twitter
    For Quick Alerts
    ALLOW NOTIFICATIONS  
    For Daily Alerts

    ಬಾಹುಬಲಿ ನಿರ್ದೇಶಕನಿಗೆ ಅಮಿತಾಬ್ ಬಚ್ಚನ್ ಜೊತೆ ಏನು ಕೆಲಸ?

    ಮೊಬೈಲ್- ಬಾಲಿವುಡ್ ಸೂಪರ್ ಸ್ಟಾರ್ ಅಮಿತಾಬ್ ಬಚ್ಚನ್ ರನ್ನ ಮೀಟ್ ಮಾಡಿದ ಬಾಹುಬಲಿ ನಿರ್ದೇಶಕ ರಾಜಮೌಳಿ. 'ಬಾಹುಬಲಿ-2 'ಚಿತ್ರದ ಬ್ಯುಸಿ ಶೆಡ್ಯೂಲ್ ನಲ್ಲೂ ಈ ಭೇಟಿ ಮಾಡಿದ್ದು ಯಾಕೆ ? ಇಲ್ಲಿದೆ ನೋಡಿ ಇಂಟ್ರಸ್ಟಿಂಗ್ ಮಾಹಿತಿ.....

    By Bharath Kumar
    |

    ಭಾರತೀಯ ಚಿತ್ರರಂಗದಲ್ಲಿ ಹೊಸ ದಾಖಲೆ ಬರೆದ ನಿರ್ದೇಶಕ ಎಸ್.ಎಸ್ ರಾಜಮೌಳಿ ಸದ್ಯ, 'ಬಾಹುಬಲಿ-2 'ಚಿತ್ರದ ಕ್ಲೈಮ್ಯಾಕ್ಸ್ ಶೂಟಿಂಗ್ ನಲ್ಲಿ ತೊಡಗಿಸಿಕೊಂಡಿದ್ದಾರೆ. ಬಾಹುಬಲಿ ಅಂತಹ ಸೂಪರ್ ಹಿಟ್ ಸಿನಿಮಾ ಮಾಡಿದ್ದ ರಾಜಮೌಳಿ, ಈಗ 'ಬಾಹುಬಲಿ-2' ಚಿತ್ರಕ್ಕಾಗಿ ರಾತ್ರಿ-ಹಗಲು ಶ್ರಮ ಪಡುತ್ತಿದ್ದಾರೆ.

    ಇಷ್ಟೊಂದು ಬ್ಯುಸಿ ಶೆಡ್ಯೂಲ್ ಮಧ್ಯೆಯೂ, ಬಾಹುಬಲಿ ನಿರ್ದೇಶಕ ಬಾಲಿವುಡ್ ಸೂಪರ್ ಸ್ಟಾರ್ ಅಮಿತಾಬ್ ಬಚ್ಚನ್ ರನ್ನ ಭೇಟಿ ಮಾಡಿದ್ದಾರೆ.[ಬಾಹುಬಲಿ 2 ಬಿಡುಗಡೆ ದಿನಾಂಕ ಬಹಿರಂಗ!]

    Baahubali Director Rajamouli Meets Amithab Bachchan

    ಈ ಸ್ಟಾರ್ ನಿರ್ದೇಶಕ, ಸೂಪರ್ ಸ್ಟಾರ್ ನಟನನ್ನ ಭೇಟಿ ಮಾಡಿರುವುದು, ಈಗ ಬಾಲಿವುಡ್ ಹಾಗೂ ಟಾಲಿವುಡ್ ಮಂದಿಯ ನಿದ್ದೆಕೆಡಿಸಿದೆ. ಈ ಭೇಟಿಯ ಹಿಂದೆ ಏನಾದರೂ ವಿಷಯ ಇರಬಹುದು ಎಂಬ ಅನುಮಾನಗಳು ಹುಟ್ಟಿಕೊಂಡಿದೆ. ಅಷ್ಟಕ್ಕೂ, ರಾಜಮೌಳಿ, ಅಮಿತಾಬ್ ಬಚ್ಚನ್ ರನ್ನ ಮೀಟ್ ಮಾಡಿದ್ದು ಯಾಕೆ ಎಂಬ ಪ್ರಶ್ನೆ ಕಾಡುತ್ತಿದೆ.

    Baahubali Director Rajamouli Meets Amithab Bachchan

    ರಾಮ್ ಗೋಪಾಲ್ ವರ್ಮ ನಿರ್ದೇಶನ ಮಾಡುತ್ತಿರುವ ಸರ್ಕಾರ್-3, ಚಿತ್ರದ ಶೂಟಿಂಗ್ ಸ್ಪಾಟ್ ಗೆ ರಾಜಮೌಳಿ ಭೇಟಿ ನೀಡಿ, ಬಿಗ್-ಬಿ ಅಮಿತಾಬ್ ಬಚ್ಚನ್ ರನ್ನ ಮಾತನಾಡಿಸಿದ್ದಾರೆ. ರಾಜಮೌಳಿ ಹಾಗೂ ಅಮಿತಾಬ್ ಬೇಟಿಯಾಗಿರುವ ಫೋಟೋಗಳು ಈಗ ಸಾಮಾಜಿಕ ಜಾಲಾತಾಣಗಳಲ್ಲಿ ಹರಿದಾಡುತ್ತಿವೆ. ಈ ಫೋಟೋ ನೋಡಿದ ಅಭಿಮಾನಿಗಳು ತಲೆಗೊಂದು ಕಾಮೆಂಟ್ ಹಾಕುತ್ತಿದ್ದಾರೆ.

    Baahubali Director Rajamouli Meets Amithab Bachchan

    'ಬಾಹುಬಲಿ ದಿ ಬಿಗಿನ್ನಿಂಗ್' ಸಿನಿಮಾ ತೆರೆಕಂಡಾಗ ಅಮಿತಾಬ್ ಬಚ್ಚನ್ ಒಂದು ಮಾತನ್ನ ಹೇಳಿದ್ದರು, ''ನಾನು ಬಾಹುಬಲಿ ಚಿತ್ರದ ಒಂದು ಭಾಗವಾಗಬೇಕಿತ್ತು'' ಎಂಬ ಅಭಿಪ್ರಾಯ ವ್ಯಕ್ತಪಡಿಸಿದ್ದರು. ಈ ನಡುವೆ ಬಾಹುಬಲಿ-2 ಚಿತ್ರದಲ್ಲಿ ಬಾಲಿವುಡ್ ಸ್ಟಾರ್ ಗಳು ಇರಲಿದ್ದಾರೆ ಎಂಬ ಮಾತು ರಾಜಮೌಳಿ ವಲಯದಿಂದ ಕೇಳಿ ಬಂದಿತ್ತು. ಹೀಗಾಗಿ, ರಾಜಮೌಳಿ, ಅಮಿತಾಬ್ ಬಚ್ಚನ್ ರನ್ನ ಏನಾದರು ಬಾಹುಬಲಿ-2 ಚಿತ್ರಕ್ಕಾಗಿ ಆಹ್ವಾನ ನೀಡಿದ್ದಾರಾ ಎಂಬ ಪ್ರಶ್ನೆಯೂ ಉದ್ಭವವಾಗುತ್ತೆ. ಆದ್ರೆ, ಅದನ್ನ ರಾಜಮೌಳಿಯೇ ಕನ್ ಫರ್ಮ್ ಮಾಡಬೇಕಿದೆ.

    Baahubali Director Rajamouli Meets Amithab Bachchan

    ಆದ್ರೆ, ಇದು ಕೇವಲ ಸ್ನೇಹಪೂರ್ವಕವಾದ ಭೇಟಿ ಎನ್ನಲಾಗುತ್ತಿದೆ. ಇದಕ್ಕೂ ಮುಂಚೆ ತೆಲುಗಿನ ಖ್ಯಾತ ನಟ ಬಾಲಕೃಷ್ಣ ಕೂಡ ಅಮಿತಾಬ್ ಬಚ್ಚನ್ ರ 'ಸರ್ಕಾರ್-3' ಚಿತ್ರದ ಶೂಟಿಂಗ್ ಸ್ಥಳದಲ್ಲಿ ಭೇಟಿ ಮಾಡಿದ್ದರು.

    Baahubali Director Rajamouli Meets Amithab Bachchan

    2005, 2008 ರಲ್ಲಿ ತೆರೆಕಂಡಿದ್ದ 'ಸರ್ಕಾರ್' ಹಾಗೂ 'ಸರ್ಕಾರ ರಾಜ್' ಚಿತ್ರಗಳ ಮುಂದುವರೆದ ಭಾಗ 'ಸರ್ಕಾರ್-3'. ಈಗಾಗಲೇ 'ಸರ್ಕಾರ್' ಹಾಗೂ 'ಸರ್ಕಾರ್-2' ಚಿತ್ರಗಳು ಬಾಲಿವುಡ್ ನಲ್ಲಿ ಸೂಪರ್ ಹಿಟ್ ಆಗಿವೆ. ಮೊದಲೆರೆಡು ಚಿತ್ರಗಳನ್ನ ಮಾಡಿದ್ದ ರಾಮ್ ಗೋಪಾಲ್ ವರ್ಮ, 'ಸರ್ಕಾರ್-3' ಚಿತ್ರಕ್ಕೂ ಆಕ್ಷನ್ ಕಟ್ ಹೇಳುತ್ತಿದ್ದಾರೆ. ಅಮಿತಾಬ್ ಬಚ್ಚನ್ ಈ ಚಿತ್ರದಲ್ಲೂ ನಾಯಕನಾಗಿದ್ದು, ಮನೋಜ್ ಬಾಜಪಾಯಿ, ರೋನಿತ್ ರಾಯ್, ಜಾಕಿ ಶ್ರಾಫ್ ಸೇರಿದಂತೆ ಹಲವರು ಈ ಚಿತ್ರದಲ್ಲಿ ಅಭಿನಯಿಸುತ್ತಿದ್ದಾರೆ.

    Baahubali Director Rajamouli Meets Amithab Bachchan

    ಇನ್ನೂ ಇತ್ತೀಚೆಗೆ ಮೋಷನ್ ಪೋಸ್ಟರ್ ಬಿಡುಗಡೆ ಮಾಡಿ ಸೆನ್ಸೇಷನಲ್ ಕ್ರಿಯೇಟ್ ಮಾಡಿರುವ 'ಬಾಹುಬಲಿ-2', ಕೊನೆಯ ಹಂತದ ಚಿತ್ರೀಕರಣದಲ್ಲಿದೆ. ಮುಂದಿನ ವರ್ಷ ಏಪ್ರಿಲ್ 28 ರಂದು ರಿಲೀಸ್ ಮಾಡುವ ಯೋಚನೆಯಲ್ಲಿದ್ದು, ಪ್ರಭಾಸ್, ರಾಣಾ ದಗ್ಗುಬಾಟಿ, ಅನುಷ್ಕಾ ಶೆಟ್ಟಿ, ತಮನ್ನಾ, ರಮ್ಯಾಕೃಷ್ಣ, ಸತ್ಯ ರಾಜ್ ಸೇರಿದಂತೆ ಹಲವು ಕಲಾವಿದರು 'ಬಾಹುಬಲಿ-2' ಚಿತ್ರದಲ್ಲಿ ಅಭಿನಯಿಸಿದ್ದಾರೆ.

    English summary
    Baahubali director S.S. Rajamouli was spotted on the sets of''Sarkar-3'', where he met Amitabh Bachchan during the shooting.''Sarkar-3'' is Directed by Ram Gopal Verma and also featured Amitabh Bachchan in lead role.
    Friday, October 28, 2016, 17:28
    IIFA

    Kannada Photos

    Go to : More Photos
    ತಾಜಾ ಸುದ್ದಿ ತಕ್ಷಣ ಪಡೆಯಿರಿ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X