Don't Miss!
- Sports DC vs GT IPL 2024: ಅಕ್ಷರ್, ರಿಷಭ್ ಶೈನಿಂಗ್; ಗುಜರಾತ್ ವಿರುದ್ಧ ಡೆಲ್ಲಿ ಜಯಭೇರಿ
- News ದ್ವೇಷ ಉತ್ತೇಜಿಸುವ ಪೋಸ್ಟ್: ಕರ್ನಾಟಕ ಬಿಜೆಪಿ ವಿರುದ್ಧ ದೂರು ದಾಖಲಿಸಿದ ಚುನಾವಣಾ ಆಯೋಗ
- Technology ಒಪ್ಪೋ ಫೈಂಡ್ X7 ಅಲ್ಟ್ರಾ ಕ್ಯಾಮೆರಾ: ಮೊಬೈಲ್ ಫೋಟೋಗ್ರಫಿಗೆ ಅತ್ಯುತ್ತಮ ಫೋನ್!
- Lifestyle 613 ದಿನ ಕೊರೊನಾ ವಿರುದ್ಧ ಹೋರಾಡಿ ವೃತಪಟ್ಟ ವ್ಯಕ್ತಿ..!
- Automobiles ಸ್ವಂತ ದುಡಿಮೆಯಲ್ಲಿ ಹೊಸ ಕಾರು ಖರೀದಿಸಿ ಯುವ ನಟಿಯ ಭಾವನಾತ್ಮಕ ಪೋಸ್ಟ್
- Finance ರಿಲಯನ್ಸ್ಗೆ 28,607 ಕೋಟಿ ನಷ್ಟ, ಕಾರಣ ಏನು ಗೊತ್ತೆ?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಚಾರ್ಲ್ಸ್ ಶೋಭ್ ರಾಜ್ ಪಾತ್ರದಲ್ಲಿ ಶಾರುಖ್ ಖಾನ್
ಬಾಲಿವುಡ್ ಬಾದ್ ಷಾ ಶಾರುಖ್ ಖಾನ್ ಸದ್ಯದಲ್ಲೇ ಭಯಾನಕ ಪಾತಕಿ, 'ಬಿಕಿನಿ' ಕಿಲ್ಲರ್ ಚಾರ್ಲ್ಸ್ ಶೋಭ್ ರಾಜ್ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ! ಇದು ನಿಜ. ಫ್ರೆಂಚ್ ನಿರ್ಮಾಪಕ ಅಲೈನ್ ಆಂಡ್ರ್ಯೂ ಚಾರ್ಲ್ಸ್ ಶೋಭ್ ರಾಜ್ ನಿಜಜೀವನವನ್ನು ಬೆಳ್ಳಿ ಪರದೆಯಲ್ಲಿ ಭಟ್ಟಿಯಿಳಿಸಲು ನಿರ್ಧರಿಸಿದ್ದು, ಬಾಲಿವುಡ್ ನ ಮುಕುಟವಿಲ್ಲದ ರಾಜ ಶಾರುಖ್ ಮಾತ್ರ ಪಾತ್ರಕ್ಕೆ ನ್ಯಾಯ ಒದಗಿಸಬಲ್ಲರು ಎಂದಿದ್ದಾರೆ. ಅಂದಹಾಗೆ, ಖತರ್ನಾಕ್ ಶೋಭರಾಜ್ ತನ್ನ ಜೀವನಚರಿತ್ರೆ ಆಧರಿತ ಸಿನಿಮಾ ನಿರ್ಮಾಣದ ಹಕ್ಕನ್ನು ಆಂಡ್ರ್ಯೂಗೆ ದಯಪಾಲಿಸಿದ್ದಾನೆ.
ದೆಹಲಿಯ ತಿಹಾರ್ ಜೈಲಿನಲ್ಲಿದ್ದಾಗಲೇ ಚಾರ್ಲ್ಸ್ ನ ಮೊದಲ ಪತ್ನಿ ಚಂತಲಾ ತನ್ನ ಪತಿರಾಯನ ಲೀಲೆಗಳ ಬಗ್ಗೆ ಸುಂದರ ಚಿತ್ರ ನಿರ್ಮಿಸಿಕೊಡಿ ಎಂದು ನಿರ್ಮಾಪಕ ಆಂಡ್ರ್ಯೂ ಮತ್ತು ಅವರ ಗೆಳೆಯ ಫ್ರಾಂಕೋಯಿಸ್ ಗೆ ಗಂಟುಬಿದ್ದಿದ್ದಳಂತೆ. ಚಾರ್ಲ್ಸ್ ಶೋಭ್ ರಾಜ್ ಕುರಿತ ಚಿತ್ರ ನಿರ್ಮಾಣಕ್ಕಾಗಿ ಆಂಡ್ರ್ಯೂ ಇದೀಗ ಸಹ ನಿರ್ಮಾಪಕನ ತಲಾಶೆಯಲ್ಲಿದ್ದಾರೆ. ಪಾತಕಿ ಚಾರ್ಲ್ಸ್ ಭಾರತವನ್ನು ದೀರ್ಘಕಾಲ ತನ್ನ ಅಡ್ಡೆಯಾಗಿಸಿಕೊಂಡಿದ್ದ. ಆದ್ದರಿಂದ ಭಾರತದಲ್ಲಿಯೇ ಚಿತ್ರದ ಶೂಟ್ ಮಾಡುವುದಾಗಿ ಆಂಡ್ರ್ಯೂ ಘೋಷಿಸಿದ್ದಾರೆ.
ಕುಖ್ಯಾತನಾಗಿಯೇ ಚಾಲ್ತಿಯಲ್ಲಿರಲು ಬಯಸಿದ ಶೋಬ್ ರಾಜ್ ತನ್ನ ಕುರಿತಾದ ಪುಸ್ತಕ, ಕಾದಂಬರಿಗಳ ಮೂಲಕ ಕುಖ್ಯಾತಿಗಳಿಸಿದ್ದಾನೆ. ಇದೀಗ ಮೊದಲ ಬಾರಿಗೆ ಬೆಳ್ಳಿಪರದೆ ಮೇಲೆ ಕಾಣಿಸಿಕೊಳ್ಳಲಿದ್ದಾನೆ. ಕುತೂಹಲಕಾರಿ ಸಂಗತಿಯೆಂದರೆ ಚಿತ್ರದಲ್ಲಿ ತನ್ನನ್ನು ಖೂನಿಕೋರನಂತೆ ಪ್ರತಿಬಿಂಬಿಸಬಾರದು. ಒಟ್ಟಾರೆ ಚಿತ್ರಕತೆಯು ತನ್ನ ವಕೀಲ ಇಸಾಬೆಲ್ಲೆ ಕೋಟಂಟ್ ಪೇರಿ ನಿಯಂತ್ರಣದಲ್ಲಿಯೇ ಇರಬೇಕು ಎಂಬ ಷರತ್ತು ವಿಧಿಸಿದ್ದಾನೆ. 'ಇತ್ತೀಚಿನ ದಿನಗಳಲ್ಲಿ ನನ್ನ ಅಭಿಮಾನಿಗಳು ಒಂದೇ ತೆರೆನಾದ ಪಾತ್ರಗಳಿಗಿಂತ ತುಸು ಬದಲಾವಣೆಯನ್ನು ಬಯಸುತ್ತಿದ್ದಾರೆ. ಈ ಪಾತ್ರ ಅಂತಹ ಉತ್ತಮ ಅವಕಾಶ ಒದಗಿಸಲಿದೆ ಎಂದು ಶಾರುಖ್ ಪ್ರತಿಕ್ರಿಯಿಸಿದ್ದಾರೆ.