ಆಸ್ಕರ್ ರೇಸ್‌ಗೆ ಆಯ್ಕೆಯಾದ ಭಾರತೀಯ ಕಿರುಚಿತ್ರ 'ಪಾಷ್'

'ಸ್ಕೂಲ್ ಬ್ಯಾಗ್' ಕಿರುಚಿತ್ರ ನಿರ್ದೇಶಿಸಿ ಖ್ಯಾತಿ ಗಳಿಸಿಕೊಂಡಿದ್ದ ಧೀರಜ್ ಜಿಂದಾಲ್ ಈಗ ಮತ್ತೊಂದು ಕಿರುಚಿತ್ರ ಮೂಲಕ ಗಮನ ಸೆಳೆಯುತ್ತಿದ್ದಾರೆ. ಪಾಷ್ ಎಂಬ ಕಿರುಚಿತ್ರ ನಿರ್ದೇಶಿಸಿರುವ ಧೀರಜ್ ಈ ಸಲ ಆಸ್ಕರ್ ಪ್ರಶಸ್ತಿ ಮೇಲೆ ಕಣ್ಣಿಟ್ಟಿದ್ದಾರೆ.

ಭಾರತದಿಂದ ಆಸ್ಕರ್ ಪ್ರಶಸ್ತಿಗೆ ನಾಮಿನೇಟ್ ಆಗುವ ಕಿರುಚಿತ್ರಗಳ ಪೈಕಿ ಧೀರಜ್ ಜಿಂದಾಲ್ ಅವರು ಪಾಷ್ ಚಿತ್ರ ಸ್ಥಾನ ಪಡೆದುಕೊಂಡಿದೆ ಎಂದು ಎಎನ್‌ಐ ವರದಿ ಮಾಡಿದೆ. ಭಾರತೀಯ ಕಿರುಚಿತ್ರೋತ್ಸವದಲ್ಲಿ ಪಾಷ್ ಸಿನಿಮಾವೂ ಟಾಪ್ ಐದರಲ್ಲಿ ಸ್ಥಾನ ಪಡೆದುಕೊಂಡಿತ್ತು. ಈಗ ಆಸ್ಕರ್ ಪ್ರಶಸ್ತಿಗೆ ಹೋಗಲು ಸಜ್ಜಾಗಿದೆ.

13 ನಿಮಿಷಗಳ ಈ ಕಿರುಚಿತ್ರದಲ್ಲಿ ಅಭಿಷೇಕ್ ಬ್ಯಾಜರ್ನಿ ಮುಖ್ಯ ಪಾತ್ರದಲ್ಲಿ ನಟಿಸಿದ್ದಾರೆ. ಚಿತ್ರದಲ್ಲಿ ಬ್ಯಾನರ್ಜಿ ಟ್ರಕ್ ಡ್ರೈವರ್ ಪಾತ್ರವನ್ನು ನಿರ್ವಹಿಸುತ್ತಿದ್ದಾರೆ.

ಈ ಕುರಿತು ಪ್ರತಿಕ್ರಿಯೆ ನೀಡಿರುವ ಧೀರಜ್ ಜಿಂದಾಲ್ ''ಈ ಸುದ್ದಿಯಿಂದ ನಾವೆಲ್ಲರೂ ಸಂತಸಗೊಂಡಿದ್ದೇವೆ. ಇಲ್ಲಿಂದ ಹಬ್ಬ ಆರಂಭವಾಗಿದೆ'' ಧೀರಜ್ ಜಿಂದಾಲ್ ಹರ್ಷ ವ್ಯಕ್ತಪಡಿಸಿದ್ದಾರೆ. ''ಕೆಲವು ವರ್ಷಗಳ ಹಿಂದೆ ಸಾರಿಗೆ ಕಾರ್ಮಿಕರ ಬಗ್ಗೆ ಸಾಕ್ಷ್ಯಚಿತ್ರವನ್ನು ಮಾಡುತ್ತಿದ್ದೆ. ಆಗ ಟ್ರಕ್ ಚಾಲಕರನ್ನು ಭೇಟಿ ಮಾಡಿದಾಗ ಅವರು ಹೇಳಿದ ಕಥೆ ನನ್ನೊಳಗೆ ಉಳಿಯಿತು. ಯಾವಾಗಲೂ ಅವರ ನೋವು ಮತ್ತು ಅಸಹಾಯಕತೆಯ ಕಥೆಯನ್ನು ನಿರೂಪಿಸಲು ನಾನು ಇಷ್ಟಪಡುತ್ತೇನೆ'' ಎಂದು ಹೇಳಿದ್ದಾರೆ.

ಜಿಂದಾಲ್ ಈ ಹಿಂದೆ 'ದಿ ಸ್ಕೂಲ್ ಬ್ಯಾಗ್' ಕಿರುಚಿತ್ರವನ್ನು ನಿರ್ದೇಶಿಸಿದ್ದರು. 40ಕ್ಕೂ ಹೆಚ್ಚು ಪ್ರಶಸ್ತಿಗಳನ್ನು ಗೆದ್ದಿದ್ದಾರೆ ಮತ್ತು 100ಕ್ಕೂ ಹೆಚ್ಚು ಅಂತರರಾಷ್ಟ್ರೀಯ ಚಲನಚಿತ್ರೋತ್ಸವಗಳಲ್ಲಿ ಪ್ರದರ್ಶನಗೊಂಡಿದೆ.

Recommended Video