ಹುಲಿ. ಯಾಕಂದ್ರೆ, ಮಂತ್ರಾಲಯ ಮಹಾತ್ಮೆ ಸಿನಿಮಾ ಮತ್ತು ಬೆಟ್ಟದ ಹುಲಿ ಸಿನಿಮಾಗಳ ಚಿತ್ರೀಕರಣ ಅದೇ ಅಂತರದಲ್ಲಿ ನಡೆಯುತ್ತಿತ್ತು. ರಾಘಣ್ಣ ಜನನವಾದ ದಿನ ಬೆಟ್ಟದ ಹುಲಿ ಸೆಟ್ ನಲ್ಲಿ ರಾಜ್ ಇದ್ದರಂತೆ. ಹಾಗಾಗಿ, ಜಯಂತಿ ಈ ಹುಡುಗನಿಗೆ ಬೆಟ್ಟದ ಹುಲಿ ಎಂದು ಕರೆಯಲು ಇಷ್ಟಪಡುತ್ತಿದ್ದರು. ಈಗಲೂ ರಾಘಣ್ಣ ಅವರನ್ನ ಬೆಟ್ಟದ ಹುಲಿ ಎಂದೇ ಕರೆಯುತ್ತಾರೆ.

ಆಗಸ್ಟ್ 15ಕ್ಕೆ ಹುಟ್ಟಿದ ರಾಘಣ್ಣ

1965 ಅಗಸ್ಟ್ 15 ರಂದು ರಾಘವೇಂದ್ರ ರಾಜ್ ಕುಮಾರ್ ಹುಟ್ಟಿದರು. ವಿಶೇಷ ಅಂದ್ರೆ ಸ್ವಾತಂತ್ರ್ಯ ದಿನಾಚರಣೆಯೂ ಹೌದು. ಚೆನ್ನೈನ ಕಲ್ಯಾಣಿ ಆಸ್ಪತ್ರೆಯಲ್ಲಿ ಇವರ ಜನನವಾಯಿತು.