ವಿದ್ಯಾ ಬಾಲನ್ ಮತ್ತೊಂದು ಹಾಟ್ ಡಿಂಕ ಚಕ ಡಾನ್ಸ್

ಬಾಲಿವುಡ್‌ನಲ್ಲಿ ಈಗಾಗಲೆ ತಮ್ಮ ಛಾಪನ್ನು ಮೂಡಿಸಿರುವ ವಿದ್ಯಾ ಬಾಲನ್ ಈಗ ಮತ್ತೊಂದು ಹಾಟ್ ಐಟಂ ಸಾಂಗ್‌ಗೆ ಹೆಜ್ಜೆ ಹಾಕಿದ್ದಾರೆ. ಇದು 'ಫೆರಾರಿಕಿ ಸವಾರಿ' ಚಿತ್ರದ ಚುಕುಬುಕು ಹಾಡು. ಈ ಹಾಡಿನ ಚಿತ್ರೀಕರಣ ಇತ್ತೀಚೆಗೆ ಮುಗಿದಿದೆ.

ವಿಧು ವಿನೋದ್ ಚೋಪ್ರಾ ನಿರ್ಮಾಣದ ಈ ಚಿತ್ರದಲ್ಲಿ ಲಂಬಾಣಿ ದಿರಿಸಿನಲ್ಲಿ ವಿದ್ಯಾ ಕುಣಿದು ರಂಜಿಸಿದ್ದಾರೆ. ಇದುವರೆಗಿನ ತಮ್ಮ ಹಾಡುಗಳಲ್ಲಿ ಈ ಹಾಡು ಬೆಸ್ಟ್ ಎಂದಿದ್ದಾರೆ ವಿದ್ಯಾ. 'ಡರ್ಟಿ ಪಿಕ್ಚರ್' ಖ್ಯಾತಿಯನ್ನು ಹಿಂದಿಕ್ಕುವ ಎಲ್ಲ ಭರವಸೆಗಳು ಈ ಚಿತ್ರದ ಮೇಲಿವೆ.

ಐಟಂ ಹಾಡು ಅದ್ಭುತವಾಗಿ ಮೂದಿಬಂದಿರುವ ಬಗ್ಗೆ ಖುಷಿಯಾಗಿರುವ ವಿದ್ಯಾ, ಚಿತ್ರೀಕರಣದ ಕೊನೆಯ ದಿನ ಇಡೀ ಚಿತ್ರತಂಡಕ್ಕೆ ಲಡ್ಡು ಹಂಚಿ ಸಂಭ್ರಮಿಸಿದ್ದಾರೆ. ಈ ಮೂಲಕ ವಿದ್ಯಾ ಬಾಲಿವುಡ್‌ನ ಹೊಸ ಐಟಂ ಬಾಂಬ್ ಆಗಿ ಹೊರಹೊಮ್ಮುವ ಎಲ್ಲ ಸೂಚನೆಗಳನ್ನು ಕೊಟ್ಟಿದ್ದಾರೆ. (ಏಜೆನ್ಸೀಸ್)