ಫೈನಲ್ ತಲುಪಿದ ಹನುಮಂತಣ್ಣನಿಗೆ ಸಿಕ್ಕಿತು ವಿಶೇಷ ಉಡುಗೊರೆ

ಹಾರ್ಮೋನಿಯಂ ಉಡುಗೊರೆ

ಸರಿಗಮಪ ಕಾರ್ಯಕ್ರಮದಲ್ಲಿ ಫೈನಲ್ ಗೆ ಹೋದ ಹನುಮಂತಣ್ಣನಿಗೆ ಹಾರ್ಮೋನಿಯಂ ಉಡುಗೊರೆ ಸಿಕ್ಕಿದೆ. ಸೆಮಿ ಫೈನಲ್ ನಲ್ಲಿ 'ಜೋಗಿ' ಚಿತ್ರದ 'ಬೇಡುವೇನು ವರವನ್ನು..' ಹಾಡು ಹಾಡಿನ ಹನುಮಂತಣ್ಣ ಫೈನಲ್ ಗೆ ಪಾಸ್ ಆದರು. ಹನುಮಂತಣ್ಣನ ಈ ಸಾಧನೆಗೆ ಗಿಫ್ಟ್ ಆಗಿ ಹಾರ್ಮೋನಿಯಂ ಸಿಕ್ಕಿದೆ.

ಹಂಸಲೇಖ ಪತ್ನಿಯ ಉಡುಗೊರೆ

ನಾದಬ್ರಹ್ಮ ಹಂಸಲೇಖ ಅವರು ಈ ಕಾರ್ಯಕ್ರಮದ ಮಹಾ ಗುರುಗಳಾಗಿದ್ದಾರೆ. ಹಂಸಲೇಖ ಅವರ ಪತ್ನಿ ಲತಾ ಅವರ ಕಡೆಯಿಂದ ಹನುಮಂತಣ್ಣ ಉಡುಗೊರೆಯಾಗಿ ಹಾರ್ಮೋನಿಯಂ ಪಡೆದುಕೊಂಡಿದ್ದಾನೆ. ಕಳೆದ ವಾರದ ಸಂಚಿಕೆಗೆ ಬಂದಿದ್ದ ಲತಾ ಹಂಸಲೇಖ ತಮ್ಮ ಕೈಯಾರ ಹಾರ್ಮೋನಿಯಂ ನೀಡಿ ಹನುಮಂತಣ್ಣನಿಗೆ ಶುಭಾಶಯ ತಿಳಿಸಿದರು.

ಈ ಹಿಂದೆ ಚಿನ್ನದ ಉಂಗುರ ನೀಡಿದ್ದರು

ಈ ಹಿಂದೆ ಲತಾ ಹಂಸಲೇಖ ಮತ್ತೊಬ್ಬ ಸ್ಪರ್ಧಿಗೆ ಸಹ ಉಡುಗೊರೆ ನೀಡಿದ್ದರು. ಸರಿಗಮಪ ಸೀಸನ್ 14ರ ಅತಿ ಕಿರಿಯ ಸ್ಪರ್ಧಿಯಾಗಿದ್ದ ನೇಹಾಗೆ ಚಿನ್ನದ ಉಂಗುರ ನೀಡುವ ಮೂಲಕ ಲತಾ ಹಂಸಲೇಖ ಆರ್ಶೀವಾದ ಮಾಡಿದ್ದರು. ನೇಹಾ ಹುಟ್ಟುಹಬ್ಬದ ವಿಶೇಷವಾಗಿ ಆಕೆಯ ಹಾಡುಗಳನ್ನು ಮೆಚ್ಚಿ ಈ ಗಿಫ್ಟ್ ನೀಡಲಾಗಿತ್ತು.

ಮತ್ತೆ ಹನುಮಂತಣ್ಣನಿಗೆ ಗಿಫ್ಟ್

ಕಾರ್ಯಕ್ರಮದ ಮತ್ತೊಬ್ಬ ತೀರ್ಪುಗಾರರಾದ ವಿಜಯ್ ಪ್ರಕಾಶ್ ಸಹ ಈ ಹಿಂದೆ ಹನುಮಂತಣ್ಣನಿಗೆ ಹಿಯರ್ ಫೋನ್ ಅನ್ನು ಉಡುಗೊರೆಯಾಗಿ ನೀಡಿದ್ದರು. ತನ್ನ ಮೊಬೈಲ್ ನಲ್ಲಿ ಹಾಡು ಕೇಳಿ ಸಂಗೀತ ಕಲಿಯುತ್ತಿದ್ದ ಹನುಮಂತಣ್ಣನಿಗೆ ಉಪಯೋಗ ಆಗಲಿ ಎಂದು ಹಿಯರ್ ಫೋನ್ ನೀಡಿದ್ದರು.

ಫೈನಲ್ ವೇದಿಕೆಯಲ್ಲಿ 6 ಸ್ಪರ್ಧಿಗಳು

ಈ ಬಾರಿಯ ಸರಿಗಮಪ ಕಾರ್ಯಕ್ರಮ ಕೊನೆಯ ಹಂತಕ್ಕೆ ಬಂದಿದೆ. ಕಾರ್ಯಕ್ರಮದ ಗ್ರಾಂಡ್ ಫಿನಾಲೆ ಇದೇ ಶನಿವಾರ ಸಂಜೆ 6 ಗಂಟೆಯಿಂದ ಲೈವ್ ಪ್ರಸಾರ ಆಗಲಿದೆ. ಕೀರ್ತನ್, ವಿಜೇತ್, ಸಾದ್ವಿನಿ, ನಿಹಾಲ್, ಋತ್ವಿಕ್ ಹಾಗೂ ಹನುಮಂತ ಫೈನಲ್ ಹಂತ ತಲುಪಿದ 6 ಸ್ಪರ್ಧಿಗಳಾಗಿದ್ದಾರೆ.