ಬ್ರೇಕಪ್ ಗಾಳಿಸುದ್ದಿ ಬಳಿಕ ಒಟ್ಟಿಗೆ ಕಾಣಿಸಿಕೊಂಡ ಮಲೈಕಾ ಅರೋರಾ-ಅರ್ಜುನ್ ಕಪೂರ್: ಫೋಟೊ ವೈರಲ್

ಮಲೈಕಾ ಮನೆ ಮುಂದೆ ಅರ್ಜುನ್ ಕಪೂರ್

ಮಲೈಕಾ ಹಾಗೂ ಅರ್ಜುನ್ ಕಪೂರ್ ಸಂಬಂಧದಲ್ಲಿ ಬಿರುಕು ಬಿಟ್ಟಿದೆ. ನಾಲ್ಕು ವರ್ಷ ಸಂಬಂಧಕ್ಕೆ ಅಂತ್ಯ ಹಾಡಿದ್ದಾರೆ ಎಂಬ ಸುದ್ದಿ ಹಬ್ಬಿಸಿದ್ದರು. ಇದಕ್ಕೆ ಸಾಕ್ಷಿ ಎಂಬಂತೆ ಅರ್ಜುನ್ ಕಪೂರ್, ಮಲೈಕಾ ಅರೋರಾ ಮನೆಗೆ ಹೋಗದೆ ವಾರವೇ ಕಳೆದಿದೆ ಎಂದು ಸಾಕ್ಷಿಯನ್ನೂ ಒದಗಿಸಿದ್ದರು. ಈಗ ಮಲೈಕಾ ಅರೋರಾರನ್ನು ಹೊರಗಡೆ ಕರೆದುಕೊಂಡು ಹೋಗಲು ಬಾಯ್‌ಫ್ರೆಂಡ್ ಅರ್ಜುನ್ ಕಪೂರ್ ಆಕೆಯ ಮನೆ ಮುಂದೆ ಕಾಯುತ್ತಿರುವ ಫೋಟೊಗಳು ವೈರಲ್ ಆಗಿವೆ.

ಮಲೈಕಾ ಹಾಗೂ ಅರ್ಜುನ್ ಔಟಿಂಗ್

ಮಲೈಕಾ ಅರೋರಾ ಹಾಗೂ ಅರ್ಜುನ್ ಕಪೂರ ಇಬ್ಬರೂ ನಿನ್ನೆ (ಭಾನುವಾರ) ಔಟಿಂಗ್ ಹೊರಟಿದ್ದರು. ಇಬ್ಬರೂ ಮಧ್ಯಾಹ್ನದ ಊಟಕ್ಕೆ ಹೊರಗೆ ಹೊರಟಿದ್ದರು ಎಂದು ಬಾಲಿವುಡ್ ಮೂಲಗಳು ವರದಿ ಮಾಡಿವೆ. ಮಲೈಕಾ ಹಾಗೂ ಅರ್ಜುನ್ ಕಪೂರ್ ಇಬ್ಬರ ಆರಾಗಿದ್ದು, ಈ ಫೋಟೊಗಳನ್ನು ನೋಡಿದವರಿಗೆ ಇಬ್ಬರ ಸಂಬಂಧದಲ್ಲಿ ಯಾವುದೇ ಬಿರುಕು ಇಲ್ಲವೆಂದು ಬಾಲಿವುಡ್ ಹೇಳುತ್ತಿದೆ.

ಬಾಯ್‌ಫ್ರೆಂಡ್ ಜೊತೆ ಮಲೈಕಾ ಹಾಟ್ ಲುಕ್

ಮಲೈಕಾ ಅರೋರಾ ಮನೆಯಿಂದ ಹೊರಬೀಳುತ್ತಿದ್ದಾರೆ ಅಂದರೆ, ಅವರ ಕಾಸ್ಟೂಮ್ ಬಗ್ಗೆ ಎಲ್ಲರೂ ಗಮನ ಹರಿಸುತ್ತಾರೆ. ಸಿಕ್ಕಾ ಪಟ್ಟೆ ಹಾಟ್ ಡ್ರೆಸ್‌ಗಳಲ್ಲಿಯೇ ಹೆಚ್ಚಾಗಿ ಕಾಣಿಸಿಕೊಳ್ಳುತ್ತಾರೆ. ಅರ್ಜುನ್ ಜೊತೆ ಹೊರಗೆ ಹೊರಟಿದ್ದ ಮಲೈಕಾ ಅರೋರಾ, ಲೇಯರ್ಸ್ ಇರುವ ವೈಟ್ ಶಾರ್ಟ್ ಡ್ರೆಸ್ ತೊಟ್ಟಿದ್ದರು. ಅದಕ್ಕೆ ಬಲೂನ್ ಸ್ಲೀವ್ಸ್ ಇತ್ತು. ಕಪ್ಪು ಬಣ್ಣದ ಹೈ ಹೀಲ್ಡ್ ಬೂಟ್ಸ್ ಧರಿಸಿದ್ದರು. ಮಲೈಕಾ ಪ್ರತಿದಿನ ಜಿಮ್‌ಗಾಗಿ ಹೊರಗೆ ಬರುತ್ತಾರೆ. ಇಲ್ಲವೆ ತಮ್ಮ ಪ್ರೀತಿಯ ಶ್ವಾನವನ್ನು ವಾಕಿಂಗ್‌ ಕರೆದುಕೊಂಡು ಬರುತ್ತಾರೆ. ಆದರೆ, ಕಳೆದೊಂದು ವಾರದಿಂದ ಹೊರಗೆ ಬಂದಿರಲಿಲ್ಲ. ಹೀಗಾಗಿ ಬ್ರೇಕಪ್ ರೂಮರ್ ಹಬ್ಬಿಸಿದ್ದರು.

25 ವರ್ಷಕ್ಕೆ ಬದುಕು ಮುಗಿಯುವುದಿಲ್ಲ

ಅರ್ಜುನ್ ಕಪೂರ್ ಹಾಗೂ ಮಲೈಕಾ ಅರೋರಾ ಲವ್ ಸ್ಟೋರಿಯಲ್ಲಿ ಬಿರುಕು ಕಾಣಿಸಿಕೊಂಡಿದೆ ಎಂಬ ಸುದ್ದಿ ಹಬ್ಬಿದಾಗ ಇನ್‌ಸ್ಟಾಗ್ರಾಂನಲ್ಲಿ ಬರೆದುಕೊಂಡಿದ್ದರು. "40ನೇ ವಯಸ್ಸಿನಲ್ಲೂ ಪ್ರೀತಿ ಹುಡುಕುವುದು ಸಾಮಾನ್ಯ ಎನ್ನುವಂತಾಗಬೇಕು. 30ರ ವಯಸ್ಸಿನಲ್ಲಿ ಕನಸುಗಳನ್ನು ಚೇಸ್ ಮಾಡುವುದು ಸಾಮಾನ್ಯ ಆಗಬೇಕು. 50ನೇ ವಯಸ್ಸಿನಲ್ಲೂ ನಮ್ಮನ್ನು ನಾವು ಹುಡುಕಿಕೊಂಡು ಬದುಕಿಗೆ ಒಂದು ಉದ್ದೇಶ ಹುಡುಕುವಂತಾಗ ಬೇಕು. ಬದುಕು 25 ವರ್ಷಕ್ಕೆ ಮುಗಿದು ಹೋಯ್ತು ಅಂತ ಯೋಚಿಸುವುದನ್ನು ನಿಲ್ಲಿಸಿ." ಎಂದು ಮಲೈಕಾ ಬರೆದುಕೊಂಡಿದ್ದರು.