ಭಾರತ Vs ಪಾಕಿಸ್ತಾನ ಕ್ರಿಕೆಟ್ ಪಂದ್ಯದ ವೇಳೆನೂ ಕುಗ್ಗಿಲ್ಲ 'ಕಾಂತಾರ': ಬಾಕ್ಸಾಫೀಸ್‌ನಲ್ಲಿ ಹವಾ ಹೇಗಿದೆ?

'ಕಾಂತಾರ' ಹಿಂದಿ ಕಲೆಕ್ಷನ್ ಎಷ್ಟು?

ಬಾಲಿವುಡ್ ಸೆಲೆಬ್ರೆಟಿಗಳು 'ಕಾಂತಾರ' ಸಿನಿಮಾ ನೋಡಿ ಮೆಚ್ಚಿಕೊಳ್ಳುತ್ತಿದ್ದಾರೆ. ಒಬ್ಬೊಬ್ಬರಾಗಿಯೇ ಸಿನಿಮಾ ನೋಡಿ ಮೆಚ್ಚುಗೆ ಸೂಚಿಸುತ್ತಿದ್ದಾರೆ. 'ಕಾಂತಾರ' ಹಿಂದಿಗೆ ಡಬ್ ಆಗಿ ಹಿಂದಿಯಲ್ಲಿ ರಿಲೀಸ್ ಆಗಿ ಸುಮಾರು 10 ದಿನಗಳಾಗಿವೆ. ಇಲ್ಲಿವರೆಗೂ 'ಕಾಂತಾರ' ಗಳಿಕೆಯಲ್ಲಿ ಮೋಸ ಆಗಿದೆ. ಈ 10 ದಿನೇ ದಿನ 'ಕಾಂತಾರ' 20 ಕೋಟಿ ರೂಪಾಯಿ ಗಡಿ ದಾಟಿದೆ. ಇದೂವರೆಗೂ ಈ ಸಿನಿಮಾ ಸುಮಾರು 22 ಕೋಟಿ ರೂಪಾಯಿ ಗಳಿಸಿದೆ ಎನ್ನಲಾಗಿದೆ.

ಭಾರತ Vs ಪಾಕಿಸ್ತಾನ ಪಂದ್ಯದಂದು ಗಳಿಸಿದ್ದೆಷ್ಟು?

ಭಾರತ Vs ಪಾಕಿಸ್ತಾನ ಕ್ರಿಕೆಟ್ ಪಂದ್ಯದ ದಿನ ಬಾಕ್ಸಾಫೀಸ್‌ ಕಲೆಕ್ಷನ್ ಡ್ರಾಪ್ ಆಗಬಹುದು ಎಂದು ನಿರೀಕ್ಷೆ ಮಾಡಲಾಗಿತ್ತು. ಆದರೆ, ಆ ಲೆಕ್ಕಾಚಾರ ಕೂಡ ತಲೆಕೆಳಗಾಗಿದೆ. ಪಂದ್ಯ ವೇಳೆನೂ ಜನರು ಥಿಯೇಟರ್‌ಗೆ ಬಂದು ಸಿನಿಮಾ ನೋಡಿದ್ದಾರೆ. ನಿನ್ನೆ (ಅಕ್ಟೋಬರ್ 23) 'ಕಾಂತಾರ' ಸಿನಿಮಾ ಹಿಂದಿ ಬೆಲ್ಟ್‌ನಲ್ಲಿ ಬರೋಬ್ಬರಿ 2 ಕೋಟಿ ರೂ.ಗೂ ಅಧಿಕ ಕಲೆಕ್ಷನ್ ಮಾಡಿದ್ದಾಗಿ ವರದಿಯಾಗಿದೆ. ಈ ಮೂಲಕ ಇದೂವರೆಗೂ ಸುಮಾರು 22 ಕೋಟಿ ರೂ. ಗಳಿಕೆ ಕಂಡಿದೆ.

30 ಕೋಟಿ ಕ್ಲಬ್ ಮೇಲೆ 'ಕಾಂತಾರ' ಕಣ್ಣು

ಹಿಂದಿಯಲ್ಲಿ ಈ ಸಿನಿಮಾ 20 ಕೋಟಿ ಗಳಿಸಬಹುದು ಅನ್ನೋ ನಿರೀಕ್ಷೆಯಿರಲಿಲ್ಲ. ಮೊದಲೆರಡು ದಿನ ಹಿಂದಿ ಬೆಲ್ಟ್‌ನಲ್ಲಿ ಆ ಮಟ್ಟಿಗೆ ಸದ್ದು ಮಾಡಿರಲಿಲ್ಲ. ಈಗ ಈ ಸಿನಿಮಾ ಬಗ್ಗೆ ದಿನದಿಂದ ದಿನಕ್ಕೆ ಕ್ರೇಜ್ ಹೆಚ್ಚಾಗುತ್ತಿದೆ. ಹೀಗಾಗಿ 'ಕಾಂತಾರ' ಈ ವಾರದ ಅಂತ್ಯದ ವೇಳೆಗೆ 30 ಕೋಟಿ ರೂ. ಕ್ಲಬ್ ಸೇರಬಹುದು ಎಂದು ಅಂದಾಜಿಸಲಾಗಿದೆ. ಅಲ್ಲದೆ ದೀಪಾವಳಿ ಹಬ್ಬದ ಸಂಭ್ರಮದಲ್ಲಿ ಕಲೆಕ್ಷನ್ ಮೇಲೆ ಚಿತ್ರತಂಡದ ಕಣ್ಣಿದೆ.

'ಡಾಕ್ಟರ್ ಜಿ' ಹಿಂದಿಕ್ಕಿದ 'ಕಾಂತಾರ'

'ಕಾಂತಾರ' ಬಿಡುಗಡೆಯಾಗಿದ್ದ ದಿನವೇ ಬಾಲಿವುಡ್‌ನಲ್ಲಿ ಎರಡು ಸಿನಿಮಾಗಳು ರಿಲೀಸ್ ಆಗಿದ್ದವು. ಆಯುಷ್ಮಾನ್ ಖುರಾನಾ ಅಭಿನಯದ 'ಡಾಕ್ಟರ್ ಜಿ' ಹಾಗೂ ಪರಿಣಿತಿ ಚೋಪ್ರಾ ಅಭಿನಯದ 'ಕೋಡ್ ನೇವ್ ತಿರಂಗ' ಈ ಎರಡೂ ಸಿನಿಮಾಗಳೂ 'ಕಾಂತಾರ' ಮುಂದೆ ಮಂಡಿಯೂರಿವೆ. ಅದಲ್ಲೂ 'ಕಾಂತಾರ'ಗೆ ಟಕ್ಕರ್ ಕೊಡುತ್ತಿದ್ದ 'ಡಾಕ್ಟರ್ ಜಿ' ಗಳಿಕೆಯನ್ನೂ ಹಿಂದಿಕ್ಕೆ ಹಾಕಿದೆ. ಮುಂಬೈ ಬಿಟ್ಟು ಉಳಿದ ಎಲ್ಲಾ ಕಡೆಗಳಲ್ಲಿ 'ಕಾಂತಾರ' ಕಲೆಕ್ಷನ್ 'ಡಾಕ್ಟರ್‌ ಜಿ'ಗಿಂತ ಹೆಚ್ಚಿದೆ.