ಬಿಗ್ ಬಾಸ್ 7ನೇ ಆವೃತ್ತಿಯಲ್ಲಿ ಸುದೀಪ್ ಸಂಭಾವನೆ ಎಷ್ಟು?

ಐದು ವರ್ಷಕ್ಕೆ ಅಗ್ರಿಮೆಂಟ್

ಕಿಚ್ಚ ಸುದೀಪ್ ಮತ್ತು ಬಿಗ್ ಬಾಸ್ ನಡುವೆ ಐದು ವರ್ಷಗಳ ಅಂಗ್ರಿಮೆಂಟ್ ಆಗಿದೆ. ಐದು ಆವೃತ್ತಿಗಳಿಗೆ ನಿರೂಪಣೆಗಾಗಿ ಸುದೀಪ್ ದೊಡ್ಡ ಮೊತ್ತವನ್ನ ಪಡೆದುಕೊಂಡಿದ್ದಾರಂತೆ. ಮೂಲಗಳ ಪ್ರಕಾರ ಐದು ಆವೃತ್ತಿಗಾಗಿ ಸುದೀಪ್ 20 ಕೋಟಿ ಸಂಭಾವನೆ ಸ್ವೀಕರಸಿದ್ದಾರೆ ಎನ್ನಲಾಗಿದೆ.

ಒಂದು ಆವೃತ್ತಿಗೆ ಎಷ್ಟು?

ವಾರದಲ್ಲಿ ಎರಡು ಸಂಚಿಕೆಯನ್ನ ಸುದೀಪ್ ನಡೆಸಿಕೊಡುತ್ತಾರೆ. ಶನಿವಾರ 'ಕಿಚ್ಚನ ಜೊತೆ ವಾರದ ಕಥೆ' ಹಾಗೂ ಭಾನುವಾರ 'ಸಂಡೆ ಸ್ಪೆಷಲ್ ವಿತ್ ಸುದೀಪ್' ಎಪಿಸೋಡ್ ಮಾಡಿಕೊಡುತ್ತಾರೆ. ಐದು ಆವೃತ್ತಿಗೆ 20 ಕೋಟಿ ಅಂದ್ರೆ ಒಂದು ಆವೃತ್ತಿಗೆ 4 ಕೋಟಿ ಚಾರ್ಜ್ ಮಾಡ್ತಾರೆ ಎಂದು ಹೇಳಲಾಗುತ್ತೆ.

ಯಾವಾಗ ಡೀಲ್ ಮುಗಿಯುತ್ತೆ?

ಕಳೆದ ಆರು ಆವೃತ್ತಿಗಳನ್ನ ನಿರೂಪಣೆ ಮಾಡಿರುವ ಸುದೀಪ್ ಈಗ 7ನೇ ಆವೃತ್ತಿಗೆ ಸಜ್ಜಾಗಿದ್ದಾರೆ. 2015 ರಿಂದ ಐದು ವರ್ಷಗಳ ಡೀಲ್ ಆಗಿದ್ದು, 2020ರ ವರೆಗೂ ಬಿಗ್ ಬಾಸ್ ಗೆ ಸುದೀಪ್ ಕಾಲ್ ಶೀಟ್ ಕೊಟ್ಟಿದ್ದಾರಂತೆ. ಹಾಗ್ನೋಡಿದ್ರೆ, 2020ರ ಆವೃತ್ತಿ ಬಳಿಕ ಸುದೀಪ್ ಸಂಭಾವನೆ ಮತ್ತಷ್ಟು ಹೆಚ್ಚಾಗಬಹುದು.

ಸುದೀಪ್ ಬಿಟ್ಟರೇ ಆಯ್ಕೆ ಕಾಣುತ್ತಿಲ್ಲ

ಕಿಚ್ಚ ಸುದೀಪ್ ಅವರನ್ನ ಬಿಟ್ಟರೇ ಬಿಗ್ ಬಾಸ್ ನಿರೂಪಕ ಸ್ಥಾನಕ್ಕೆ ಕನ್ನಡದಲ್ಲಿ ಬೇರೆ ಯಾರೂ ಆಯ್ಕೆ ಕಾಣುತ್ತಿಲ್ಲ. ಸುದೀಪ್ ಅವರಿಗೂ ಬಿಗ್ ಬಾಸ್ ಕುರಿತು ಒಲುವು ಹೆಚ್ಚಿದೆ. ಎಲ್ಲ ಭಾಷೆಯ ಬಿಗ್ ಬಾಸ್ ನಿರೂಪಕರ ಪೈಕಿ ಸುದೀಪ್ ಅತ್ಯುತ್ತಮ ನಿರೂಪಕ ಎಂದು ಹೇಳಲಾಗುತ್ತೆ. ಹಾಗಾಗಿ, ಸುದೀಪ್ ಅವರ ಬೇಡಿಕೆ ಎಷ್ಟಿದ್ದರೂ ವಾಹಿನಿ ಅವರು ನೀಡಲು ಸಿದ್ಧರಿದ್ದಾರೆ ಎನ್ನಲಾಗಿದೆ.

ಕಿಚ್ಚನ ಕೈಯಲ್ಲಿ ಸಾಲು ಸಾಲು ಸಿನಿಮಾ

ಕನ್ನಡದ ಬಹುಬೇಡಿಕೆಯ ನಟರಲ್ಲಿ ಸುದೀಪ್ ಮೊದಲ ಸಾಲಿನಲ್ಲಿ ಇರ್ತಾರೆ. ಕನ್ನಡ, ತೆಲುಗು ಹಾಗೂ ಇತರೆ ಭಾಷೆಯಲ್ಲಿ ನಟಿಸುವ ಸುದೀಪ್ ಕೈತುಂಬ ಸಿನಿಮಾಗಳನ್ನ ಇಟ್ಟುಕೊಂಡಿದ್ದಾರೆ. ಹೀಗೆ ಎಷ್ಟೇ ಬ್ಯುಸಿ ಇದ್ದರೂ ಬಿಗ್ ಬಾಸ್ ಗಾಗಿ ಸಮಯ ಬಿಡುವು ಮಾಡಿಕೊಳ್ಳುತ್ತಾರೆ ಸುದೀಪ್. ಈಗಲೂ ಕೋಟಿಗೊಬ್ಬ 3, ದಬಾಂಗ್ 3 ಚಿತ್ರಗಳಲ್ಲಿ ನಟಿಸುತ್ತಿದ್ದು, ಬಿಲ್ಲಾ ರಂಗ ಬಾಷಾ ಚಿತ್ರವನ್ನ ಘೋಷಣೆ ಮಾಡಿದ್ದಾರೆ.