ಅಶ್ಲೀಲತೆಯ ಅನಾಡಿಗಳಾದ 'ಕಾಮಿಡಿ ಕಿಲಾಡಿಗಳು': ಬೇಸರಗೊಂಡ ವೀಕ್ಷಕರು.!

'ಕಾಮಿಡಿ ಕಿಲಾಡಿಗಳು' ಶೀರ್ಷಿಕೆಯನ್ನು ಬದಲಾಯಿಸಿ.!

'ಕಾಮಿಡಿ ಕಿಲಾಡಿಗಳು' ಕಾರ್ಯಕ್ರಮವನ್ನ ತಪ್ಪದೆ ನೋಡುವ ವೀಕ್ಷಕರೊಬ್ಬರು ಮಾಡಿರುವ ಕಾಮೆಂಟ್ ಇದು. ಶೋನಲ್ಲಿ ಅಶ್ಲೀಲತೆ ಹೆಚ್ಚಾಗಿರುವುದರಿಂದ ''ಕಾರ್ಯಕ್ರಮಕ್ಕೆ 'ಅಶ್ಲೀಲತೆಯ ಅನಾಡಿಗಳು' ಶೀರ್ಷಿಕೆ ಸೂಕ್ತ ಅನ್ಸುತ್ತೆ'' ಎಂದು ವೀಕ್ಷಕರೊಬ್ಬರು ಅಭಿಪ್ರಾಯ ಪಟ್ಟಿದ್ದಾರೆ.

ಸ್ವಂತಿಕೆ ಕಳೆದುಕೊಳ್ಳುತ್ತಿರುವ ಕಾರ್ಯಕ್ರಮ.!

ತೆಲುಗು ಚಾನೆಲ್ ನಲ್ಲಿ ಬರುವ ಜಬರ್ದಸ್ತ್ ಹಾಗೂ ಎಕ್ಸ್ಟ್ರಾ ಜಬರ್ದಸ್ತ್ ಕಾರ್ಯಕ್ರಮದ ನಕಲು ಅಂತೆ ಈ 'ಕಾಮಿಡಿ ಕಿಲಾಡಿಗಳು' ಕಾರ್ಯಕ್ರಮ. ಹಾಗಂತ ವೀಕ್ಷಕರೊಬ್ಬರು ಕಾಮೆಂಟ್ ಮಾಡಿ, ಸ್ವಂತಿಕೆ ರೂಪಿಸಿಕೊಳ್ಳಿ ಎಂದು ಕೇಳಿಕೊಂಡಿದ್ದಾರೆ.

ತಗಡು ಕಾನ್ಸೆಪ್ಟ್ ಅಂತೆ.!

'''ಕಾಮಿಡಿ ಕಿಲಾಡಿಗಳು' ಕಾರ್ಯಕ್ರಮದಲ್ಲಿ ಬರುವ ತಗಡು ಕಾನ್ಸೆಪ್ಟ್ ಗಳನ್ನ ತುಂಬು ಕುಟುಂಬದ ಸದಸ್ಯರು ನೋಡೋಕೆ ಮುಜುಗರ ಆಗುತ್ತೆ'' ಅಂತ ವೀಕ್ಷಕರೊಬ್ಬರು ಕಾಮೆಂಟ್ ಮಾಡಿದ್ದಾರೆ.

ಮೊದಮೊದಲು ಚೆನ್ನಾಗಿತ್ತು.!

''ಮೊದಮೊದಲು ಚೆನ್ನಾಗಿತ್ತು. ಆದ್ರೆ, ಈ ನಡುವೆ ಸ್ಕಿಟ್ ಗಳಲ್ಲಿ ಡಬಲ್ ಮೀನಿಂಗ್, ತಬ್ಬಿಕೊಳ್ಳುವುದು, ಗಂಡಸರು ಗಂಡಸರಿಗೆ ಮುತ್ತು ಕೊಡುವುದು ಹೆಚ್ಚಾಗಿದೆ'' ಎಂಬುದು ವೀಕ್ಷಕರ ಅಭಿಪ್ರಾಯ.

ಅಶ್ಲೀಲತೆ ಬೇಡ

''ಗಂಡಸರಿಗೆ ಹೆಂಗಸರ ವೇಷ ಹಾಕಿಸಬೇಡಿ. ಅಶ್ಲೀಲತೆ ಬೇಡ. ಇದು ಹೀಗೆ ಮುಂದುವರೆದರೆ, ಕಾರ್ಯಕ್ರಮಕ್ಕೆ ಕೆಟ್ಟ ಹೆಸರು'' ಅಂತಿದ್ದಾರೆ ವೀಕ್ಷಕರು.

ಈಗಲಾದರೂ ಎಚ್ಚರ ವಹಿಸಿದರೆ..

ಕಳೆದ ವರ್ಷ 'ಕಾಮಿಡಿ ಕಿಲಾಡಿಗಳು' ಕಾರ್ಯಕ್ರಮಕ್ಕೆ ಭೇಷ್ ಎಂದ ಜನತೆ ಈಗ ಅದೇ ಕಾರ್ಯಕ್ರಮದ ಬಗ್ಗೆ ಅಸಮಾಧಾನ ವ್ಯಕ್ತಪಡಿಸುತ್ತಿದ್ದಾರೆ. ವೀಕ್ಷಕರ ಅಭಿಪ್ರಾಯವನ್ನ ಪರಿಗಣಿಸಿ 'ಕಾಮಿಡಿ ಕಿಲಾಡಿಗಳು' ಕಾರ್ಯಕ್ರಮದ ಕ್ವಾಲಿಟಿ ಬಗ್ಗೆ ಜೀ ಕನ್ನಡ ವಾಹಿನಿ ಎಚ್ಚರ ವಹಿಸಿದರೆ, ಶೋಗೆ ಒಳ್ಳೆಯ ಹೆಸರು.!