ಅಮ್ಮ ರಾಣಿ ಮುಖರ್ಜಿಗೆ ಶುಭಾಶಯಗಳ ಮಹಾಪೂರ

ಕೃಷ್ಣ ಸುಂದರಿ, ಬಾಲಿವುಡ್ ನ ಬಹುಬೇಡಿಕೆಯ ನಟಿ ರಾಣಿ ಮುಖರ್ಜಿ - ಫಿಲ್ಮ್ ಮೇಕರ್ ಆದಿತ್ಯ ಛೋಪ್ರಾ ಮನೆಗೆ ಹೊಸ ಅತಿಥಿಯ ಆಗಮನವಾಗಿದೆ. ಮುಂಬೈನ ಬ್ರೀಜ್ ಕ್ಯಾಂಡಿ ಆಸ್ಪತ್ರೆಯಲ್ಲಿ ನಿನ್ನೆ (ಬುಧವಾರ, ಡಿಸೆಂಬರ್ 9) ಮುದ್ದಾದ ಹೆಣ್ಣು ಮಗುವಿಗೆ ರಾಣಿ ಮುಖರ್ಜಿ ಜನ್ಮ ನೀಡಿದ್ದಾರೆ.

ಈ ವಿಚಾರವನ್ನ ಆದಿತ್ಯ ಛೋಪ್ರಾ ಸಹೋದರ ಉದಯ್ ಛೋಪ್ರಾ ಟ್ವಿಟ್ಟರ್ ನಲ್ಲಿ ಬಹಿರಂಗ ಪಡಿಸಿದರು. ಕಾಡ್ಗಿಚ್ಚಿನಂತೆ ಈ ಸಿಹಿ ಸುದ್ದಿ ಹಬ್ಬುತ್ತಿದ್ದಂತೆ, ಟ್ವಿಟ್ಟರ್ ನಲ್ಲಿ ದಂಪತಿಗೆ ಶುಭಾಶಯಗಳ ಮಹಾಪೂರ ಹರಿದು ಬಂದಿದೆ. [ಬಾಲಿವುಡ್ ನಟಿ ರಾಣಿ ಮುಖರ್ಜಿ ಮಡಿಲಲ್ಲಿ ಮುದ್ದು ರಾಜಕುಮಾರಿ]

ಕರಣ್ ಜೋಹರ್, ರಿಶಿ ಕಪೂರ್, ಪರಿಣಿತಿ ಛೋಪ್ರಾ ಸೇರಿದಂತೆ ಬಾಲಿವುಡ್ ನ ಗಣ್ಯಾತಿಗಣ್ಯರು ರಾಣಿ ಮುಖರ್ಜಿ-ಆದಿತ್ಯ ಛೋಪ್ರಾ ದಂಪತಿಗೆ ಶುಭಾಶಯ ಕೋರಿದ್ದಾರೆ. ಕೆಲವು ಟ್ವೀಟ್ಸ್ ಇಲ್ಲಿದೆ ನೋಡಿ.....