'ಟಗರು' ಚಿತ್ರದಲ್ಲಿ ನನ್ನ ಪಾತ್ರ ತುಂಬ ಚಿಕ್ಕದು ಅನಿಸಿತು ಎಂದ ವಸಿಷ್ಟ!

'ಟಗರು' ಸಿನಿಮಾದಲ್ಲಿ ನಿಮ್ಮ ಚಿಟ್ಟೆ ಪಾತ್ರ ತುಂಬ ಚಿಕ್ಕದು ಅನಿಸಿದೆಯಾ?

ವಸಿಷ್ಟ ಉತ್ತರ : ''ಹೌದು. 'ಟಗರು' ಸಿನಿಮಾದಲ್ಲಿ ನಾನು ನಟನೆ ಮಾಡಿದ್ದ ಚಿಟ್ಟೆ ಪಾತ್ರ ಚಿಕ್ಕದು ಅನಿಸಿತು.''

ನೀವು ವಿಲನ್ ಆಗಿರುವ ಸಿನಿಮಾದಲ್ಲಿ ಯಾವ ನಟಿಯ ಐಟಂ ಸಾಂಗ್ ಇರಬೇಕು?

ವಸಿಷ್ಟ ಉತ್ತರ : ''ಕನ್ನಡ ನಟಿ ಆದರೆ ರಚಿತಾ ರಾಮ್, ಬಾಲಿವುಡ್ ನಟಿ ಆದರೆ ನನ್ನ ಫೇವರೇಟ್ ನಟಿ ಬಿಪಾಶ ಬಸು ಅವರ ಐಟಂ ಸಾಂಗ್ ಇರಬೇಕು. ರಚಿತಾ ರಾಮ್ ಐಟಂ ಸಾಂಗ್ ಮಾಡಲು ಆಕಸ್ಮಾತ್ ಒಪ್ಪದಿದ್ದರೆ ನಾನು ಒಪ್ಪಿಸುತ್ತೇನೆ.''

ನೀವು ಈ ಹಂತಕ್ಕೆ ಬರುವುದಕ್ಕೆ ಮೂರು ಕಾರಣ ಏನು ?

ವಸಿಷ್ಟ ಉತ್ತರ : ''ಮೊದಲನೆದು ನನ್ನ ವಾಯ್ಸ್. ಎರಡನೇದಾಗಿ ನನ್ನ ಆತ್ಮವಿಶ್ವಾಸ. ನನ್ನ ಬಗ್ಗೆ ನನಗೆ ಹೆಚ್ಚು ನಂಬಿಕೆ ಇದೆ. ಮೂರನೇದು ನನ್ನ ಸ್ನೇಹಿತರ ಸಹಾಯ, ನಾನು ಕೆಲಸ ಬಿಟ್ಟು ಸಿನಿಮಾ ಪ್ರಯಾಣ ಶುರು ಮಾಡಿದಾಗ ನನ್ನ ಸ್ನೇಹಿತರು ತುಂಬ ಸಹಾಯ ಮಾಡಿದರು. ಅವರ ಸಹಾಯ ಇಲ್ಲ ಅಂದಿದ್ದರೆ ಇವತ್ತು ನಾನು ಇಲ್ಲಿ ಇರುತ್ತಿರಲಿಲ್ಲ''

ಇನ್ನೂ ಐದು ವರ್ಷ ಆದ ಮೇಲೆ ನಿಮ್ಮ ಕೆರಿಯರ್ ಗ್ರಾಫ್ ಹೇಗಿರುತ್ತದೆ?

ವಸಿಷ್ಟ ಉತ್ತರ : ''ಐದು ವರ್ಷ ಆದ ಮೇಲೆ ನಾನು ಒಬ್ಬ ನಟನಾಗಿ ಆಲ್ ಓವರ್ ಇಂಡಿಯಾ ಗುರುತಿಸಿಕೊಂಡಿರುತ್ತೇನೆ.''

ನಿಮ್ಮ ಹೆಂಡತಿಯಾಗಿ ಬರುವವರಿಗೆ ಇರಬೇಕಾದ ಮೂರು ಅರ್ಹತೆಗು ಏನು ?

ವಸಿಷ್ಟ ಉತ್ತರ : ''ಆಕೆಯ ಕಣ್ಣು, ಮೂಗು, ಬಾಯಿ ಜೊತೆಗೆ ಮುಖ್ಯವಾಗಿ ನಗು ತುಂಬ ಚೆನ್ನಾಗಿ ಇರಬೇಕು. ಮನೆಯಲ್ಲಿ ಒಳ್ಳೆಯ ವೆಜ್ ಅಡುಗೆ ಮಾಡಿ ಕೊಡಬೇಕು. ನನಗೆ ಚಿಕ್ಕವಯಸ್ಸಿನಿಂದ ಹಾಡು ಕೇಳುವ ಆಸೆ ಇದೆ. ಅದಕ್ಕೆ ಅವಳಿಗೆ ಸಹ ಹಾಡು ಕೇಳುವುದಕ್ಕೆ ಬರಬೇಕು.