ಮಾಧುರಿ ಜೊತೆ ಸ್ಪರ್ಧೆಗೆ ಬಿದ್ದ ಪ್ರಿಯಾಂಕ ಚೋಪ್ರಾ

ಫ್ಯಾಷನ್ ಚಿತ್ರ ಬಾಲಿವುಡ್ ನಟಿ ಪ್ರಿಯಾಂಕ ಚೋಪ್ರಾಗೆ ಬ್ರೇಕ್ ನೀಡಿದ ಚಿತ್ರ. ಅಷ್ಟೇ ಅಲ್ಲ, ಆ ಚಿತ್ರದಲ್ಲಿ ಮಿಂಚಿದಷ್ಟು ಬೇರೆ ಯಾವ ಚಿತ್ರದಲ್ಲೂ ಮಿಂಚಿಲ್ಲ ಪ್ರಿಯಾಂಕ. ಇದೀಗ ಫ್ಯಾಷನ್ 2 ಚಿತ್ರವನ್ನು ಅದೇ ಮಧುರ್ ಭಂಡಾರ್ಕರ್ ನಿರ್ದೇಶಿಸಲು ಯೋಚಿಸುತ್ತಿದ್ದಾರೆ.

ಆ ಚಿತ್ರದಲ್ಲೂ ಲೀಡ್ ರೋಲ್ ನಲ್ಲಿ ಮಿಂಚಲು ತುದಿಗಾಲಲ್ಲಿ ಕಾಯುತ್ತಿದ್ದಾರೆ ಪ್ರಿಯಾಂಕಾ ಚೋಪ್ರಾ. ಸದ್ಯಕ್ಕೆ ಕರೀನಾ ಕಪೂರ್ ಪ್ರಧಾನ ಭೂಮಿಕೆಯಲ್ಲಿರುವ 'ಹೀರೋಯಿನ್' ಚಿತ್ರದ ಚಿತ್ರೀಕರಣದಲ್ಲಿ ಬ್ಯುಸಿಯಾಗಿರುವ ಮಧುರ್, ತಮ್ಮ ಮುಂದಿನ ಚಿತ್ರ ಫ್ಯಾಷನ್ 2 ಚಿತ್ರಕಥೆಯಲ್ಲೂ ತೊಡಗಿಕೊಂಡಿದ್ದಾರೆ.

ಆದರೆ ಆ ಚಿತ್ರದ ಪ್ರಧಾನ ಪಾತ್ರಕ್ಕೆ ಅವರು ಹಿರಿಯ ನಟಿ ಮಾಧುರಿ ದೀಕ್ಷಿತ್ ಅವರನ್ನು ಸಂಪರ್ಕಿಸಿದ್ದಾರೆ. ಮಾಧುರಿಯ 'ಯಸ್' ಅಥವಾ 'ನೋ' ಮೇಲೆ ಪ್ರಿಯಾಂಕಾ ಭವಿಷ್ಯ ಅವಲಂಬಿಸಿದೆ. ಆದರೆ ಪ್ರಿಯಾಂಕಾ ಮಾತ್ರ ಫ್ಯಾಷನ್ 2 ಕನಸು ನನಸು ಮಾಡಿಕೊಳ್ಳಲು ಪಣತೊಟ್ಟಿದ್ದಾರೆ. ಮಾಧುರಿ ಒಪ್ಪಿಕೊಳ್ಳುತ್ತಾರೆ ಎಂದೇ ಬಾಲಿವುಡ್ ಪಂಡಿತರು ಹೇಳುತ್ತಿದ್ದಾರೆ. (ಏಜೆನ್ಸೀಸ್)