ಇಂಡಿಯಾ ಗಾಟ್ ಟ್ಯಾಲೆಂಟ್ ಶೋಗೆ ಉಜಿರೆ ವಿದ್ಯಾರ್ಥಿಗಳು

ಉಜಿರೆ ವಿದ್ಯಾರ್ಥಿಗಳು ಆಯ್ಕೆ

ಕರ್ನಾಟಕದ ದಕ್ಷಿಣ ಕನ್ನಡ ಜಿಲ್ಲೆ ಉಜಿರೆ ಶ್ರೀಧರ್ಮಸ್ಥಳ ಮಂಜುನಾಥೇಶ್ವರ ಕಾಲೇಜಿನ ವಿದ್ಯಾರ್ಥಿಗಳು ಕಲರ್ಸ್ ವಾಹಿನಿ ಆಯೋಜಿಸುತ್ತಿರುವ ಇಂಡಿಯಾ ಗಾಟ್ ಟ್ಯಾಲೆಂಟ್ ಕಾರ್ಯಕ್ರಮದ ಮೊದಲ ಸುತ್ತಿಗೆ ನೇರವಾಗಿ ಆಯ್ಕೆಯಾಗಿ ಪ್ರದರ್ಶನ ನೀಡಲು ಮುಂಬೈಗೆ ತೆರಳಿದ್ದಾರೆ.

ರಾಷ್ಟ್ರಮಟ್ಟದ ಸ್ಪರ್ಧೆಗೆ

ಇತ್ತೀಚೆಗಷ್ಟೇ ಮಂಗಳೂರಿನ ನಮ್ಮ ಟಿ.ವಿ. ವಾಹನಿಯಲ್ಲಿ ಮುಕ್ತಾಯಗೊಂಡ 'ಡ್ಯಾನ್ಸ್ ಟು ಡ್ಯಾನ್ಸ್' ರಿಯಾಲಿಟಿ ಡ್ಯಾನ್ಸ್ ಪ್ರದರ್ಶನ ಕಾರ್ಯಕ್ರಮದಲ್ಲಿ ವಿಜೇತರಾದ ಈ ನೃತ್ಯ ತಂಡ ನೇರವಾಗಿ ರಾಷ್ಟ್ರಮಟ್ಟದ ಸ್ಪರ್ಧೆಗೆ ಆಯ್ಕೆಯಾಗಿದೆ. ಚಿತ್ರದಲ್ಲಿ : ಚಿತ್ರಕರ್ಮಿ ಕರಣ್ ಜೋಹರ್

15 ವಿದ್ಯಾರ್ಥಿಗಳ ತಂಡ

ಉಜಿರೆ ಎಸ್. ಡಿ. ಎಂ ಕಾಲೇಜಿನ 15 ವಿದ್ಯಾರ್ಥಿಗಳನ್ನು ಒಳಗೊಡ ನೃತ್ಯ ತಂಡ ತಮ್ಮ ನೃತ್ಯ ಪ್ರತಿಭೆಯನ್ನು ಕಲರ್ಸ್ ವಾಹಿನಿಯ ರಿಯಾಲಿಟಿ ಕಾರ್ಯಕ್ರಮದಲ್ಲಿ ಹೊರ ಚೆಲ್ಲಲಿದ್ದಾರೆ. ಬೆಳ್ತಂಗಡಿಯ ಬೀಟ್ ಬೌನ್ಸರ್ಸ್ ಸಂಸ್ಥೆ ವಿದ್ಯಾರ್ಥಿಗಳ ತಂಡಕ್ಕೆ ನೃತ್ಯ ತರಬೇತಿ ನೀಡಲಿದೆ. ಚಿತ್ರದಲ್ಲಿ: ನಟಿ ಕಿರಣ್ ಖೇರ್

ಕುಂಚ ಕಲಾವಿದ ವಿಲಾಸ್ ನಾಯಕ್

ಈ ಹಿಂದೆ ಇದೇ ರಿಯಾಲಿಟಿ ಶೋನಲ್ಲಿ ಉಜಿರೆಯ ವಿಲಾಸ್ ನಾಯಕ್ ಅವರು ತಮ್ಮ ಕುಂಚದ ಕಲೆಯನ್ನು ಕಲರ್ಸ್ ವಾಹಿನಿಯ ಪ್ರದರ್ಶಿಸಿ ಅಂತಿಮ ಘಟ್ಟಕ್ಕೆ ತಲುಪಿದ ಐವರಲ್ಲಿ ಒಬ್ಬರಾಗಿದ್ದರು. ಕುದ್ರೋಳಿಯ ವಿಶಿಷ್ಟ ಜಾದೂಗಾರ ಗಣೇಶ್ ಅವರು ಕೂಡಾ ಸ್ಪರ್ಧೆಯ ಅಂತಿಮ ಸುತ್ತು ತಲುಪಿದ್ದರು. ಚಿತ್ರದಲ್ಲಿ : ಮಲೈಕಾ ಅರೋರಾ ಖಾನ್

ಕಲಾವಿದ ವಿಲಾಸ್

ತ್ವರಿತ ಗತಿಯಲ್ಲಿ ಚಿತ್ರ ರಚಿಸುವುದರಲ್ಲಿ ವಿಲಾಸ್ ಸಿದ್ದಹಸ್ತರು. ಅದರಲ್ಲೂ ತಲೆಕೆಳಗಾಗಿ ಚಿತ್ರವನ್ನು ರಚಿಸುವ ರೀತಿ ಅನನ್ಯ. ವಿಲಾಸ್ ಅವರ ಪ್ರತಿಭೆ ಬಗ್ಗೆ ತಿಳಿಯಲು ಸುವರ್ಣ ಟಿವಿ ಪ್ರಶಸ್ತಿ ಸಮಾರಂಭದ ವಿಡಿಯೋ ನೋಡಿ..