ಜೀ ಕನ್ನಡ ಬಿಗ್ ಶೋ 'ಲೈಫ್ ಸೂಪರ್ ಗುರೂ' ಶುರು

ನಾವು ಯಾರಿಗೂ ಕಮ್ಮಿಯಿಲ್ಲ ಎನ್ನುತ್ತಿದ್ದಾರೆ ಸೀನಿಯರ್ಸ್

ಎರಡೂ ವಯೋಮಾನದವರ ನಡುವಿನ ಅಂತರವನ್ನು ಅಳಿಸುವ ಪ್ರಯತ್ನ ಈ ಕಾರ್ಯಕ್ರಮದ ಪ್ರಮುಖ ಉದ್ದೇಶವಾಗಿದೆ. ಅಲ್ಲದೆ ವಯಸ್ಸಾವರೆಂದು ವಯೋವೃದ್ಧರನ್ನು ಮೂಲೆಗೆ ಕೂರಿಸದೆ, ಅವಕಾಶ, ಪ್ರೋತ್ಸಾಹ ನೀಡಿದರೆ ನಾವು ಯಾರಿಗೂ ಕಮ್ಮಿಯಿಲ್ಲ ಎಂದು ತೋರಿಸುವರು ಎಂದು ಸಮಾಜಕ್ಕೆ ಮನವರಿಕೆ ಮಾಡಿಕೊಡುವುದು ಕೂಡ ಇವರಿಂದಾಗಿದೆ.

ವಿಜೇತರಿಗೆ ರು.10 ಲಕ್ಷ ನಗದು ಬಹುಮಾನ

ಈ ರಿಯಾಲಿಟಿ ಶೋನಲ್ಲಿ ಕಿರಿಯರ ಪ್ರತಿನಿಧಿಯಾಗಿ ನಟ ಲೂಸ್ ಮಾದ ಯೋಗಿ ಹಾಗೂ ಹಿರಿಯರ ಪ್ರತಿನಿಧಿಯಾಗಿ ನಿರ್ದೇಶಕರ ಗುರುಪ್ರಸಾದ್ ಭಾಗವಹಿಸಿದ್ದಾರೆ. ಕಾರ್ಯಕ್ರಮವನ್ನು ನಡೆಸಿಕೊಡುವ ಹಾಗೂ ಎಲಿಮಿನೇಟ್ ಮಾಡುವ ಜವಾಬ್ದಾರಿ ಇವರದಾಗಿರುತ್ತದೆ. ಈ ರಿಯಾಲಿಟಿ ಶೋನಲ್ಲಿ ವಿಜೇತರಾದವರಿಗೆ ರು.10 ಲಕ್ಷಗಳ ನಗದು ಬಹುಮಾನ ಕೂಡ ಇದೆ.

ಶೋ ಬಗ್ಗೆ ವಿವರ ನೀಡಿದ ರಾಘವೇಂದ್ರ

ಈ ಕಾರ್ಯಕ್ರಮದ ಬಗ್ಗೆ ನಡೆದ ಪತ್ರಿಕಾಗೋಷ್ಠಿಯಲ್ಲಿ ಜೀ ವಾಹಿನಿಯ ಕಾರ್ಯಕ್ರಮ ಮುಖ್ಯಸ್ಥರಾದ ರಾಘವೇಂದ್ರ ಹುಣಸೂರು, 'ಲೈಫ್ ಸೂಪರ್ ಗುರೂ' ರಿಯಾಲಿಟಿ ಶೋನ ಸಂಪೂರ್ಣ ವಿವರಗಳನ್ನು ಪತ್ರಕರ್ತರಿಗೆ ನೀಡಿದರು.

ಹಿರಿ-ಕಿರಿಯರ ತಂಡಗಳ ಪ್ರತಿನಿಧಿಗಳು

ಹಿರಿ-ಕಿರಿಯರ ತಂಡಗಳ ಪ್ರತಿನಿಧಿಗಳಾದ ನಟ ಯೋಗಿ ಹಾಗೂ ಗುರುಪ್ರಸಾದ್ ಕೂಡ ಹಾಜರಿದ್ದು ತಮಗೊಪ್ಪಿಸಿದ ಈ ಜವಾಬ್ದಾರಿಯನ್ನು ಈ ಉತ್ಸಾಹಗಳೊಂದಿಗೆ ಸಮರ್ಥವಾಗಿ ನಿಭಾಯಿಸಿರುವುದಾಗಿ ಹೇಳಿಕೊಂಡರು.

ಇದೇ ನವೆಂಬರ್ 17ರಿಂದ ಶುರು ಗುರೂ

ಹಿರಿಯರು ಮತ್ತು ಕಿರಿಯರನ್ನು ಒಂದೇ ಮನೆಗೆ ಕರೆತರುತ್ತಿರುವ ಈ ಹೊಸ ತರಹದ ರಿಯಾಲಿಟಿ ಶೋ ಇದೇ ನವೆಂಬರ್ 17 ರಿಂದ ಪ್ರತಿದಿನ ಸೋಮವಾರದಿಂದ ಶುಕ್ರವಾರದವರೆಗೆ ರಾತ್ರಿ 8.00 ರಿಂದ 9.00 ರವರೆಗೆ ಪ್ರಸಾರವಾಗಲಿದೆ.