ದಾವೂದ್ ತೋಳ ತೆಕ್ಕೆಗೆ ಬಿದ್ದ ಸೋನಾಕ್ಷಿ ಸಿನ್ಹಾ?

ಹೀಗೊಂದು ಗಾಳಿಸುದ್ದಿ ಹಬ್ಬಿದೆ. ಪಾತಕ ಲೋಕದ ಚಕ್ರವರ್ತಿ ದಾವೂದ್ ಇಬ್ರಾಹಿಂ ತೋಳ ತೆಕ್ಕೆಗೆ ಶತ್ರುಘ್ನ ಸಿನ್ಹಾ ಮಗಳು ಸೋನಾಕ್ಷಿ ಸಿನ್ಹಾ ಬೀಳುತ್ತಿದ್ದಾಳಂತೆ. ಸೋನಾಕ್ಷಿಯನ್ನು ದಾವೂದ್ ನ ಒಲವಿನ ಗೆಳತಿ ಮಾಡಲು ಕಿರುತೆರೆ ಸೀರಿಯಲ್ ಕ್ವೀನ್ ಏಕ್ತಾ ಕಪೂರ್ ಸಿದ್ಧತೆ ನಡೆಸಿದ್ದಾರಂತೆ. ಕತ್ರೀನಾ ಕೈಫ್, ಕರೀನಾ ಕಪೂರ್ ಬದಲಿಗೆ ಸೋನಾಕ್ಷಿಗೆ ಈ ಅವಕಾಶ ಸಿಕ್ಕಿರುವುದಕ್ಕೆ ಬಾಲಿವುಡ್ ಮಂದಿಗೆ ಆಶ್ಚರ್ಯವಾಗಿದೆಯಂತೆ.

ವಿಷ್ಯ ಏನಪ್ಪಾ ಅಂದ್ರೆ, ದಾವೂದ್ ಇಬ್ರಾಹಿಂನ ಒಲವಿನ ಗೆಳತಿ ಮಂದಾಕಿನಿಯಾಗಿ ಸೋನಾಕ್ಷಿ ಸಿನ್ಹಾ ನಟಿಸುತ್ತಿದ್ದಾರೆ. ಏಕ್ತಾ ಕಪೂರ್ ನಿರ್ಮಾಣದ " ಒನ್ಸ್ ಅಪನ್ ಎ ಟೈಮ್ ಇನ್ ಮುಂಬೈ" ಚಿತ್ರದಲ್ಲಿ ಸೋನಾಕ್ಷಿ ಮುಖ್ಯಭೂಮಿಕೆಯಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ.

ಅಜಯ್ ದೇವಗನ್ ಅಭಿನಯದ "Once Upon A Time In Mumbaai" ಚಿತ್ರದ ಮೊದಲ ಭಾಗದಲ್ಲಿ ದಾವೂದ್ ಇಬ್ರಾಹಿಂಗಿಂತ ಹಾಜಿ ಮಸ್ತಾನ್ ಪಾತ್ರಕ್ಕೆ ಹೆಚ್ಚು ಒತ್ತು ನೀಡಲಾಗಿತ್ತು. ಈಗ ಭಾಗ ಎರಡರಲ್ಲಿ ದಾವೂದ್ ಇಬ್ರಾಹಿಂ ಹಾಗೂ ಬಾಲಿವುಡ್ ನಟಿ ಮಂದಾಕಿನಿ ಪ್ರೇಮ ಕಥೆ ಅನಾವರಣಗೊಳ್ಳಲಿದೆ.

ವಿದ್ಯಾ ಬಾಲನ್ ಅಭಿನಯದ ದ ಡರ್ಟಿ ಪಿಕ್ಚರ್ ಚಿತ್ರೀಕರಣದ ನಂತರ ಮುಂಬೈ 2 ಕೈಗೆತ್ತಿಕೊಳ್ಳಲು ಬಾಲಾಜಿ ಟೆಲಿ ಫಿಲ್ಮಂಸ್ ನ ಏಕ್ತಾ ಯೋಜಿಸಿದ್ದಾರೆ. ಸದ್ಯಕ್ಕೆ ಈ ಚಿತ್ರಕ್ಕೆ ಅಕ್ಷಯ್ ಕುಮಾರ್ ಹೆಸರನ್ನು ಅಂತಿಮ ಗೊಳಿಸುವ ಸಾಧ್ಯತೆಯಿದೆ. ಸೋನಾಕ್ಷಿ ಅಕ್ಷಯ್ ಗೆ ಜೋಡಿಯಾದರೆ ಚೆನ್ನ ಎಂದು ನಿರ್ದೇಶಕ ಮಿಲನ್ ಲೂಥಾರಿಯಾ ಹಾಗೂ ನಿರ್ಮಾಪಕಿ ಏಕ್ತಾ ನಿರ್ಧರಿಸಿದ್ದಾರೆ. ಉಳಿದ ತಾರಾಗಣವನ್ನು ನಂತರ ಆಯ್ಕೆ ಮಾಡುವ ಸಾಧ್ಯತೆಯಿದೆ.