'ವಿಕ್ರಂ' ಮುಂದೆ 'ಕೆಜಿಎಫ್ 2' ಬಚ್ಚಾ: ಮತ್ತೆ ಖ್ಯಾತೆ ತೆಗೆದ ಕಮಾಲ್!

'ವಿಕ್ರಂ' ಮುಂದೆ 'ಕೆಜಿಎಫ್ 2' ಬಚ್ಚಾ

'ಕೆಜಿಎಫ್ 2' ಸಿನಿಮಾ ಬಿಡುಗಡೆಯಾದಲ್ಲಿಂದ ಒಂದಲ್ಲಾ ಒಂದು ವಿಷಯಕ್ಕೆ ಖ್ಯಾತೆ ತೆಗೆಯುತ್ತಲೇ ಇದ್ದಾರೆ. 'ಕೆಜಿಎಫ್ 2' ಬಾಕ್ಸಾಫೀಸ್‌ನಲ್ಲಿ ಧೂಳೆಬ್ಬಿಸುತ್ತಿದ್ದರೂ, ಕಮಾಲ್ ಆರ್ ಖಾನ್ ಮಾತ್ರ ನೆಗೆಟಿವ್ ಆಗಿ ಟ್ವೀಟ್ ಮಾಡುತ್ತಲೇ ಇದ್ದರು. ಈಗ 'ವಿಕ್ರಂ' ಸಿನಿಮಾ ಬಿಡುಗಡೆ ಬಳಿಕ ಮತ್ತೆ ಟೀಕಾ ಪ್ರಹಾರವನ್ನು ಮುಂದುವರೆಸುತ್ತಲೇ ಇದ್ದಾರೆ. ಮತ್ತೆ ಟ್ವೀಟ್ ಮಾಡಿ 'ವಿಕ್ರಂ ಮುಂದೆ 'ಕೆಜಿಎಫ್ 2 ಬಚ್ಚಾ' ಎಂದು ಕಮೆಂಟ್ ಮಾಡಿದ್ದಾರೆ. ಇದು ಯಶ್ ಅಭಿಮಾನಿಗಳನ್ನು ಮತ್ತೆ ಕೆರಳುವಂತೆ ಮಾಡಿದೆ.

ಏನಂತಿದ್ದಾರೆ ಯಶ್ ಫ್ಯಾನ್ಸ್?

ಕಿರಿಕ್ ವಿಮರ್ಶಕ ಕಮಾಲ್ ಆರ್ ಖಾನ್ ಮತ್ತೆ ಟೀಕೆ ಮಾಡುತ್ತಿದ್ದಂತೆ ರಾಕಿಂಗ್ ಸ್ಟಾರ್ ಯಶ್ ಅಭಿಮಾನಿಗಳು ತಿರುಗಿಬಿದ್ದಿದ್ದಾರೆ. "ಕೆಜಿಎಫ್ ಜೊತೆ ಹೋಲಿಕೆ ಮಾಡಿದ ಎಲ್ಲಾ ಸಿನಿಮಾಗಳು ಇತ್ತೀಚೆಗೆ ಟ್ರೆಂಡ್ ಆಗುತ್ತಿವೆ. ಆದರೆ, ಬೀಟ್ ಮಾಡುವುದಕ್ಕೆ ಸಾಧ್ಯವಾಗಿಲ್ಲ. ವಿರೋಧಿಸುವವರು ಈ ಬಾರಿ ಕೂಡ ಅಳುತ್ತಾರೆ." ಎಂದು ಒಬ್ಬರು ಕಮೆಂಟ್ ಮಾಡಿದ್ದಾರೆ. ಇನ್ನೊಬ್ಬರು " ಕೆಜಿಎಫ್ ಅಂದ್ರೆ ಕೆಜಿಎಫ್ ಅದರ ಸರಿಸಮನಾಗಿ ಯಾವುದೂ ಬರಲು ಸಾಧ್ಯವಿಲ್ಲ." ಎಂದಿದ್ದಾರೆ. ಮತ್ತೊಬ್ಬರು " ಕೆಜಿಎಫ್ 2 ಹಾಲಿವುಡ್ ಲೆವೆಲ್ ಸಿನಿಮಾ" ಎಂದು ತಿರುಗೇಟು ನೀಡಿದ್ದಾರೆ.

'ಕೆಜಿಎಫ್ 2' ವಿರೋಧಿಸಿದ್ದ ಕಮಲ್

'ಕೆಜಿಎಫ್ 2' ವಿರುದ್ಧ ಕಮಾಲ್ ಆರ್ ಖಾನ್ ತಿರುಗಿಬಿದ್ದಿದ್ದು ಇದೇ ಮೊದಲೇನಲ್ಲ. ಈ ಹಿಂದೆ ಕೂಡ ಹಲವು ಬಾರಿ ಟೀಕೆ ಮಾಡಿದ್ದಾರೆ. ಕೆಲವು ದಿನಗಳ ಹಿಂದೆ ಯಶ್ ಫೋಟೊವನ್ನು ಶೇರ್ ಮಾಡಿ ಬೋಜ್‌ಪುರಿ ನಟನಿದ್ದಂತೆ ಇದ್ದೀಯಾ ಎಂದಿದ್ದರು. ಆಗಲೂ ಯಶ್ ಫ್ಯಾನ್ಸ್ ತಿರುಗಿಬಿದ್ದಿದ್ದರು. 'ಕೆಜಿಎಫ್ 2' ಸಿನಿಮಾ ರಿಲೀಸ್ ಆದಾಗಲೂ "ಸಿನಿಮಾ ನೋಡಿ ಹಣ, ಸಮಯ ವ್ಯರ್ಥ" ಎಂದು ಕಮೆಂಟ್ ಮಾಡಿದ್ದರು.

ಎರಡೂ ದಕ್ಷಿಣದ ಸಿನಿಮಾಗಳೇ

'ಕೆಜಿಎಫ್ 2' ಹಾಗೂ 'ವಿಕ್ರಂ' ಎರಡೂ ಸಿನಿಮಾಗಳೂ ಬಾಕ್ಸಾಫೀಸ್‌ನಲ್ಲಿ ಬೇಜಾನ್ ಸದ್ದು ಮಾಡುತ್ತಿವೆ. 'ಕೆಜಿಎಫ್ 2' ಈಗಾಗಲೇ ₹1250 ಕೋಟಿ ಗಳಿಸಿ ಮುನ್ನುಗ್ಗುತ್ತಿದೆ. ಇನ್ನೊಂದು ಕಡೆ 'ವಿಕ್ರಂ' ಸಿನಿಮಾ ₹150 ಕೋಟಿ ದಾಟಿದೆ. ಈ ಎರಡೂ ಸಿನಿಮಾ ದಕ್ಷಿಣದ ಸಿನಿಮಾಗಳೇ. ಇವೆರಡರ ಮಧ್ಯೆ ತಂದಿಡುವ ಕೆಲಸವನ್ನು ಕಮಾಲ್ ಆರ್ ಖಾನ್ ಮಾಡುತ್ತಿದ್ದಾರೆ ಎಂದು ನೆಟ್ಟಿಗರು ಕಿಡಿಕಾರಿದ್ದಾರೆ.