'ಬಿಗ್ ಬಾಸ್ ಕನ್ನಡ-6': ಈ ಬಾರಿ ದೊಡ್ಮನೆ ಸೇರುವವರ ಸಂಭಾವ್ಯ ಪಟ್ಟಿ ಇಲ್ಲಿದೆ

ಪ್ರೇಮ ಕುಮಾರಿ

ಪ್ರೇಮ ಕುಮಾರಿ ಯಾರಿಗ್ತಾನೆ ಗೊತ್ತಿಲ್ಲ ಹೇಳಿ.. ಪ್ರೇಮ ಕುಮಾರಿ ಎಂದ ಕೂಡಲೆ ಎಲ್ಲರಿಗೂ ಥಟ್ ಅಂತ ನೆನಪಾಗುವ ಹೆಸರು ಬಿಜೆಪಿ ಪಕ್ಷದ ನಾಯಕ ಎಸ್.ಎ.ರಾಮದಾಸ್. ಪ್ರೇಮ ಕುಮಾರ್-ರಾಮದಾಸ್ ಪ್ರೇಮ ಪ್ರಕರಣ, ರಂಪಾಟ, ರಾದ್ಧಾಂತ ಕರ್ನಾಟಕದ ಮೂಲೆ ಮೂಲೆಯಲ್ಲೂ ಸದ್ದು ಮಾಡಿದೆ. ವಿವಾದದಿಂದಲೇ ಗುರುತಿಸಿಕೊಂಡಿರುವ ಪ್ರೇಮ ಕುಮಾರಿ ಹೆಸರು 'ಬಿಗ್ ಬಾಸ್ ಕನ್ನಡ-6' ಸಂಭಾವ್ಯ ಪಟ್ಟಿಯಲ್ಲಿ ಇದ್ಯಂತೆ.

ರಾಮದಾಸ್ ಅವರೇ ನನ್ನ ಗಂಡ ಎಂದ ಪ್ರೇಮಕುಮಾರಿ!

ಕುರಿ ಪ್ರತಾಪ್

'ಬಿಗ್ ಬಾಸ್' ಮನೆ ಅಂದ್ಮೇಲೆ, ಅಲ್ಲಿ ಮನರಂಜನೆ, ಆಟ, ಹರಟೆ ಎಲ್ಲವೂ ಇರಲೇಬೇಕು ಅಲ್ವೇ.? ಹೀಗಾಗಿ, ಈ ಬಾರಿ ಕುರಿ ಪ್ರತಾಪ್ ರನ್ನ 'ಬಿಗ್ ಬಾಸ್' ಮನೆಯೊಳಗೆ ಕಳುಹಿಸುವ ಯೋಚನೆ ಕಲರ್ಸ್ ಕನ್ನಡ ವಾಹಿನಿಯವರಿಗೆ ಇದ್ಯಂತೆ. ಹೇಳಿ ಕೇಳಿ, 'ಮಜಾ ಟಾಕೀಸ್' ಕಾರ್ಯಕ್ರಮದಲ್ಲಿ ಎಲ್ಲರನ್ನ ನಕ್ಕು-ನಲಿಸುವುದರಲ್ಲಿ ಕುರಿ ಪ್ರತಾಪ್ ಎತ್ತಿದ ಕೈ. 'ಬಿಗ್ ಬಾಸ್' ಶೋನಲ್ಲೂ ಕುರಿ ಪ್ರತಾಪ್ ಹಾಸ್ಯದ ಹೊನಲನ್ನು ಹರಿಸುತ್ತಾರಾ.? ನೋಡಬೇಕು.

ಶುಭ ಪೂಂಜಾ

ಕನ್ನಡ ಚಿತ್ರರಂಗದಲ್ಲಿ ಖ್ಯಾತಿ ಪಡೆದಿರುವ ನಟಿ ಶುಭಾ ಪೂಂಜಾ ಹೆಸರು 'ಬಿಗ್ ಬಾಸ್ ಕನ್ನಡ-6' ಕಾರ್ಯಕ್ರಮದ ಸಂಭಾವ್ಯ ಪಟ್ಟಿಯಲ್ಲಿ ಇದ್ಯಂತೆ. 'ಬಿಗ್ ಬಾಸ್' ಮನೆಯೊಳಗೆ ಹೋಗಲು ಶುಭಾ ಪೂಂಜಾ ಒಪ್ಪಿಕೊಳ್ತಾರಾ.?

ತುಳಸಿ ಪ್ರಸಾದ್

ಶ್ರುತಿ ಇಲ್ಲದೆ ಕನ್ನಡ ಹಾಡುಗಳನ್ನ ಸೋಷಿಯಲ್ ಮೀಡಿಯಾದಲ್ಲಿ ಹೇಗಂದ್ರೆ ಹಾಗೆ ಹಾಡಿ, ಫೇಮಸ್ ಆಗಿ ಕಡೆಗೆ ಇನ್ಮುಂದೆ ಹಾಡುಗಳನ್ನ ಕೆಟ್ಟದಾಗಿ ಹಾಡಲ್ಲ ಎಂದು ಕ್ಷಮೆ ಕೇಳಿದ್ದ ತುಳಸಿ ಪ್ರಸಾದ್ ಈ ಬಾರಿ 'ಬಿಗ್ ಬಾಸ್' ಮನೆಗೆ ಬರುವ ಸಾಧ್ಯತೆ ಇದೆ.

ಶಾಲಿನಿ ಗೌಡ

ಚಂದನ್ ಶೆಟ್ಟಿ ಸಂಗೀತ ಸಂಯೋಜನೆಯ 'ಟಕಿಲ' ಹಾಡಲ್ಲಿ ಸೊಂಟ ಬಳುಕಿಸಿರುವ ಚೆಲುವೆ ಶಾಲಿನಿ ಗೌಡ 'ಬಿಗ್ ಬಾಸ್ ಕನ್ನಡ-6' ಕಾರ್ಯಕ್ರಮಕ್ಕೆ ಬಂದರೆ ಅಚ್ಚರಿ ಇಲ್ಲ.

ಟೆನ್ನಿಸ್ ಕೃಷ್ಣ

ಸದ್ಯಕ್ಕೆ ಕಾಮಿಡಿ ಕಿಲಾಡಿಗಳು ಚಾಂಪಿಯನ್ ಶಿಪ್ ರಿಯಾಲಿಟಿ ಶೋನಲ್ಲಿ ಬಿಜಿಯಾಗಿರುವ ಟೆನ್ನಿಸ್ ಕೃಷ್ಣ ಹೆಸರು 'ಬಿಗ್ ಬಾಸ್ ಕನ್ನಡ-6' ಸ್ಪರ್ಧಿಗಳ ಪಟ್ಟಿಯಲ್ಲಿ ಇದೆ ಎನ್ನಲಾಗಿದೆ.

ಸುಮನ್ ರಂಗನಾಥ್

ಆಗೊಮ್ಮೆ ಈಗೊಮ್ಮೆ ಸ್ಯಾಂಡಲ್ ವುಡ್ ನಲ್ಲಿ ಕಾಣಿಸಿಕೊಳ್ಳುವ ಸುಮನ್ ರಂಗನಾಥ್ 'ಬಿಗ್ ಬಾಸ್' ಮನೆಗೆ ಹೋಗ್ತಾರಾ.? ಇನ್ನೂ ಪಕ್ಕಾ ಆಗಿಲ್ಲ. ಆದ್ರೆ, ಅವರ ಹೆಸರು ಕೇಳಿ ಬರ್ತಿರೋದು ನಿಜ.

ಶಂಕರೇ ಗೌಡ

ಐದು ರೂಪಾಯಿ ಡಾಕ್ಟರ್ ಎಂದೇ ಖ್ಯಾತಿ ಪಡೆದಿರುವ ಮಂಡ್ಯದ ಶಂಕರೇ ಗೌಡ 'ಬಿಗ್ ಬಾಸ್' ಮನೆಯೊಳಗೆ ಬರ್ತಾರಾ.? ಕಾದು ನೋಡಬೇಕು.

ಹೇಮಲತಾ

ಉದಯ ಟಿವಿಯಲ್ಲಿ ವಿ.ಜೆ ಆಗಿ, ಕನ್ನಡ ಸಿನಿಮಾಗಳಲ್ಲೂ ಅಭಿನಯಿಸಿರುವ ಹೇಮಲತಾ 'ಬಿಗ್ ಬಾಸ್ ಕನ್ನಡ-6' ಕಾರ್ಯಕ್ರಮದಲ್ಲಿ ಕಂಪೀಟ್ ಮಾಡ್ತಾರೆ ಎನ್ನಲಾಗಿದೆ.

ಪದೇ ಪದೇ ಕೇಳಿ ಬರುತ್ತಿರುವ ಹೆಸರುಗಳು...

ಗಡ್ಡಪ್ಪ, ವಿಜಯಲಕ್ಷ್ಮಿ, ಒಗ್ಗರಣೆ ಡಬ್ಬಿ ಮುರಳಿ ಹಾಗೂ ನಟಿ ಪ್ರೇಮ 'ಬಿಗ್ ಬಾಸ್' ಶೋನಲ್ಲಿ ಪಾಲ್ಗೊಳ್ತಾರೆ ಅಂತ ಕಳೆದ ಎರಡ್ಮೂರು ಸೀಸನ್ ಗಳಿಂದಲೂ ಸುದ್ದಿ ಆಗುತ್ತಿದೆ. ಈ ಬಾರಿ ಇದು ನಿಜ ಆಗುತ್ತಾ.?

ಯಾವುದೂ ಗ್ಯಾರೆಂಟಿ ಇಲ್ಲ.!

ಇವರೆಲ್ಲರ ಜೊತೆಗೆ ನಟ ಅನಿರುದ್ಧ್, ಶಿವರಾಜ್ ಕೆ.ಆರ್.ಪೇಟೆ, 'ಪುಟ್ಟಗೌರಿ ಮದುವೆ' ಖ್ಯಾತಿಯ ರಂಜನಿ ಹೆಸರುಗಳೂ ಕೇಳಿಬರುತ್ತಿವೆ. ಆದ್ರೆ, 'ಬಿಗ್ ಬಾಸ್' ಮನೆಯೊಳಗೆ ಹೋಗುವವರೆಗೂ ಯಾವುದೂ ಗ್ಯಾರೆಂಟಿ ಇಲ್ಲ. ಯಾಕಂದ್ರೆ, 'ಇವರೇ' ಹೋಗ್ತಾರೆ ಅಂತ ಚಾನೆಲ್ ನವರೂ ಹೇಳಲ್ಲ. ಸ್ಪರ್ಧಿಗಳು ಕೂಡ ಹೇಳುವ ಹಾಗಿಲ್ಲ.

ಕಾಮೆಂಟ್ ಮಾಡಿ...

'ಬಿಗ್ ಬಾಸ್ ಕನ್ನಡ-6' ಕಾರ್ಯಕ್ರಮದಲ್ಲಿ ನೀವು ಯಾರನ್ನ ನೋಡಲು ಬಯಸುತ್ತಿದ್ದೀರಾ.? ನಿಮ್ಮ ಅಭಿಪ್ರಾಯವನ್ನು ನಮಗೆ ತಿಳಿಸಿ... ಕೆಳಗಿರುವ ಕಾಮೆಂಟ್ ಬಾಕ್ಸ್ ನಲ್ಲಿ..