'ಮರಿ ರಾಕಿಂಗ್ ಸ್ಟಾರ್' ಯಾವಾಗ ಎಂದು ಕೇಳಿದ್ದ ಅಮ್ಮನಿಗೆ ಯಶ್ ಸಿಹಿ ಸುದ್ದಿ

ಯಶ್ ಪ್ಲಾನಿಂಗ್ ಏನು.?

ಅಮ್ಮನ ಪ್ರಶ್ನೆಗೆ ಉತ್ತರ ಕೊಟ್ಟ 'ರಾಜಾಹುಲಿ, ''ನಾವಿಬ್ಬರೂ ಏಳು ವರ್ಷ ರಿಲೇಷನ್ ಶಿಪ್ ನಲ್ಲಿದ್ವಿ. ಆಗ ಕಲಾವಿದರು. ಪಬ್ಲಿಕ್ ಆಗಿ ಎಲ್ಲೂ ಓಡಾಡೋಕೆ ಆಗಿಲ್ಲ. ಏಲ್ಲೂ ಹೋಗೋಕು ಆಗಲ್ಲಿಲ್ಲ. ಇಬ್ಬರಿಗೂ ಘನತೆ ಕಾಪಾಡಿಕೊಳ್ಳಬೇಕು ಎಂಬುದು ಮನಸ್ಸಲ್ಲಿತ್ತು. ನಮ್ಮ ಮನೆಯವರ ಜೊತೆ, ಕುಟುಂದವರು ಜೊತೆ ಇರ್ತಿದ್ವಿ'' - ಯಶ್

ಎರಡು ವರ್ಷ ಆರಾಮಾಗಿರೋಣ

''ಆದ್ರೆ, ಮದುವೆ ಆದ್ಮೇಲೆ ರಾಜಾರೋಷವಾಗಿ ಎಲ್ಲಾ ಕಡೆ ಸುತ್ತಬಹುದು, ಓಡಾಡಬಹುದು ಎಂಬ ಧೈರ್ಯ ಬಂತು. ಆಗ ಇಬ್ಬರಲ್ಲೂ ಒಂದು ಚರ್ಚೆ ಆಯ್ತು. ಎರಡು ವರ್ಷ ಆರಾಮಾಗಿ ಇರೋಣ. ಸುತ್ತಾಡೋಣ. ಆಮೇಲೆ ಪ್ಲಾನ್ ಮಾಡೋಣ ಅಂತ ನಿರ್ಧಾರ ಮಾಡಿದ್ವಿ'' - ಯಶ್

ಒತ್ತಡ ಹೆಚ್ಚಾಗುತ್ತಿದೆ

''ಈಗ ನನಗೆ ಒತ್ತಡವಿದೆ. ನನ್ನ ತಾಯಿ, ಸಂಬಂಧಿಕರು ಎಲ್ಲರು ಕೇಳ್ತಿದ್ದಾರೆ. ಆದ್ರೂ ನನಗೆ ಸಂಕೋಚ. ಎಲ್ಲೂ ಚರ್ಚೆ ಮಾಡೋಕು ಆಗಲ್ಲ. ಹೋಗ್ಲಿ ಬಿಡಿ, ನಮ್ಮಮ್ಮ ಸರಿಯಾದ ಜಾಗದಲ್ಲೇ ಕೇಳಿದ್ದಾರೆ.....ಆದಷ್ಟೂ ಬೇಗ....ಸದ್ಯಕ್ಕೆ ಅಷ್ಟೇ ಹೇಳೋದು...''ಎಂದು ಯಶ್ ನಕ್ಕರು.

ಮದುವೆ ಆಗಿ ಒಂದೂವರೆ ವರ್ಷ

ಅಂದ್ಹಾಗೆ, ನಟ ಯಶ್ ಮತ್ತು ರಾಧಿಕಾ ಪಂಡಿತ್ ಮದುವೆ ಆಗಿ ಒಂದೂವರೆ ವರ್ಷ ಆಗಿದೆ. 2016ರ ಡಿಸೆಂಬರ್ 9 ರಂದು 'ಮಿಸ್ಟರ್ ಅಂಡ್ ಮಿಸಸ್ ರಾಮಾಚಾರಿ' ವೈವಾಹಿಕ ಜೀವನಕ್ಕೆ ಕಾಲಿಟ್ಟಿದ್ದರು. ಗೋವಾದಲ್ಲಿ ನಿಶ್ಚಿತಾರ್ಥ ಮಾಡಿಕೊಂಡಿದ್ದ ಈ ಜೋಡಿ ಬೆಂಗಳೂರಿನಲ್ಲಿ ಮದುವೆ ಆಗಿದ್ದರು.