ಅಂಬರೀಶ್ ಜೊತೆ ಆಕ್ಟ್ ಮಾಡಬಾರದೆಂದು ನಿರ್ಧರಿಸಿದ್ದರಂತೆ ಸುಮಲತಾ

ಅಂಬಿ ಬಗ್ಗೆ ಕೇಳಿದ್ದ ಕಥೆಗಳು ಕಾರಣ

ಸುಮಲತಾ ಮತ್ತು ಸುಹಾಸಿನಿ ಒಳ್ಳೆಯ ಸ್ನೇಹಿತರು. ಸುಮಲತಾ ಬಳಿ ಅಂಬರೀಶ್ ಬಗ್ಗೆ ಸುಹಾಸಿನಿ ಕೆಲವು ಕಥೆಗಳು ಹೇಳಿದ್ದರಂತೆ. ಅವರು ಹಾಗೆ, ಅವರು ಹೀಗೆ ಎಂದು ಸುಹಾಸಿನಿ ಹೇಳಿದ್ದನ್ನ ಕೇಳಿ ಸುಮಲತಾಗೆ ಭಯ ಆಯ್ತಂತೆ. ಆಗ ಅಮ್ಮನ ಬಳಿ ಹೋಗಿ ' ಅಮ್ಮ ನಾನು ಅಂಬರೀಶ್ ಜೊತೆ ಆಕ್ಟ್ ಮಾಡಲ್ಲ' ಎಂದರಂತೆ. ಅದಕ್ಕೆ ಅಮ್ಮ 'ಏನ್ ಹೇಳ್ತಿದ್ದಿಯಾ, ಕಮಿಟ್ ಮೆಂಟ್ ಆಗಿದೆ, ಡೇಟ್ ಫಿಕ್ಸ್ ಆಗಿದೆ, ಅಡ್ವಾನ್ಸ್ ಎಲ್ಲ ಕೊಟ್ಟಿದ್ದಾರೆ. ಏನೂ ಆಗಲ್ಲ, ನಾನು ಅಲ್ಲೇ ಇರ್ತೀನಿ ಅಲ್ವಾ' ಎಂದು ಹೇಳಿದ್ರು.

ಅವರು ಜೊತೆ ಮಾತನಾಡಬೇಡ

ಸುಮಲತಾ ಅವರ ಮೇಕಪ್ ಮ್ಯಾನ್ ಆಗಿದ್ದ ಹಿರಿಯ ಮೇಕಪ್ ಮ್ಯಾನ್ ಕೃಷ್ಣನ್ ಅವರು ಸುಮಲತಾ ಅವರಿಗೆ ಒಂದು ಸಲಹೆ ನೀಡಿದ್ರಂತೆ. ''ಶೂಟಿಂಗ್ ಮುಗಿದ ಮೇಲೆ ಅವರು ಬಂದು ಮಾತನಾಡಿಸುತ್ತಾರೆ ನೀನು ಮಾತನಾಡಬಾರದು, ಜೋರಾಗಿ ನಗಿಸುತ್ತಾರೆ ನಗಬಾರದು. ಪಕ್ಕದಲ್ಲೇ ಚೇರ್ ಹಾಕ್ಕೊಂಡು ಕುಳಿತುಕೊಳ್ಳುತ್ತಾರೆ. ನೀನು ಅಲ್ಲಿಂದ ಬೇರೆ ಕಡೆಗೆ ಹೋಗ್ಬೇಕು' ಎಂದು ಹೇಳಿದ್ರು.

ಮೊದಲ ಭೇಟಿಯಲ್ಲಿ ಗೊತ್ತಾಯ್ತು

ಚಾಮುಂಡೇಶ್ವರಿ ಸ್ಟುಡಿಯೋದಲ್ಲಿ ಸಾಂಗ್ ಶೂಟಿಂಗ್ ಅದು. ಮೊದಲ ದಿನ ಭೇಟಿಯಾಗಿ, ಅವರು ಮಾತನಾಡುವುದು, ಅವರ ನಡವಳಿಕೆ, ಅವರ ವ್ಯಕ್ತಿತ್ವ ನೋಡಿದ್ಮೇಲೆ 'ಛೇ ಅವರು ತುಂಬಾ ಒಳ್ಳೆಯವರು' ಎಂಬ ಭಾವನೆ ಬಂದು ಬಿಡ್ತು.

ಪಕ್ಕದಲ್ಲಿ ಚೇರ್ ಹಾಕ್ಕೊಂಡು ಬಂದ್ರು

''ಎರಡು ಮೂರು ದಿನ ಶೂಟಿಂಗ್ ಆಗಿತ್ತು. ಶೂಟ್ ಮುಗಿದ ಮೇಲೆ ನಾನು ಬುಕ್ ಓದುತ್ತಾ ಕೂತಿದ್ದೆ. ಅವರು ಎರಡು ದಿನ ನೋಡಿದ್ರು. ಆಮೇಲೆ ನನ್ನ ಪಕ್ಕದಲ್ಲಿ ಬಂದು ಚೇರ್ ಹಾಕ್ಕೊಂಡು ಕೂತರು. ''ಬುಕ್ ಓದುವುದು ತಪ್ಪು, ಶೂಟಿಂಗ್ ಸಮಯದಲ್ಲಿ ಬುಕ್ ಎಲ್ಲ ಓದಬಾರದು. ಎಲ್ಲರ ಜೊತೆ ಮಾತನಾಡಬೇಕು' ಎಂದು ಹೇಳಿದ್ರು. ಆಮೇಲೆ ಏನ್ ಮಾಡ್ಬೇಕು ಎಂದು ಕೇಳಿದಾಗ ''ಕಾರ್ಡ್ಸ್ ಆಡಬೇಕು'' ಎಂದರು. ಹೀಗೆ ಅಲ್ಲಿಂದ ಪರಿಚಯ ಬೆಳೆಯಿತು'' ಎಂದು ಸುಮಲತಾ ತಿಳಿಸಿದರು.