ತೆಲುಗು ಬಿಗ್‌ಬಾಸ್ ಗೆದ್ದ ಅಭಿಜೀತ್‌ಗೆ ಬಹುಮಾನಕ್ಕಿಂತ ಸಂಭಾವನೆಯೇ ಹೆಚ್ಚು!

ಬಹುಮಾನದಿಂದ ಸಿಕ್ಕ ಹಣ 25 ಲಕ್ಷ

ತೆಲುಗು ಬಿಗ್ ಬಾಸ್ ನಾಲ್ಕನೇ ಆವೃತ್ತಿಯ ಫಿನಾಲೆಯಲ್ಲಿ ಗೆದ್ದ ಸ್ಪರ್ಧಿಗೆ 50 ಲಕ್ಷ ನಗದು ಬಹುಮಾನ ನಿಗದಿಯಾಗಿತ್ತು. ಆದ್ರೆ, ಅಂತಿಮವಾಗಿ ಫೈನಲ್ ಗೆದ್ದ ಅಭಿಜೀತ್‌ಗೆ ಸಿಕ್ಕ ಹಣ ಬರಿ 25 ಲಕ್ಷ. ಉಳಿದ 25 ಲಕ್ಷ ಎರಡನೇ ರನ್ನರ್ ಅಪ್ ಸ್ಪರ್ಧಿಗೆ ನೀಡಲಾಯಿತು. (ಫಿನಾಲೆಯಿಂದ ಹಿಂದೆ ಸರಿದ ಕಾರಣ ಒಪ್ಪದಂತೆ ನೀಡಿದ ಹಣ)

ಒಂದು ವಾರಕ್ಕೆ ಎಷ್ಟು ಸಂಭಾವನೆ?

'ಲೈಫ್ ಈಸ್ ಬ್ಯೂಟಿಫುಲ್' ಸಿನಿಮಾದಲ್ಲಿ ಪ್ರಮುಖ ಪಾತ್ರ ನಿರ್ವಹಿಸಿದ್ದ ಅಭಿಜೀತ್ ಬಿಗ್ ಬಾಸ್ ಮನೆಯಲ್ಲಿ ಆಟವಾಡಲು ಒಂದು ವಾರಕ್ಕೆ ನಾಲ್ಕು ಲಕ್ಷ ಸಂಭಾವನೆ ನಿಗದಿ ಮಾಡಲಾಗಿತ್ತು ಎಂದು ವರದಿಯಾಗಿದೆ. ಬಿಗ್ ಬಾಸ್ ಅಂತಿಮ ಘಟ್ಟದವರೆಗೂ ಅಭಿಜೀತ್ ಇದ್ದ ಕಾರಣ ಭಾರಿ ಸಂಭಾವನೆ ಪಡೆದಿದ್ದಾರೆ.

ಒಟ್ಟು ಸಂಭಾವನೆ ಎಷ್ಟು?

ಒಂದು ವಾರಕ್ಕೆ ನಾಲ್ಕು ಲಕ್ಷ ಸಂಭಾವನೆ ಪಡೆದ ಅಭಿಜೀತ್‌ಗೆ ಬಿಗ್ ಬಾಸ್ ಕಾರ್ಯಕ್ರಮದಿಂದ ಒಟ್ಟಾರೆ ಬಂದ ಹಣ 60 ಲಕ್ಷ ಎಂದು ಹೇಳಲಾಗಿದೆ. ಹಾಗ್ನೋಡಿದ್ರೆ, ಬಹುಮಾನದಿಂದ ಬಂದ ಹಣ 25 ಲಕ್ಷ. ಸಂಭಾವನೆ ರೂಪದಲ್ಲಿ ಸಿಕ್ಕಿದ ಹಣ 60 ಲಕ್ಷ. ಒಟ್ಟು 85 ಲಕ್ಷ ಅಭಿಜೀತ್‌ಗೆ ಕೈ ಸೇರಿದೆ.

Recommended Video

S Narayan ಗೆ ಗೌರವ ಡಾಕ್ಟರೇಟ್ | Filmibeat Kannada

ಎರಡನೇ ಇನ್ನಿಂಗ್ಸ್ ಆರಂಭಿಸುವ ಆಸೆ

ಬಿಗ್ ಬಾಸ್ ಗೆದ್ದ ಬಳಿಕ ಸಂತಸ ಹಂಚಿಕೊಂಡ ನಟ ಅಭಿಜೀತ್, ನನ್ನ ಮೊದಲ ಸಿನಿಮಾ 'ಲೈಫ್ ಈಸ್ ಬ್ಯೂಟಿಫುಲ್' ತೆರೆಕಂಡು ಏಂಟು ವರ್ಷ ಕಳೆದಿದೆ. ಕ್ರಿಕೆಟ್‌ ಆಟದಲ್ಲಿ ಎರಡು ಇನ್ನಿಂಗ್ಸ್ ಇರುತ್ತದೆ. ನನ್ನ ಕೆರಿಯರ್‌ನಲ್ಲೂ ಎರಡು ಇನ್ನಿಂಗ್ಸ್ ಇದೆ ಎಂದು ನಂಬಿದ್ದೇನೆ. ಈಗ ಎರಡನೇ ಇನ್ನಿಂಗ್ಸ್ ಶುರು ಮಾಡುವ ನಂಬಿಕೆ ಇದೆ'' ಎಂದು ಸಂತಸ ವ್ಯಕ್ತಪಡಿಸಿದ್ದಾರೆ.