ಚಿನ್ನದ ಮಾಸ್ಕ್ ಧರಿಸಿ ಮಾದಕ ಲುಕ್‌ ಕೊಟ್ಟ ನಟಿ ಶ್ರುತಿ ಹಾಸನ್

ನಿಯತಕಾಲಿಕೆ ಮುಖಪುಟಕ್ಕೆ ಫೋಸು

ಶ್ರುತಿ ಹಾಸನ್ ಕೆಲವು ದಿನಗಳ ಹಿಂದಷ್ಟೆ ಖ್ಯಾತ ನಿಯತಕಾಲಿಕೆ 'ಫಿಲಂಫೇರ್‌'ನ ಮುಖಪುಟಕ್ಕೆ ಫೋಸು ನೀಡಿದ್ದಾರೆ. ಮುಖಪುಟದ ಚಿತ್ರದಲ್ಲಿ ಚಿನ್ನವನ್ನು ಮುಖದ ಮಾಸ್ಕ್‌ ನಂತೆ ಧರಿಸಿ ಫೋಸು ನೀಡಿದ್ದಾರೆ ಶ್ರುತಿ.

ಚಿನ್ನವನ್ನು ಮಾಸ್ಕ್ ರೀತಿ ಧರಿಸಿದ್ದಾರೆ ಶ್ರುತಿ

ಶ್ರುತಿ ಚಿನ್ನದ ಮಾಸ್ಕ್ ಧರಿಸಿಲ್ಲವಾದರೂ, ಬೈತಲೆಗೆ ಧರಿಸಲಾಗುವ ಅಂದವಾದ ಆಭರಣವನ್ನೇ ಮಾಸ್ಕ್ ರೀತಿಯಲ್ಲಿ ಮುಖಕ್ಕೆ ಧರಿಸಿದ್ದಾರೆ. ಅದು ಚಿನ್ನದ ಮಾಸ್ಕ್‌ ನಂತೆ ಕಾಣುತ್ತಿದೆ. ಇದನ್ನು ಹೊರತಾಗಿ ಸಾಕಷ್ಟು ಚಿನ್ನದ ಆಭರಣಗಳನ್ನು ಧರಿಸಿ ಮಾದಕ ಫೋಸ್ ನೀಡಿದ್ದಾರೆ ಶ್ರುತಿ.

ಸ್ವಜನಪಕ್ಷಪಾತದ ಬಗ್ಗೆ ಮಾತು

ಇನ್ನು ಶ್ರುತಿ ಹಸನ್ ಕೆಲವು ದಿನಗಳ ಹಿಂದಷ್ಟೆ ಸ್ವಜನಪಕ್ಷಪಾತದ ಬಗ್ಗೆ ಮಾತನಾಡಿದ್ದು, 'ನನ್ನ ಹೆಸರಿನ ಹಿಂದೆ ಹಸನ್ ಹೆಸರಿರುವ ಕಾರಣ ನನಗೆ ಅವಕಾಶ ಬೇಗ ಸಿಕ್ಕಿತು' ಎಂದು ಹೇಳಿದ್ದಾರೆ. ಅವಕಾಶ ಬೇಗ ಸಿಗಬಹುದು ಆದರೆ ಪ್ರತಿಭೆ ಇದ್ದರಷ್ಟೆ ಉಳಿಯಲು ಸಾಧ್ಯ ಎಂದಿದ್ದಾರೆ ಅವರು.

ಯಾರಾ ಸಿನಿಮಾ ಬಿಡುಗಡೆ ಆಗಿದೆ

ಶ್ರುತಿ ನಟಿಸಿರುವ ಹಿಂದಿಯ 'ಯಾರಾ' ಸಿನಿಮಾ ಒಟಿಟಿಯಲ್ಲಿ ನಿನ್ನೆಯಷ್ಟೆ ಬಿಡುಗಡೆ ಆಗಿದ್ದು, ಉತ್ತಮ ಪ್ರತಿಕ್ರಿಯೆ ಗಳಿಸಿದೆ. ತೆಲುಗಿನಲ್ಲಿ 'ಕ್ರ್ಯಾಕ್' ಹೆಸರಿನ ಸಿನಿಮಾದಲ್ಲಿ ನಟ ರವಿತೇಜ ಜೊತೆಗೆ ನಟಿಸುತ್ತಿದ್ದಾರೆ ಶ್ರುತಿ ಹಾಸನ್.