TRP Fight: ದಾಖಲೆ ನಿರ್ಮಿಸಿದ ಜೀ ಕನ್ನಡ, ಕಲರ್ಸ್ ಕನ್ನಡಕ್ಕೆ ಎಚ್ಚರಿಕೆ.!

ಹೊಸ ವರ್ಷದಲ್ಲಿ ದಾಖಲೆ ನಿರ್ಮಿಸಿದ ಜೀ ಕನ್ನಡ

ಕನ್ನಡ ಕಿರುತೆರೆ ಇತಿಹಾಸದಲ್ಲಿ ಸುಮಾರು ವರ್ಷಗಳಿಂದ ನಂಬರ್ ವಾಹಿನಿಯಾಗಿ ಗುರುತಿಸಿಕೊಳ್ಳುತ್ತಿರುವುದು ಕಲರ್ಸ್ ಕನ್ನಡ. ಕಲರ್ಸ್ ವಾಹಿನಿಯನ್ನ ಹಿಂದಿಕ್ಕ ಬೇಕು ಎಂಬ ಛಲದಿಂದ ಜೀ ಕನ್ನಡ ಅನೇಕ ಭಾರಿ ಪ್ರಯತ್ನ ಮಾಡಿದೆ, ಆಗಿರಲಿಲ್ಲ. ಇದೀಗ, ಹೊಸ ವರ್ಷದ ಮೊದಲನೇ ವಾರವೇ ಹೊಸ ದಾಖಲೆ ನಿರ್ಮಿಸಿದೆ. ನಂಬರ್ ಸ್ಥಾನವನ್ನ ಕಲರ್ಸ್ ಕನ್ನಡ ವಾಹಿನಿಯಿಂದ ಜೀ ಕನ್ನಡ ಕಿತ್ತುಕೊಂಡಿದೆ.

ಮೊದಲ ವಾರದಲ್ಲಿ ಜೀ ಕನ್ನಡಕ್ಕೆ ಹೆಚ್ಚು ಅಂಕ

2019ನೇ ವರ್ಷದ ಮೊದಲ ವಾರದಲ್ಲಿ ಕಲರ್ಸ್ ಕನ್ನಡಕ್ಕಿಂತ ಜೀ ಕನ್ನಡ ಹೆಚ್ಚು ಟಿ.ಆರ್.ಪಿ ಅಂಕ ಪಡೆದುಕೊಂಡಿದೆ. ಕಲರ್ಸ್ ಕನ್ನಡ ಒಟ್ಟು ಅಂಕ 391735 ಪಡೆದುಕೊಂಡಿದ್ದರೇ, ಜೀ ಕನ್ನಡ 415697 ಅಂಕ ಪಡೆದು ಮೊದಲ ಸ್ಥಾನವನ್ನ ಅಲಂಕರಿಸಿದೆ.

ಎರಡನೇ ವಾರದ ಕಥೆಯೇನು?

ಇದು 2019ನೇ ವರ್ಷದ ಮೊದಲ ವಾರದ ಫಲಿತಾಂಶ. ಸಹಜವಾಗಿ ಜೀ ಕನ್ನಡ ವಾಹಿನಿಗೆ ಗೆಲುವು ಸಿಕ್ಕಿದೆ. ಈ ಗೆಲುವನ್ನ ಜೀ ಕನ್ನಡ ಉಳಿಸಿಕೊಳ್ಳುತ್ತಾ ಗೊತ್ತಿಲ್ಲ. ಬಟ್, ಇದು ಕಲರ್ಸ್ ಕನ್ನಡ ವಾಹಿನಿಗೆ ಎಚ್ಚರಿಕೆಯ ಗಂಟೆ ಎಂಬುದನ್ನ ಮರೆಯುವಂತಿಲ್ಲ. ಒಂದು ವಾರ ಹಿಂದೆ ಬಿದ್ದ ಕಾರಣ ಮತ್ತೆ ಹಠಕ್ಕೆ ಬಿದ್ದು ಮೊದಲ ಸ್ಥಾನವನ್ನ ಗಿಟ್ಟಿಸಿಕೊಳ್ಳಲು ಪಣ ತೊಟ್ಟಿರಬಹುದು. ಇದರ ಫಲಿತಾಂಶ ಕಾದು ನೋಡೋಣ.

ಕಲರ್ಸ್ ವಾಹಿನಿಯ ಮುಖ್ಯಕಾರ್ಯಕ್ರಮಗಳು

ಅಗ್ನಿಸಾಕ್ಷಿ, ರಾಧರಮಣ, ಪುಟ್ಟಗೌರಿ ಮದುವೆ, ಕುಲವಧು, ಲಕ್ಷ್ಮಿ ಬಾರಮ್ಮ, ಪದ್ಮಾವತಿ, ಶನಿ, ಮಹಾಕಾಳಿ, ಸೀತಾ ವಲ್ಲಭ, ಕಿನ್ನರಿ ಪ್ರತಿದಿನ ಪ್ರಸಾರವಾಗುವ ಜನಪ್ರಿಯ ಧಾರಾವಾಹಿಗಳು. ಇವುಗಳು ಜೊತೆ ಮಜಾ ಟಾಕೀಸ್, ಮಜಾ ವೀಕೆಂಡ್ ಶೋಗಳು ವಾರಾಂತ್ಯದಲ್ಲಿ ಕಿಕ್ ನೀಡುತ್ತಿವೆ.

ಜೀ ಕನ್ನಡ ಪ್ರಮುಖ ಕಾರ್ಯಕ್ರಮಗಳು

ಸುಬ್ಬಲಕ್ಷ್ಮಿ ಸಂಸಾ, ನಾಗಿಣಿ, ಯಾರೇ ನೀ ಮೋಹಿನಿ, ಶ್ರೀವಿಷ್ಣು ದಶಾವತಾರ, ಬ್ರಹ್ಮಗಂಟು, ಪಾರು, ಜೋಡಿಹಕ್ಕಿ, ಕಮಲಿ, ಗಂಗಾ ಧಾರಾವಾಹಿಗಳ ಜೊತೆ ಸರಿಗಮಪ 15 ಸಾಥ್ ನೀಡ್ತಿದೆ.

ಮೂರನೇ ಸ್ಥಾನದಲ್ಲಿ ಯಾರಿದ್ದಾರೆ?

ಜೀ ಕನ್ನಡ ಮತ್ತು ಕಲರ್ಸ್ ಕನ್ನಡ ನಂತರದ ಸ್ಥಾನಗಳಲ್ಲಿ ಪ್ರತಿವಾರದಂತೆ ಉದಯಟಿವಿ, ಉದಯ ಮೂವೀಸ್, ಸ್ಟಾರ್ ಸುವರ್ಣ ವಾಹಿನಿಗಳು ಸ್ಥಾನ ಪಡೆದುಕೊಂಡಿದೆ.