Don't Miss!
- News Rain Alert: ಮಳೆ.. ಮಳೆ.. ಈ ಜಿಲ್ಲೆಗಳಲ್ಲಿ ಭರ್ಜರಿ ಮಳೆ ಗ್ಯಾರಂಟಿ!
- Lifestyle ಮಳೆ ನಿರೀಕ್ಷೆಯಲ್ಲಿದ್ದವರಿಗೆ ಶಾಕ್ ಕೊಟ್ಟ ಹವಾಮಾನ ಇಲಾಖೆ..!
- Automobiles Tata: ಒಬ್ಬರೇ ಬಂದು 2 ಸಾವಿರ ಟಾಟಾ ಎಲೆಕ್ಟ್ರಿಕ್ ಕಾರುಗಳನ್ನು ಖರೀದಿಸಿ ಹೋಗಿಬಿಟ್ಟರು!
- Technology ಮೇ 1 ರಂದು ವಿವೋ T3x 5G ಮೊಬೈಲ್ ಮತ್ತೆ ಖರೀದಿಗೆ ಲಭ್ಯ!..ಅಗ್ಗದ ಬೆಲೆ ಇದೆ!
- Finance ಒಂದೆರಡಲ್ಲ ಒಂಬತ್ತು ಬಾರಿ ಉದ್ಯಮದಲ್ಲಿ ವಿಫಲತೆ, ಮಾನಸಿಕ ಖಿನ್ನತೆ ಸವಾಲುಗಳನ್ನು ಮೆಟ್ಟಿ ನಿಂತ ಉದ್ಯಮಿ
- Sports IPL 2024: ಎಸ್ಆರ್ಹೆಚ್ ಸಂಘಟಿತ ಆಟಕ್ಕೆ ಬ್ರೇಕ್ ಹಾಕಲು ಆರ್ಸಿಬಿ ಏನು ಮಾಡಬೇಕು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಜನವರಿ 11ಕ್ಕೆ 'ಜೀ ಕುಟುಂಬ ಅವಾರ್ಡ್ಸ್ 2013'
ತನ್ನ ವಿಭಿನ್ನ ಕಾರ್ಯಕ್ರಮಗಳಿಂದ ಕನ್ನಡಿಗರ ಮನೆಮಾತಾದ ಕನ್ನಡ ಕಣ್ಮಣಿ ಜೀ ಕನ್ನಡ ವಾಹಿನಿ ಈಗ ಮತ್ತೊಂದು ಬೃಹತ್ ಸಂಭ್ರಮಕ್ಕೆ ಅಣಿಯಾಗುತ್ತಿದೆ. ಸತತ ಮೂರು ವರ್ಷಗಳಿಂದ ಆಚರಿಸಿಕೊಂಡು ಬರುತ್ತಿರುವ 'ಜೀ ಕುಟುಂಬ ಅವಾರ್ಡ್ಸ್' ಈ ವರ್ಷವನ್ನು ಮತ್ತಷ್ಟು ವರ್ಣರಂಜಿತವಾಗಿ ಆಚರಿಸಲು ಸಜ್ಜಾಗಿದೆ.
ಜನವರಿ 10 ಹಾಗೂ 11ರಂದು 'ಜೀ ಕುಟುಂಬ ಅವಾರ್ಡ್ಸ್' ಕಾರ್ಯಕ್ರಮ ನಡೆಯಲಿದೆ. ಜೀ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗುತ್ತಿರುವ ಧಾರಾವಾಹಿಗಳು, ರಿಯಾಲಿಟಿ ಶೋಗಳು ಮತ್ತು ಇತರೆ ಕಾರ್ಯಕ್ರಮ ವಿಭಾಗಗಳಲ್ಲಿ 22 ಪ್ರಶಸ್ತಿಗಳನ್ನು ನೀಡಿ ಗೌರವಿಸಲಾಗುತ್ತಿದೆ.
ಹದಿನಾಲ್ಕು ವಿಭಾಗಗಳ ಪ್ರಶಸ್ತಿಗಳನ್ನು ತೀರ್ಪುಗಾರರು ಆಯ್ಕೆ ಮಾಡಲಿದ್ದು ಉಳಿದ ಎಂಟು ವಿಭಾಗದ ಪ್ರಶಸ್ತಿಗಳನ್ನು ಎಸ್ಎಂಎಸ್ ಮೂಲಕ ಆಯ್ಕೆ ಮಾಡಲಾಗುತ್ತದೆ. ಈ ಬಾರಿಯ ತೀರ್ಪುಗಾರರು ಪ್ರಣಯರಾಜ ಶ್ರೀನಾಥ್, ತಾರಾ, ಸುಧಾರಾಣಿ, ಸಂಜು ತಗಡೂರು ಹಾಗೂ ಖ್ಯಾತ ಲೇಖಕ, ಪತ್ರಕರ್ತ ಗಿರೀಶ್ ರಾವ್ ಉರುಫ್ ಜೋಗಿ.
ಶ್ರೇಷ್ಠ ಅಪ್ಪ, ಶ್ರೇಷ್ಠ ಅಮ್ಮ, ಅತ್ಯುತ್ತಮ ಕಳ್ಳ, ಅತ್ಯುತ್ತಮ ಕಳ್ಳಿ, ಅತ್ಯುತ್ತಮ ನಿರ್ದೇಶಕ, ಅತ್ಯುತ್ತಮ ಸಂಕಲನ, ಅತ್ಯುತ್ತಮ ಛಾಯಾಗ್ರಹಣ, ಅತ್ಯುತ್ತಮ ಸಂಭಾಷಣೆ, ಅತ್ಯುತ್ತಮ ಚಿತ್ರಕಥೆ, ಅತ್ಯುತ್ತಮ ಚೊಚ್ಚಲ ನಟ, ಅತ್ಯುತ್ತಮ ಚೊಚ್ಚಲ ನಟಿ, ಶ್ರೇಷ್ಠ ಬಾಲ ಕಲಾವಿದ, ವಿಶೇಷ ಪ್ರಶಸ್ತಿ ಹಾಗೂ ಜೀವಮಾನ ಸಾಧನೆ ಪ್ರಶಸ್ತಿಗಳನ್ನು ತೀರ್ಪುಗಾರರು ಆಯ್ಕೆ ಮಾಡಲಿದ್ದಾರೆ.
ಶ್ರೇಷ್ಠ ಮಗ, ಶ್ರೇಷ್ಠ ಮಗಳು, ಶ್ರೇಷ್ಠ ಹಾಸ್ಯ ನಟ, ಶ್ರೇಷ್ಠ ಹಾಸ್ಯ ನಟಿ, ಅತ್ಯುತ್ತಮ ನಿರೂಪಣೆ, ಅತ್ಯುತ್ತಮ ನಾನ್ ಫಿಕ್ಷನ್ ಶೋ, ಅತ್ಯುತ್ತಮ ಜೋಡಿ ಹಾಗೂ ಅತ್ಯುತ್ತಮ ಕುಟುಂಬ ಪ್ರಶಸ್ತಿಗಳನ್ನು ಎಸ್ಎಂಎಸ್ ಮೂಲಕ ಆಯ್ಕೆ ಮಾಡಲಾಗುತ್ತದೆ.
ಜೀ ಕನ್ನಡ ವಾಹಿನಿಯ ಕುಟುಂಬ ಅವಾರ್ಡ್ಸ್ 2013ರ ಬಣ್ಣ, ಬೆಳಕು, ನೃತ್ಯ ವೈಭವ ಜೊತೆಗೆ ಮುಗಿಲು ಮುಟ್ಟಿದ ಪ್ರಶಸ್ತಿ ಸಂಭ್ರಮವನ್ನು ಶನಿವಾರ (ಜ.11) ಬಸವನಗುಡಿ ನ್ಯಾಶನಲ್ ಕಾಲೇಜು ಮೈದಾನದಲ್ಲಿ ಕಣ್ತುಂಬಿಕೊಳ್ಳಬಹುದು. (ಒನ್ಇಂಡಿಯಾ ಕನ್ನಡ)