ಅರ್ಜುನ್ ಕಪೂರ್ ಬರ್ತ್‌ಡೇ: ಮಲೈಕಾ ಅರೋರಾ ಜೊತೆ 'ಪ್ಯಾರಿಸ್' ಪ್ರಣಯ!

ಅರ್ಜುನ್ ಮಲೈಕಾ ಪ್ಯಾರಿಸ್ ಪ್ರಣಯ!

ಅರ್ಜುನ್ ಕಪೂರ್ ಹಾಗೂ ಮಲೈಕಾ ಅರೋರಾ ಇಬ್ಬರೂ ಪ್ಯಾರಿಸ್‌ಗೆ ಹಾರಿದ್ದಾರೆ. ಅರ್ಜುನ್ ಕಪೂರ್ ಬರ್ತ್‌ಡೇಯನ್ನು ಆಚರಣೆ ಮಾಡಲೆಂದೇ ಮಲೈಕಾ ಅರೋರಾ ಪ್ಯಾರಿಸ್‌ಗೆ ತೆರಳಿದ್ದಾರೆ. ಇಬ್ಬರೂ ತಮ್ಮ ಸೆಲ್ಫಿ ಫೋಟೊವನ್ನು ಶೇರ್ ಮಾಡಿಕೊಂಡಿದ್ದು, ಆ ಫೋಟೊಗಳು ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿವೆ. ಈ ವಿಶೇಷ ಅಂದರೆ, ಈ ಫೋಟೊದಲ್ಲಿ ಐಫೆಲ್ ಟವರ್‌ ಕೂಡ ಕಾಣಿಸುತ್ತಿದ್ದು, ಅದರಿಂದಲೇ " ಐಫೆಲ್ ಚೆನ್ನಾಗಿದೆ.. ನಾನೂ ಕೂಡ ಎಂದು ತಿಳಿದಿದೆ." ಎಂದು ಬರೆದುಕೊಂಡಿದ್ದಾರೆ.

ಮಲೈಕಾ ಅರೋರಾರಿಂದ ವಿಡಿಯೋ ಶೇರ್

ಮಲೈಕಾ ಅರೋರಾ ಕೂಡ ತಮ್ಮ ಇನ್‌ಸ್ಟಾಗ್ರಾಂನಲ್ಲಿ ವಿಡಿಯೋ ಹಾಗೂ ಫೋಟೊಗಳನ್ನು ಶೇರ್ ಮಾಡಿದ್ದಾರೆ. ವಿಡಿಯೋದಲ್ಲಿ ಅರ್ಜುನ್ ಕಪೂರ್‌ಗೆ ಕೇಕ್ ತಿನ್ನಿಸುತ್ತಿದ್ದಾರೆ. ರೆಸ್ಟೋರೆಂಟ್‌ನಲ್ಲಿ ಕೂತಿರುವ ಪೋಟೊವನ್ನು ಶೇರ್ ಮಾಡಿಕೊಂಡಿದ್ದಾರೆ. ಹಾಗೇ " ನನ್ನ ಲವ್‌ಗೆ ವಿಶ್ ಮಾಡಿ.. ನಿನ್ನ ಎಲ್ಲಾ ಆಸೆ ಹಾಗೂ ಕನಸುಗಳು ನನಸಾಗಲಿ.. ಹುಟ್ಟುಹಬ್ಬದ ಶುಭಾಶಯಗಳು ಎಂದು ಬರೆದುಕೊಂಡಿದ್ದಾರೆ.

ಮಲೈಕಾದಿಂದ ನಾನು ಬದಲಾದೆ

ಈ ಹಿಂದೆ ನೀಡಿದ ಅರ್ಜುನ್ ಹಿಂದೂಸ್ತಾನ್ ಟೈಮ್ಸ್‌ಗೆ ನೀಡಿದ ಸಂದರ್ಶನದಲ್ಲಿ ಮಲೈಕಾರನ್ನು ಹಾಡಿಹೊಗಳಿದ್ದರು. "ಒಬ್ಬ ವ್ಯಕ್ತಿಯಾಗಿ ನನ್ನ ಬಗ್ಗೆ ನಾನು ನಂಬಲು ಮಲೈಕಾ ತುಂಬಾನೇ ಸಹಾಯ ಮಾಡಿದ್ದಾಳೆ. ನಾನು ಯಾವಾಗೂ ನನ್ನ ಬಗ್ಗೆ ನಂಬಿಕೆ ಇಟ್ಟುಕೊಂಡವನು. ಆದರೆ ಮಲೈಕಾ ನನ್ನ ಕಷ್ಟದ ಕ್ಷಣದಲ್ಲೂ ಹಾಗೇ ಇರಲು ಸಹಾಯ ಮಾಡಿದಳು." ಎಂದು ಅರ್ಜುನ್ ಕಪೂರ್ ಹೇಳಿದ್ದರು.

ಸಿನಿಮಾಗಳಲ್ಲಿ ಅರ್ಜುನ್ ಫುಲ್ ಬ್ಯುಸಿ

ಅರ್ಜುನ್ ಕೈಯಲ್ಲಿ ಸಾಕಷ್ಟು ಸಿನಿಮಾಗಳಿವೆ. ಮೋಹಿತ್ ಸೂರಿ ನಿರ್ದೇಶಿಸುತ್ತಿರುವ ಬಹು ನಿರೀಕ್ಷೆಯ ಸಿನಿಮಾ 'ಏಕ್ ವಿಲನ್ ರಿಟರ್ನ್ಸ್‌' ಚಿತ್ರದಲ್ಲಿ ನಟಿಸುತ್ತಿದ್ದಾರೆ. ಆಸ್ಮಾನ್ ಭಾರದ್ವಾಜ್ ನಟನೆಯ 'ಕುಟ್ಟಿ' ಹಾಗೂ ಅಜಯ್ ಬೆಹಲ್ ನಿರ್ದೇಶಿಸುತ್ತಿರುವ 'ಲೇಡಿ ಕಿಲ್ಲರ್' ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ.