ಆರಂಭವೇ ಆಗದ ಧಾರಾವಾಹಿಯ ಪ್ರಸಾರ ಹೆಚ್ಚು ಮಾಡಿ ಎಂದು ಪ್ರೇಕ್ಷಕರ ಒತ್ತಾಯ

ಬೇಡಿಕೆ ಹೆಚ್ಚಿಸಿಕೊಂಡ ಧಾರಾವಾಹಿ

ಸಾಮಾನ್ಯವಾಗಿ ಧಾರಾವಾಹಿಗಳು ಪ್ರಸಾರವಾದ ನಂತರ ಬೇಡಿಕೆ ಹೆಚ್ಚಿಸಿಕೊಳ್ಳುವುದು, ಬೇಡಿಕೆ ಕಡಿಮೆ ಮಾಡಿಕೊಳ್ಳುವುದು ಸರ್ವೇ ಸಾಮಾನ್ಯ .ಆದರೆ ಇಲ್ಲೊಂದು ಧಾರಾವಾಹಿ ಆರಂಭಕ್ಕೂ ಮುನ್ನವೇ ಹೆಚ್ಚು ಸಮಯ ಪ್ರಸಾರ ಮಾಡಿ ಎಂದು ವೀಕ್ಷಕರು ಮನವಿ ಮಾಡುತ್ತಿದ್ದಾರೆ.

ಶುರುವಾಗುತ್ತಿದೆ ಮಹಾಕಾಳಿಯ ಕಥೆ

ಕಲರ್ಸ್ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗಲು ತಯಾರಾಗಿರುವ ಹೊಸ ಧಾರಾವಾಹಿ ಮಹಾಕಾಳಿ. ವಾಹಿನಿಯವರು ಈಗಾಗಲೇ ಧಾರಾವಾಹಿಯ ಪ್ರೋಮೋವನ್ನು ಬಿಡುಗಡೆ ಮಾಡಿದ್ದು ವಾರಾಂತ್ಯದಲ್ಲಿ ಸೀರಿಯಲ್ ಪ್ರಸಾರ ಮಾಡಲು ನಿರ್ಧಾರವನ್ನೂ ಮಾಡಿದ್ದಾರೆ. ಪ್ರೋಮೋ ನೋಡಿರುವ ವೀಕ್ಷಕರು ಪ್ರತಿನಿತ್ಯ ಮಹಾಕಾಳಿಯ ಕಥೆಯನ್ನು ಪ್ರಸಾರ ಮಾಡಿ ಎಂದು ಕೇಳಿಕೊಂಡಿದ್ದಾರೆ.

ಮೆಗಾ ಸೀರಿಯಲ್ ಗಳನ್ನು ದಯಮಾಡಿ ನಿಲ್ಲಿಸಿ

ಪ್ರತಿ ನಿತ್ಯ 6 ರಿಂದ 8-30 ರ ವರೆಗೆ ಪ್ರಸಾರವಾಗುವ ಧಾರಾವಾಹಿಗಳನ್ನು ನಿಲ್ಲಿಸಿ. ಮಹಾಕಾಳಿ ಧಾರಾವಾಹಿಯನ್ನು ಪ್ರತಿನಿತ್ಯ ಪ್ರಸಾರ ಮಾಡಿ ಎಂದು ವಾಹಿನಿಯವರಿಗೆ ಪ್ರೇಕ್ಷಕರು ಹೊಸ ಆಲೋಚನೆ ನೀಡಿದ್ದಾರೆ.

ವಾರಾಂತ್ಯದಲ್ಲಿ ಮಾತ್ರ ಪ್ರಸಾರ

ಮಹಾಕಾಳಿ ಧಾರಾವಾಹಿ ಹೊಸ ರೀತಿಯ ಕಥೆಯನ್ನು ಹೊಂದಿದೆ. ಪ್ರೋಮೋದಲ್ಲಿಲೇ ಕುತೂಹಲ ಮೂಡಿಸುತ್ತಿದೆ. ಈಗಾಗಲೇ ಶನಿ ಧಾರಾವಾಹಿಯನ್ನು ಮೆಚ್ಚಿಕೊಂಡಿರುವ ವೀಕ್ಷಕರು ಪೌರಾಣಿಕ ಕಥಾಹಂದ ಇರುವ ಸೀರಿಯಲ್ ಗಳನ್ನ ನೋಡಲು ಇಷ್ಟ ಪಡುತ್ತಿದ್ದಾರೆ.