Don't Miss!
- News ಪಟ್ಟು ಬಿಡದೆ ನಾಮಪತ್ರ ಸಲ್ಲಿಸಿದ ಕೆಎಸ್ ಈಶ್ವರಪ್ಪಗೆ ಏಪ್ರಿಲ್ 22 ಡೆಡ್ ಲೈನ್!
- Sports RCB: 'ಗೋ ಗ್ರೀನ್' ಭಾಗವಾಗಿ 3 ಕೆರೆಗಳ ಅಭಿವೃದ್ಧಿಪಡಿಸಿದ ಆರ್ಸಿಬಿ
- Finance ನಾಳೆ ಬೆಂಗಳೂರಿನಲ್ಲಿ ಚಿಕನ್, ಮಟನ್ ಮಾರಾಟಕ್ಕೆ ನಿಷೇಧ
- Technology ಆನ್ಲೈನ್ ಶಾಪಿಂಗ್ ಮಾಡಲು ಇಲ್ಲಿವೇ ನೋಡಿ ಬೆಸ್ಟ್ ವೆಬ್ಸೈಟ್ಗಳು!
- Automobiles Hyundai: ಹಳೆಯ ಹ್ಯುಂಡೈ ಕ್ರೆಟಾವನ್ನು ಮರೆತುಬಿಡಿ... ಹೊಸ ಕ್ರೆಟಾ ಈಗ ಮತ್ತಷ್ಟು ಪ್ರೀಮಿಯಂ SUV
- Lifestyle ಜೀವ ಸಂಗಾತಿಗೆ ಹುಟ್ಟು ಹಬ್ಬದಂದು ವಿಶ್ ಮಾಡಲು ಸುಂದರ ಸಾಲುಗಳ ಗ್ರೀಟಿಂಗ್ಸ್ ಇಲ್ಲಿದೆ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಬಾಲಿವುಡ್ ನಟರು ಹಣ ಕೊಟ್ಟರೆ ಮದ್ವೆಗೂ ಬರ್ತಾರೆ!
ನವದೆಹಲಿ, ಡಿ.21 : ಈಗೀಗ ಮದುವೆ ಖರ್ಚುಗಳು ಅಧಿಕವಾಗಿ, ಹೆಣ್ಣು ಹೆತ್ತವರ ಗೋಳು ಕೇಳುವವರೇ ಇಲ್ಲ ಬಿಡಿ. ಇರುವವರು ಮದುವೆಯನ್ನು ಅದ್ದೂರಿಯಾಗಿ ಮಾಡಿದರೆ ಇಲ್ಲದವರು ಹೇಗೋ ಮಾಡಿ ಮುಗಿಸುತ್ತಾರೆ. ಖರ್ಚು ಎಷ್ಟಾದರೂ ಪರ್ವಾಗಿಲ್ಲ... ಮದುವೆ ಮಾತ್ರ ಅದ್ದೂರಿಯಾಗಿ ನಡೀಬೇಕು ಅನ್ನುವವರಿಗೆ ಇಲ್ಲೊಂದು ಅವಕಾಶ ಇದೆ. ಇಂತಿಷ್ಟು ಹಣ ಕೊಟ್ಟು ತಾರೆಯರನ್ನು ಮದುವೆಗೆ ಆಹ್ವಾನಿಸಿ ಸಂಭ್ರಮಿಸಬಹುದು. ಪ್ರಸಿದ್ಧ ಸಿನಿಮಾ ತಾರೆಯರು, ಗಾಯಕರು ಶುರುವಿಟ್ಟುಕೊಂಡ ಹೊಸ ವ್ಯಾಪಾರ ಇದು.
ವ್ಯಾಪಾರದ ಮೂಲಗಳನ್ನು ಹುಡುಕುತ್ತಿದ್ದ ಬಾಲಿವುಡ್ ಗಾಯಕ, ನಾಯಕ ಹಾಗೂ ನಟಿಯರಿಗೆ ಮದುವೆ ಎಂಬ ಹೊಸ ವೇದಿಕೆ ಸಿಕ್ಕಿದೆ. ಇಂತಿಷ್ಟು ಹಣ ಕೊಟ್ಟರೆ ಸಾಕು ಬಂದು ಹಾಡುತ್ತಾರೆ, ಕುಣಿಯುತ್ತಾರೆ. ಒಬ್ಬೊಬ್ಬರದೂ ಒಂದೊಂದು ರೇಟ್. ಅವರು ಬರಬೇಕೆಂದರೆ ಹಣ ನೀರಿನಂತೆ ಖರ್ಚು ಮಾಡಬೇಕಷ್ಟೆ. ಇನ್ನು ಮುಂದೆ ಯಾರಾದರೂ ಗಣ್ಯರ ಅದ್ದೂರಿ ಮದುವೆಗಳಲ್ಲಿ ಬಾಲಿವುಡ್ ತಾರೆಯರೇನಾದರೂ ಕಾಣಿಸಿಕೊಂಡರೆ ಆಶ್ಚರ್ಯಪಡಬೇಡಿ. ಯಾಕೆಂದರೆ ಅವರನ್ನು ದುಡ್ಡು ಕೊಟ್ಟು ಕರೆಸಿರುತ್ತಾರೆ, ಅಷ್ಟೆ!
ಇಶಾ ಕೊಪ್ಪಿಕರ್, ಐಟಂ ಗರ್ಲ್ ರಾಖಿ ಸಾವಂತ್, ಮಲೈಕಾ ಅರೋರಾ, ದಿಯಾ ಮಿರ್ಜಾ, ಸೆಲಿನಾ ಜೇಟ್ಲಿ... ಇವರಿಗೆಲ್ಲಾ 10 ಲಕ್ಷ ರೂ. ಕೊಟ್ಟರೆ ಸಾಕು ಬಂದು ಹಾಡಿ, ಕುಣಿದು ಕುಪ್ಪಳಿಸುತ್ತಾರೆ. ಇನ್ನು ಸ್ವಲ್ಪ ಕಮ್ಮಿ ರೇಟಿಗೆ ಯಾರಾದರೂ ಸಿಗ್ತಾರಾ? ಅಂದರೆ, ಶೆಫಾಲಿ ಜರಿವಾಲ್, ಕೊಯಿನಾ ಮಿಶ್ರಾ, ಪ್ರೀತಿ ಜಿಂಗಾನಿಯಾ, ನೇಹಾ ಕಾಕ್ಕರ್, ಮಂದಿರಾ ಬೇಡಿ... ಇವರಿಗೆ 5ರಿಂದ 7 ಲಕ್ಷ ರೂ.ಗೆ ಸಿಗುತ್ತಾರೆ. ಇಷ್ಟೆಲ್ಲಾ ದುಡ್ಡುಕೊಟ್ಟರೂ ಇವರೇನು ಮದುವೆ ಮುಗಿಯುವವರೆಗೂ ಹಾಡಿ, ಕುಣಿಯುವುದಿಲ್ಲ. ಎಂಟತ್ತು ನಿಮಿಷ ಅಷ್ಟೇ.
ಅನಿಸುತಿದೆ ಯಾಕೋ ಇಂದು... ಈ ಸಂಜೆಯಾಕಾಗಿದೆ... ಹಂಸವೇ ಹಂಸವೇ ಹಾಡು ಬಾ... ಹಾಡುಗಳನ್ನು ಸೋನು ನಿಗಮ್ ಅವರಿಂದ ಹಾಡಿಸಬೇಕಾ? ಅವರನ್ನು ಮದುವೆಗೆ ಆಹ್ವಾನಿಸಿದರೆ 30 ಲಕ್ಷ ರೂ. ಕೊಡಬೇಕು. ಶಾನ್ಗೆ 25 ಲಕ್ಷ ರೂ., ಕೈಲಾಶ್ ಖೇರ್ಗೆ 15 ಲಕ್ಷ ರೂ., ಭಲ್ಲೆ ಭಲ್ಲೆ ಖ್ಯಾತಿಯ ದಲೇರ್ ಮೆಹಂದಿಗೆ 1,20,000 ರೂ., ಮಿಕಾಗೆ 4 ಲಕ್ಷ ರೂ., ಸುಖ್ಬೀರ್ಗೆ 8 ಲಕ್ಷ ರೂ.ಗಳಿಗೆ ಫಿಕ್ಸ್ ಆಗಿದ್ದಾರೆ.
ಇನ್ನು ಮದುವೆಗೆ ಶಾರುಖ್ ಖಾನ್ರನ್ನೇ ಆಹ್ವಾನಿಸಬೇಕೆಂದರೆ ಬರೋಬ್ಬರಿ 1 ಕೋಟಿ ರೂ. ಕೊಡಬೇಕು. ಮದುವೆಗೆ ಯಾರಾದರೂ ಗಣ್ಯ ವ್ಯಕ್ತಿ ಬಂದರೆ ಮದುವೆ ಕಳೆ ಹೆಚ್ಚುತ್ತದೆ. ಹಾಗೆಯೇ ಸಿನಿಮಾ ನಟನಟಿಯರು ಬಂದರೆ ಮದುವೆ ಸಂಭ್ರಮಕ್ಕೆ ಮತ್ತಷ್ಟು ಕಳೆ. ಮದುವೆಗೆ ಅತಿಥಿಗಳನ್ನು ಆಹ್ವಾನಿಸುವುದು ತಪ್ಪಲ್ಲ. ಆದರೆ ದುಡ್ಡು ಕೊಟ್ಟು ಆಹ್ವಾನಿಸುವುದೆಂದರೆ ಇದೇ ಏನೋ?
(ಏಜನ್ಸೀಸ್)