Don't Miss!
- News Rain Alert: ರಾಜ್ಯಾದ್ಯಂತ ಹಲವು ಜಿಲ್ಲೆಗಳಲ್ಲಿ ವ್ಯಾಪಕ ಮಳೆ; ಜಿಲ್ಲಾವಾರು ಮಳೆ ವಿವರ
- Lifestyle ಜೀವ ಸಂಗಾತಿಗೆ ಹುಟ್ಟು ಹಬ್ಬದಂದು ವಿಶ್ ಮಾಡಲು ಸುಂದರ ಸಾಲುಗಳ ಗ್ರೀಟಿಂಗ್ಸ್ ಇಲ್ಲಿದೆ
- Sports ಆರ್ಸಿಬಿಗೆ ಸಹಿ ಹಾಕಲು ವಿರಾಟ್ ಕೊಹ್ಲಿ ಕೇಳಿದ್ದೇಗೆ?; ಕುತೂಹಲಕಾರಿ ಕಥೆ ಬಿಚ್ಚಿಟ್ಟ ಕೆಎಲ್ ರಾಹುಲ್
- Automobiles ಟಾಟಾ ಕಾರುಗಳಂತೆಯೇ ಗರಿಷ್ಠ ಸುರಕ್ಷತೆ ತೋರಿದ ಸ್ವಿಫ್ಟ್: ಕ್ರ್ಯಾಶ್ ಟೆಸ್ಟ್ನಲ್ಲಿ 4 ಸ್ಟಾರ್
- Technology ಅಗ್ಗದ ಬೆಲೆಯಲ್ಲಿ ಎಂಟ್ರಿ ಕೊಡಲು ಸಜ್ಜಾಗಿದೆ ಐಟೆಲ್ S24 ಸ್ಮಾರ್ಟ್ಫೋನ್!
- Finance n. r. narayana murthy ಐದು ತಿಂಗಳ ಮೊಮ್ಮಗನಿಗೆ 4.2 ಕೋಟಿ ಇನ್ಫೋಸಿಸ್ ಲಾಭ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
'ಸೂಪರ್ ಮಿನಿಟ್' ಚಾಂಪಿಯನ್ ಶಿಪ್ ನಡೆಯುತ್ತಿರುವುದು ಈ ಪುಟಾಣಿಗಾಗಿ.!
ಕಲರ್ಸ್ ಕನ್ನಡ ವಾಹಿನಿಯಲ್ಲಿ 'ಟೈಮ್ ಜೊತೆ ಆಟವಾಡುವ ಟೈಮ್' ಶುರುವಾಗಿದೆ. ಮಿನಿಟ್ ನಲ್ಲಿ ಆಟ ಆಡುವ 'ಸೂಪರ್ ಮಿನಿಟ್' ಮೂರನೇ ಆವೃತ್ತಿಗೆ ಚಾಲನೆ ಸಿಕ್ಕಿದೆ. ಪ್ರತಿ ಶನಿವಾರ ಹಾಗೂ ಭಾನುವಾರ ರಾತ್ರಿ 9 ಗಂಟೆಗೆ 'ಸೂಪರ್ ಮಿನಿಟ್-3' ಪ್ರಸಾರ ಆಗಲಿದೆ.
ಅಂದ್ಹಾಗೆ, ಈ ಬಾರಿ 'ಸೂಪರ್ ಮಿನಿಟ್' ನಲ್ಲಿ ಕಲರ್ಸ್ ಕುಟುಂಬದ 16 ತಂಡಗಳು 'ಚಾಂಪಿಯನ್ ಶಿಪ್'ಗಾಗಿ ಸೆಣಸಾಡಲಿದೆ. ಅಸಲಿಗೆ, ಈ ಚಾಂಪಿಯನ್ ಶಿಪ್ ನಡೆಯುತ್ತಿರುವುದು ಓರ್ವ ಪುಟ್ಟ ಕಂದಮ್ಮನಿಗಾಗಿ.
ಯಾರು ಆ ಪುಟಾಣಿ.?
ಲುಕೇಮಿಯಾ (ಬ್ಲಡ್ ಕ್ಯಾನ್ಸರ್) ಕಾಯಿಲೆಯಿಂದ ಬಳಲುತ್ತಿರುವ ಮಧ್ಯಮ ವರ್ಗದ ಸುರೇಶ್-ರೇಖಾ ದಂಪತಿಯ ಐದುವರೆ ವರ್ಷದ ಕಂದಮ್ಮ ಪೀಯುಷ್ ಚಿಕಿತ್ಸೆ ವೆಚ್ಚಕ್ಕಾಗಿ ಈ ಬಾರಿಯ 'ಸೂಪರ್ ಮಿನಿಟ್-3' ಚಾಂಪಿಯನ್ ಶಿಪ್ ನಡೆಯಲಿದೆ. ಚಾಂಪಿಯನ್ ಶಿಪ್ ನಲ್ಲಿ ಗೆಲುವು ಸಾಧಿಸುವ ತಂಡದ ಬಹುಮಾನ ಹಣ ಪೀಯುಷ್ ಚಿಕಿತ್ಸೆ ವೆಚ್ಚಕ್ಕೆ ನೀಡಲಾಗುವುದು. ['ಬಿಗ್ ಬಾಸ್' ಸ್ಪರ್ಧಿಗಳ ಎದುರು ಈಟಿವಿ ನ್ಯೂಸ್ ಆಂಕರ್ಸ್ ಚಾಲೆಂಜ್.!]
ಕಲರ್ಸ್ ಕನ್ನಡ ಆಶಯ
ಜನರನ್ನು ರಂಜಿಸುವ ಕಾರ್ಯಕ್ರಮ 'ಸೂಪರ್ ಮಿನಿಟ್'. ರಂಜನೆ ಜೊತೆಗೆ ಅವಶ್ಯಕತೆ ಇರುವವರಿಗೆ ಸಹಾಯ ಮಾಡುವುದು ಕಲರ್ಸ್ ಕನ್ನಡ ವಾಹಿನಿ ಆಶಯ. ಹೀಗಾಗಿ ಈ ಬಾರಿ 'ಸೂಪರ್ ಮಿನಿಟ್' ಮೂಲಕ ಪೀಯುಷ್ ಕುಟುಂಬಕ್ಕೆ ಆರ್ಥಿಕ ನೆರವು ನೀಡಲು ಕಲರ್ಸ್ ವಾಹಿನಿ ಮುಂದಾಗಿದೆ.['ಮಿನಿಟ್' ಆಟ ಶುರು ಆಗೋಕೆ ಇನ್ನು ಮೂರೇ ದಿನ ಬಾಕಿ.!]
ಕಳೆದ ಬಾರಿ ಅಮೂಲ್ಯ ಗೆ ಸಹಾಯ
ಕಳೆದ ಬಾರಿ 'ಸೂಪರ್ ಮಿನಿಟ್' ಮೂಲಕ ಕಲರ್ಸ್ ಕನ್ನಡ ವಾಹಿನಿ ಪುಟ್ಟ ಹುಡುಗಿ ಅಮೂಲ್ಯಗೆ ಹದಿನಾಲ್ಕು ಲಕ್ಷ ರೂಪಾಯಿ ಆರ್ಥಿಕ ನೆರವು ನೀಡಿದ್ದರು.
ಹದಿನಾರು ತಂಡಗಳು
ಒಂದೊಳ್ಳೆ ಆಶಯದೊಂದಿಗೆ ಶುರು ಆಗಿರುವ 'ಸೂಪರ್ ಮಿನಿಟ್-3' ಕಾರ್ಯಕ್ರಮದಲ್ಲಿ ಚಾಂಪಿಯನ್ ಶಿಪ್ ಗಾಗಿ ಒಟ್ಟು 16 ತಂಡಗಳು ಸೆಣಸಾಡಲಿವೆ. ಚಾಂಪಿಯನ್ ಶಿಪ್ ಗೆಲ್ಲುವ ತಂಡದ ಬಹುಮಾನ ಹಣ ಪೀಯುಷ್ ಕುಟುಂಬಕ್ಕೆ ಸೇರಲಿದೆ.