'ಭರ್ಜರಿ ಕಾಮಿಡಿ'ಯಿಂದ 'ಬಿಗ್ ಬಾಸ್' ಸಂಜನಾ ಹೊರಗೆ ಬಂದಿದ್ಯಾಕೆ? ಕಾರಣ ಇಲ್ಲಿದೆ!

ತೆಲುಗು ಕಡೆ ಮುಖ ಮಾಡಿದ ನಟಿ ಸಂಜನಾ

ನಟಿ ಸಂಜನಾ ತೆಲುಗಿನ ಕಡೆ ಮುಖ ಮಾಡಿದ್ದಾರೆ. ತೆಲುಗಿನ ಧಾರಾವಾಹಿಯಲ್ಲಿ ನಟಿಸುವ ಅವಕಾಶ ನಟಿ ಸಂಜನಾಗೆ ಸಿಕ್ಕಿದೆ. ಹೀಗಾಗಿ 'ಭರ್ಜರಿ ಕಾಮಿಡಿ' ಶೋಗೆ ನಟಿ ಸಂಜನಾ ಗುಡ್ ಬೈ ಹೇಳಿದ್ದಾರೆ.

ತೆಲುಗಿನಲ್ಲಿ ಪ್ರಮುಖ ಪಾತ್ರ

ತೆಲುಗಿನ ಧಾರಾವಾಹಿಯಲ್ಲಿ ಸಂಜನಾಗೆ ಪ್ರಮುಖ ಪಾತ್ರ ಲಭಿಸಿದೆ. ಹೀಗಾಗಿ ಅನಿವಾರ್ಯವಾಗಿ ಕನ್ನಡದ ರಿಯಾಲಿಟಿ ಶೋ ಬಿಟ್ಟಿದ್ದಾರೆ. ಅಷ್ಟಕ್ಕೂ, ಸಂಜನಾ ಒಪ್ಪಿಕೊಂಡಿರುವ ತೆಲುಗಿನ ಧಾರಾವಾಹಿ ಯಾವುದು.? ಎಂಬುದರ ಬಗ್ಗೆ ಮಾಹಿತಿ ಸಿಕ್ಕಿಲ್ಲ.

ಸ್ಯಾಂಡಲ್ ವುಡ್ ನಲ್ಲಿ ಸಂಜನಾ ಮಿಂಚಿದ್ದರು

'ಬಿಗ್ ಬಾಸ್' ಮನೆಯಿಂದ ಆಚೆ ಬಂದ್ಮೇಲೆ, 'ಮೊಂಬತ್ತಿ' ಎಂಬ ಕನ್ನಡ ಸಿನಿಮಾದಲ್ಲಿ ನಟಿ ಸಂಜನಾ ಸೊಂಟ ಬಳುಕಿಸಿದ್ದರು. ಅದಾದ್ಮೇಲೆ, ಕಿರುತೆರೆಯಲ್ಲಿಯೇ ಸಂಜನಾ ಗಮನ ಹರಿಸಿದ್ದಾರೆ. ಕನ್ನಡ ಕಿರುತೆರೆಯಲ್ಲಿ ಮಿಂಚುತ್ತಿದ್ದ ಸಂಜನಾ ಇದೀಗ ತೆಲುಗಿನ ಕಿರುತೆರೆಯಲ್ಲಿ ಕಾಣಿಸಿಕೊಳ್ಳಲು ಸಜ್ಜಾಗಿದ್ದಾರೆ.

ಇನ್ನೇನು ಮುಗಿಯಲಿದೆ

ರಾಗಿಣಿ, ಗುರುಪ್ರಸಾದ್, ದೊಡ್ಡಣ್ಣ ತೀರ್ಪುಗಾರರಾಗಿದ್ದ, ವೈಷ್ಣವಿ ನಿರೂಪಣೆ ಮಾಡುತ್ತಿದ್ದ 'ಭರ್ಜರಿ ಕಾಮಿಡಿ' ಕಾರ್ಯಕ್ರಮ ಇನ್ನೇನು ಮುಗಿಯಲಿದೆ. ಕಾರ್ಯಕ್ರಮ ಕೊನೆಯ ಹಂತದಲ್ಲಿ ಇರುವಾಗ, ಸಂಜನಾ ಹೊರಗೆ ಬಂದಿದ್ದಾರೆ.