ಹಿಂದಿ ಬಿಗ್‌ಬಾಸ್‌ನಲ್ಲಿ ಅತಿ ಹೆಚ್ಚು ಸಂಭಾವನೆ ಪಡೆದ ಸ್ಪರ್ಧಿ ಇವರೇ!

ಹೀನಾ ಖಾನ್ ದುಬಾರಿ ಸ್ಪರ್ಧಿ

ಈ ಬಾರಿ ಬಿಗ್ ಬಾಸ್ ಮನೆಯಲ್ಲಿ ನಟಿ ಹೀನಾ ಖಾನ್ ದುಬಾರಿ ಸ್ಪರ್ಧಿಯಾಗಿ ಗುರುತಿಸಿಕೊಂಡಿದ್ದಾರೆ. ಎರಡು ವಾರಗಳ ಆಟಕ್ಕಾಗಿ ಹೀನಾ ಖಾನ್ ಸುಮಾರು 72 ಲಕ್ಷ ಸಂಭಾವನೆ ಪಡೆದುಕೊಂಡಿದ್ದಾರೆ ಎಂದು ಬಿಟೌನ್‌ನಲ್ಲಿ ವರದಿಯಾಗಿದೆ.

ಸಿದ್ಧಾರ್ಥ್ ಶುಕ್ಲಾಗೆ ಎಷ್ಟು ಹಣ?

ಇನ್ನು ಸಿದ್ಧಾರ್ಥ್ ಶುಕ್ಲಾ ಅವರಿಗೆ ಎರಡು ವಾರಗಳ ಆಟಕ್ಕಾಗಿ ಭಾರಿ ಮೊತ್ತವನ್ನೆ ಪಡೆದುಕೊಂಡಿದ್ದಾರೆ. ಮೂಲಗಳ ಪ್ರಕಾರ ಹದಿನಾಲ್ಕು ದಿನಗಳ ಕಾಲ್‌ಶೀಟ್‌ಗಾಗಿ 32 ಲಕ್ಷ ಸಂಭಾವನೆ ನೀಡಲಾಗುತ್ತಿದೆಯಂತೆ.

ಶುಕ್ಲಾಗೆ ಕೊಡಲಾಗ್ತಿದೆ 12 ಕೋಟಿ!

ಸಿದ್ಧಾರ್ಥ್ ಶುಕ್ಲಾ ಅವರ ಸಂಭಾವನೆ ವಿಚಾರದಲ್ಲಿ ಮತ್ತೊಂದು ಸುದ್ದಿ ವರದಿಯಾಗಿದೆ. ಶುಕ್ಲಾ ಅವರು ಬಿಗ್ ಬಾಸ್ ಎಪಿಸೋಡ್‌ಗಾಗಿ 12 ಕೋಟಿ ವೇತನ ತೆಗೆದುಕೊಂಡಿದ್ದಾರೆ ಎಂದು ಹೇಳಲಾಗ್ತಿದೆ. ಒಂದು ವೇಳೆ ಇದೇ ನಿಜ ಆದ್ರೆ, ಸಿದ್ಧಾರ್ಥ್ ಶುಕ್ಲಾ ಅತ್ಯಂತ ದುಬಾರಿ ಸ್ಪರ್ಧಿಯಾಗಿರಲಿದ್ದಾರೆ.

ತೆಲುಗು ಬಿಗ್‌ಬಾಸ್‌ನಿಂದ ಗಂಗವ್ವ ಹೊರಗೆ!

ಮತ್ತೊಂದೆಡೆ ತೆಲುಗು ಬಿಗ್ ಬಾಸ್ ಕುತೂಹಲ ಹೆಚ್ಚಿಸಿದೆ. ಯ್ಯೂಟ್ಯೂಬ್ ಸ್ಟಾರ್ ಗಂಗವ್ವ ಬಿಗ್ ಮನೆಯಿಂದ ಹೊರಗೆ ಬಂದಿದ್ದಾರೆ. ಆದ್ರೆ, ಎಲಿಮಿನೇಟ್ ಆಗಿಲ್ಲ. 59 ವರ್ಷದ ಸ್ಪರ್ಧಿ ವಯೋ ಸಹಜ ಕಾಯಿಲೆಯಿಂದ ಬಳಲುತ್ತಿದ್ದಾರೆ. ಹಾಗಾಗಿ, ಆರೋಗ್ಯ ದೃಷ್ಟಿಯಿಂದ ಹೊರಗೆ ಕಳುಹಿಸಲಾಗಿದೆ.