ಆಕ್ಷನ್ ಮಾಡಲು ಹೋಗಿದ್ದ ನಟಿ ಕಂಗನಾ ಕಾಲಿಗೆ ಗಾಯ

ಬಾಲಿವುಡ್ ನಟಿ ಕ್ವೀನ್ ಕಂಗನಾ ಶೂಟಿಂಗ್ ವೇಳೆ ಗಾಯಗೊಂಡಿದ್ದು ಆಸ್ಪತ್ರೆ ಸೇರಿದ್ದಾರೆ. ಬಾಲಿವುಡ್ ನ ಬಹುದೊಡ್ಡ ಸಿನಿಮಾದ ಚಿತ್ರೀಕರಣ ಮಾಡುತ್ತಿರುವ ಕಂಗನಾ ಎರಡನೇ ಬಾರಿ ಶೂಟಿಂಗ್ ಸೆಟ್ ನಲ್ಲಿ ಪೆಟ್ಟು ಮಾಡಿಕೊಂಡಿದ್ದಾರೆ.

ಹೌದು, 'ಮಣಿಕರ್ಣಿಕಾ: ದಿ ಕ್ವೀನ್ ಆಫ್ ಝಾನ್ಸಿ' ಚಿತ್ರದಲ್ಲಿ ನಟಿಸುತ್ತಿರುವ ಕಂಗನಾ, ಆಕ್ಷನ್ ದೃಶ್ಯದ ವೇಳೆ ಗಾಯಗೊಂಡಿದ್ದಾರೆ. ಜೋಧಪುರ್ ಕೋಟೆಯಲ್ಲಿ ಫೈಟಿಂಗ್ ಚಿತ್ರೀಕರಣ ನಡೆಯುತ್ತಿದ್ದ ವೇಳೆ ಕಂಗನಾ ಕಾಲಿಗೆ ಪೆಟ್ಟಾಗಿದೆ.

ಕಂಗನಾ-ಹೃತಿಕ್ ಜಗಳದಿಂದ ಬಾಲಿವುಡ್ ನಟನ ಅಫೇರ್ ಸುದ್ದಿ ಬಹಿರಂಗ.!

ಕತ್ತಿವರಸೆ ಚಿತ್ರೀಕರಣದ ವೇಳೆ ಕಂಗನಾ ಗಾಯಮಾಡಿಕೊಂಡಿದ್ದು, ತಕ್ಷಣ ಸ್ಥಳೀಯ ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ನೀಡಲಾಗಿದೆ. ಸದ್ಯ ವಿಶ್ರಾಂತಿಗಾಗಿ ಕಂಗನಾ ಮುಂಬೈಗೆ ತೆರಳಿದ್ದಾರೆಂದು ಚಿತ್ರ ತಂಡ ತಿಳಿಸಿದೆ.

ಇದಕ್ಕು ಮುಂಚೆ ಹೈದರಾಬಾದ್‌ ನ ರಾಮೋಜಿ ಫಿಲಂ ಸಿಟಿಯಲ್ಲಿ ಚಿತ್ರೀಕರಣವಾಗುತ್ತಿದ್ದ ಸಂದರ್ಭದಲ್ಲೂ ಕೂಡ ಕಂಗನಾ ತೀವ್ರವಾಗಿ ಗಾಯಗೊಂಡಿದ್ದರಂತೆ.

ಶೂಟಿಂಗ್ ವೇಳೆ ಅವಘಡ: ಗಾಯಗೊಂಡ ಕಂಗನಾ ಹಣೆ ಮೇಲೆ 15 ಹೊಲಿಗೆ

ಅಂದ್ಹಾಗೆ, ಕ್ರಿಶ್ ಈ ಚಿತ್ರವನ್ನ ನಿರ್ದೇಶನ ಮಾಡುತ್ತಿದ್ದು, ಕೆ.ವಿಜಯೇಂದ್ರ ಪ್ರಸಾದ್ ಕಥೆ ಬರೆದಿದ್ದಾರೆ. ಮಣಿಕರ್ಣಿಕಾ, ಝಾನ್ಸಿ ರಾಣಿಯ ಕಥೆಯಾಗಿದ್ದು, ಈ ಚಿತ್ರಕ್ಕಾಗಿ ಕಂಗನಾ ಸಾಕಷ್ಟು ತಯಾರಿ ನಡೆಸಿದ್ದಾರೆ. ಕತ್ತಿ ವರಸೆ ತರಬೇತಿ ಕೂಡ ಪಡೆದಿದ್ದಾರೆ.

ರಾಣಿ ಲಕ್ಷ್ಮೀಬಾಯಿ ಅವತಾರದಲ್ಲಿ 'ಕ್ವೀನ್' ಕಂಗನಾ: ಫೋಟೋ ವೈರಲ್