ಮೇ ತಿಂಗಳಾಂತ್ಯಕ್ಕೆ ಕರಾವಳಿ ಚೆಲುವೆ ಶಿಲ್ಪಾಗೆ ಡೆಲಿವರಿ

ಬಾಲಿವುಡ್ ಬೆಡಗಿ ಹಾಗೂ ಕರಾವಳಿ ಚೆಲುವೆ ಶಿಲ್ಪಾ ಶೆಟ್ಟಿ ತುಂಬು ಗರ್ಭಿಣಿ ಎಂಬುದು ಇಡೀ ಜಗತ್ತಿಗೆ ಗೊತ್ತಿರುವ ಸಂಗತಿ. ಆಕೆಯ ಡೆಲಿವರಿ ಡೇಟ್ ಯಾವಾಗ ಎಂದು ಆಕೆಯ ಅಭಿಮಾನಿಗಳು ಕಾತುರದಿಂದ ನಿರೀಕ್ಷಿಸುತ್ತಿದ್ದಾರೆ. ಈ ಬಗ್ಗೆ ಆಕೆಯ ಪತಿ ರಾಜ್ ಕುಂದ್ರಾ ಸುಳಿವು ನೀಡಿದ್ದು, ಶಿಲ್ಪಾರ ಡೆಲಿವರಿ ಡೇಟನ್ನು ಬಹಿರಂಗಪಡಿಸಿದ್ದಾರೆ.

"ಶಿಲ್ಪಾ ಶೆಟ್ಟಿ ಈಗ ಏಳು ತಿಂಗಳ ಗರ್ಭಿಣಿ. ನಾವಿಬ್ಬರೂ ಮಗುವಿನ ನಿರೀಕ್ಷೆಯಲ್ಲಿದ್ದೇವೆ. ಮೇ ತಿಂಗಳಾಂತ್ಯಕ್ಕೆ ಶಿಲ್ಪಾ ಮಗುವಿಗೆ ಜನ್ಮ ನೀಡುವ ನಿರೀಕ್ಷೆ ಇದೆ" ಎಂದು ರಾಜ್ ತಿಳಿಸಿದ್ದಾರೆ. ಅಭಿಮಾನಿಗಳಿಂದ ಈಗಾಗಲೆ ಶಿಲ್ಪಾಗೆ ಶುಭಹಾರೈಕೆಗಳ ಮಹಾಪೂರವೇ ಹರಿದುಬರುತ್ತಿದೆ.

ಕಳೆದ ವರ್ಷ ಡಿಸೆಂಬರ್‌ನಲ್ಲಿ ಶಿಲ್ಪಾ ಶೆಟ್ಟಿ ಗರ್ಭಿಣಿ ಎಂಬ ಅಂಶ ಬಯಲಾಗಿತ್ತು. ಬಳಿಕ ಶಿಲ್ಪಾ ಶೆಟ್ಟಿ ಕೂಡ ಅಷ್ಟಾಗಿ ಸಾರ್ವಜನಿಕವಾಗಿ ಕಾಣಿಸಿಕೊಳ್ಳುತ್ತಿರಲಿಲ್ಲ. ಎಲ್ಲೋ ಅಲ್ಲೊಂದು ಇಲ್ಲೊಂದು ಸಭೆ ಸಮಾರಂಭಗಳಲ್ಲಿ ಕಾಣಿಸಿಕೊಂಡು ಸುದ್ದಿ ಮಾಡಿದ್ದರು. (ಏಜೆನ್ಸೀಸ್)