'ವೀಕೆಂಡ್'ನಲ್ಲಿ ಮಜಾ ಕೊಡೋಕೆ ಮತ್ತೊಂದು 'ಶೋ' ಆರಂಭಿಸಿದ ಸೃಜನ್

ಹೊಸ ಶೋ ಆರಂಭಿಸಿದ ಸೃಜನ್

'ಮಜಾ ಟಾಕೀಸ್' ರೀತಿಯಲ್ಲಿ ಇನ್ನೊಂದು ಹೊಸ ಶೋ ಆರಂಭಿಸಿದ್ದಾರೆ. ಅದರ ಹೆಸರು 'ಮಜಾ ವೀಕೆಂಡ್'. ಪ್ರತಿ ವಾರಂತ್ಯಕ್ಕೆ ಈ ಕಾರ್ಯಕ್ರಮ ಪ್ರಸಾರವಾಗಲಿದೆ.

ಸೇಮ್ ಕಾನ್ಸಪ್ಟ್, ಮಜಾ ಬೇರೆ

'ಮಜಾ ಟಾಕೀಸ್' ಗುರುವಾರ, ಶುಕ್ರವಾರ ಕಲರ್ ಸೂಪರ್ ವಾಹಿನಿಯಲ್ಲಿ ಪ್ರಸಾರವಾಗ್ತಿದೆ. 'ಮಜಾ ವೀಕೆಂಡ್' ಶನಿವಾರ ಮತ್ತು ಭಾನುವಾರ ರಾತ್ರಿ 9 ಗಂಟೆಗೆ ಕಲರ್ಸ್ ಕನ್ನಡದಲ್ಲಿ ಪ್ರಸಾರವಾಗುತ್ತೆ. ಮಜಾ ಟಾಕೀಸ್ ಫ್ಲೇವರ್ ನಲ್ಲಿ ಮೂಡಿ ಬರಲಿರುವ ಈ ಕಾರ್ಯಕ್ರಮದಲ್ಲಿ ಮಜಾ ಬೇರೆ ರೀತಿಯಲ್ಲಿರಲಿದೆ ಎನ್ನುತ್ತಾರೆ ಸೃಜನ್.

ಸದಾ ನಿಮ್ಮೊಂದಿಗೆ

'ಮಜಾಟಾಕೀಸ್' ಮತ್ತು 'ಮಜಾವೀಕೆಂಡ್' ಮಾತ್ರವಲ್ಲದೇ ಉದಯ ಟಿವಿಯಲ್ಲಿ 'ಸದಾ ನಿಮ್ಮೊಂದಿಗೆ' ಎಂಬ ವಿನೂತನ ಕಾರ್ಯಕ್ರಮವನ್ನ ಕೂಡ ನಿರ್ಮಾಣ ಮಾಡುತ್ತಿದ್ದಾರೆ. ಹಿರಿಯ ನಟಿ ಲಕ್ಷ್ಮಿ ಅವರು ನಿರೂಪಣೆ ಮಾಡ್ತಿದ್ದಾರೆ.

ಮೊದಲ ಎಪಿಸೋಡ್ ನಲ್ಲಿ ಸರ್ಪ್ರೈಸ್

ಇದೇ ಶನಿವಾರ 28ನೇ ತಾರೀಖು 'ಮಜಾ ವೀಕೆಂಡ್' ಮೊದಲ ಎಪಿಸೋಡ್ ಗೆ ಚಾಲನೆ ದೊರೆಯಲಿದೆ. ಈ ವಿಶೇಷ ಸಂಚಿಕೆಯಲ್ಲಿ ಹಲವು ವಿಶೇಷತೆಗಳು ಇರಲಿದೆ ಎನ್ನಲಾಗಿದೆ. ಹಿರಿಯ ನಟ ಮುಖ್ಯಮಂತ್ರಿ ಚಂದ್ರು ಅವರು ಈ ಶೋನಲ್ಲಿ ಭಾಗವಾಗಲಿದ್ದಾರಂತೆ.